Шәһри Казан

Александр Сидякин: «Әтиләр көне бәйрәме кирәк»

Россия Федерациясе Дәүләт Думасы депутаты Александр Сидякин «Татар-информ» агентлыгында узган матбугат конференциясендә Дәүләт Думасының язгы сессиясендә башкарылган эшләр белән таныштырды.

Реклама

- Барлыгы 225 федераль закон кабул ителде. Аларның күбесе - Россия Президенты Владимир Путинның Дәүләт Думасына юлламасында куелган йөкләмәләрне гамәлгә ашыруга юнәлтелгән социаль эчтәлектәге законнар, - диде Александр Сидякин.

Польшада совет чоры һәйкәлләрен җимерүгә юнәлтелгән сәясәткә протест йөзендә, Россия Дәүләт Думасы, Израильнең Киннесеты, ягъни парламенты белән берлектә, уртак карар чыгарган. Россия Федерациясе гражданлыгын алу процедурасы гадиләштерелгән.
Ил буенча өлешле торак төзелешендә четерекле мәсьәләгә әверелгән бер мең объект исәпләнә. Татарстанда кешеләр дә түләгән акча хисабына төзелә башлаган 29 йорт «сакаллы төзелеш»кә әйләнгән. Алардагы өлешчеләр - 6 мең кеше. Депутат әйткәнчә, өлешле төзелештә катнашучы гаиләләрне, шулай ук банклар банкротлыгыннан зыян күрүчеләрне яклап, махсус чаралар кабул ителгән. Авария хәлендәге тораклардан Россия буенча бер миллион кеше яңа фатирларга күчерелгән.

- Фатирларны түләүсез хосусыйлаштыру хокукы, минем башлангычта, чиксез вакытка озынайтылды, - диде Александр Сидякин. - Дәүләт Думасында тышкы төзекләндерү чараларына 26 миллиард сум билгеләнде, шуның бер миллиарды Татарстанга эләкте.

Журналистлар депутатны «ачы-төче» сорауларга күмде.
- Федераль үзәк белән Татарстан арасында шартнамә вәкаләтен озынайтуны кирәк дип саныйм. Барлык субъектлар да шартнамә кабул итү дәрәҗәсендә түгел, ә Татарстан моңа лаек. Республикада барлык предприятиеләр дә җитештерүчән эшли, салым түли. Шартнамә республика икътисадының күтәрелешенә этәргеч бирде. Россия унитар дәүләт түгел бит. Татарстанны һәм Татарстан Республикасы Дәүләт Советы депутатларының федераль килешүне дәвам итү турындагы мөрәҗәгатьләрен хуплыйм, -диде Александр Сидякин.

Залдан яңгыраган сорауга колак салганда, Дәүләт Думасы депутатларының айлык хезмәт хакы - 700 мең сум. Александр Сидякин сораудан качмады: «Хезмәт хакым 700 мең түгел, ә 300 мең сум. Бу акчаларның шактый өлешен социаль чараларга, күп балалы гаиләләргә ярдәмгә бирәм», - диде.
Депутат Сидякин чираттагы җавабында аңлатканча, күп фатирлы йорттагы гомум антенна өчен әлеге антеннадан файдаланган кешеләр генә түләргә тиеш.

- Мәскәүдә «хрущевка»ларны сүтеп, аларда яшәүчеләргә яңа йортлардан бушлай фатирлар бирү кебек программаны Россия күләмендә куллану уйланыламы? - дип сорадым мин.

- Дәүләт Думасында бу мәсьәлә уйланыла, - диде депутат. - Ләкин барлык төбәкләрнең дә мондый мөмкинлеге юк. Мәскәү реновация эшләренә 300 миллиард сум билгеләде. Мәскәүдән соң «хрущевка»ларны бетерү эстафетасын Санкт-Петербург алырга исәпли. Олимпия уеннарына әзерлек кысаларында, Казан, мөгаен, өченче шәһәр булыр.
Татарстан Республикасы Дәүләт Советы депутатларының ир белән хатынның аерылышуына «киртәләр» куярга омтылышы, Александр Сидякин әйткәнчә, Россия Федерациясе Дәүләт Думасы депутатларында артык яклау тапмаган.

- Ир белән хатын бергә яши алмаслык чиккә җиткән икән, аларның аерылышуын ничек инде закон белән чикләргә була? - дип фикер йөртте Александр Сидякин. - Әтиләр көне бәйрәме кирәк. Әтиләр хөрмәтенә рәсми бәйрәмне законда нигезләргә омтылам. Әтиләр көне бәйрәме барыбер булачак.

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    421
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    305
    2
    2
  • 1 февраля 2018 в 12:13
    Руслан Айсин: «Төп проблема – намус булмавында һәм рухи гариплектә» Телне саклап калу юллары бармы? Татарның милли үзаңын уятыр өчен нинди юнәлештә хәрәкәт итәргә? Рухи яктан ярлы булып, курчак кыяфәтенә кермәс өчен безгә ниләр эшләргә – болар хакында сәясәт белгече Руслан АЙСИН белән сөйләшик.
    353
    1
    3
  • 17 февраля 2018 в 14:54
    Батырлыкта өлеше бар Совет сугышчыларының Сталинград янындагы батырлыгына 75 ел тулган көннәрдә бу хакта күп языла, күп сөйләнә.
    29
    0
    1