#Җәмгыять 09 апреля 2013, 11:20

Диана Мишкинаны бездә онытмыйлар

09 апреля 2013, 11:20

Чаллы, Тукай, Кукмара, Сарман, Балык Бистәсе, Болгар төбәкләреннән, Мамадыш шәһәре һәм авылларыннан җыелган 86 катнашучы. Диана Мишкина истәлегенә уздырылган II төбәкара фестиваль-конкурс әнә шундый зур күләм чара булды.

Скопировать ссылку

Монда татар, рус, мари, удмурт, хәтта чит телләрдә җырлар яңгырады. Эстрада һәм халык җырларын башкаручыларның, иҗади коллективларның чыгышын мәртәбәле жюри бәяләде. Әлеге фестиваль Диананың әнисе - районыбызның моң чишмәсе, җырчы Светлана Сабирова җитәкчелегендә уза. Яруллиннар исемендәге балалар сәнгать мәктәбе коллективы оештыру эшләрен үз җилкәсенә ала.
20 яшьтә юл фаҗигасендә гомере өзелгән Россия һәм Халыкара конкурсларның җиңүчесе, «Бәрмәнчек» дәүләт керәшен ансамбле солисты, Әүхәдиев исемендәге музыка көллияте талибәсе Диана Мишкина Мамадышыбыз горурлыгы иде.
Фестивальне оештыручылар аның киләчәктә тагын да зуррак күләмдә узачагын вәгъдә иттеләр.