Шәһри Казан

Рөстәм Миңнеханов: Икмәк җитештерүдә өзеклекләр булырга тиеш түгел

Рөстәм Миңнеханов предприятиедә хезмәткәрләр өчен санитар-эпидемиологик күзәтчелек чаралары ничек оештырылуын тикшерде. "Хезмәткәр иминлеге - бүгенге көндә хезмәт эшчәнлеген оештырудагы өстенлекләрнең берсе ул", - диде ул. 

Бүген Татарстан Республикасы Президенты Рөстәм Миңнеханов берничә предприятиедә булды. 

Башта ул Казан вертолетлар заводында булды. 

Искәртик, КВЗ система булдыручы предприятиеләр исемлегенә керде һәм 6 апрельдән эшен башлады.  

Рөстәм Миңнеханов предприятиедә хезмәткәрләр өчен санитар-эпидемиологик күзәтчелек чаралары ничек оештырылуын тикшерде. "Хезмәткәр иминлеге - бүгенге көндә хезмәт эшчәнлеген оештырудагы өстенлекләрнең берсе ул", - диде ул. 

Шулай ук заводта Рөстәм Миңнеханов вертолет корпуслары, калаклары җыела торган цехны карады. 

"Казан вертолетлар заводы" ГАҖ идарәче директоры Юрий Пустовгаров хәбәр иткәнчә, предприятиедә дәүләт оборона заказын башкаручы хезмәткәрләр эшкә кереште. Хезмәткәрләрнең бер өлеше өйдән эшли. 

Рөстәм Миңнеханов караган икенче предприятие - «Татхимфармпрепараты» АҖ . 

Реклама

Биредә ул фармацевтика продукциясен җитештерү барышы белән танышты. «Татхимфармпрепараты» АҖ коронавирус инфекциясе чорында файдалы булган препаратлар да җитештерә. 

Рөстәм Миңнеханов парацетомол җитештерү линиясен карады. Санитар-эпидемиологик күзәтчелек чаралары ничек оештырылуын тикшерде. 

«Татхимфармпрепараты» АҖ продукциясенә Россиядә дә, чит илләрдә дә ихтыяҗ бар, - диде Рөстәм Миңнеханов. - Әмма хәзерге вәзгыятьтә сезне эчке базар ихтыяҗларына өстенлекле рәвештә җавап бирергә өндим". 

Аннары Рөстәм Миңнеханов «БКК»  АҖдә булды. Икмәк-кондитер комбинаты заманча җиһазландырылган һәм продукциясе ассортименты бик бай. 

Рөстәм Миңнеханов биредә ипи җитештерү цехын карады. Гадәттәгечә, халык күмәч һәм авыл ипиен яратып ала. 

Татарстан Президентын ТР буенча Роспотребнадзор Идарәсе җитәкчесе Марина Патяшина озата йөрде. 

ТР Матбугат хезмәте

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: