Шәһри Казан

Балалар тырай тибеп йөрмәсен

Авылда әби-бабайлары булган балаларга рәхәт инде. Алар җәйләрен шунда уздыра. Ә менә шәһәр баласы көне буена үз иркенә тапшырыла. Бу бер дә дөрес түгел, дип белдерделәр «Татмедиа» басма һәм массакүләм коммуникацияләр буенча республика агентлыгында узган матбугат конференциясендә. Ул балалар һәм яшүсмерләрне җәйге каникул вакытында оешкан төстә ял иттерү һәм сәламәтләндерү,...

Анда ТР яшьләр эшләре, спорт һәм туристлык министры урынбасары Андрей Кондратьев, ТР мәгариф һәм фән министры урынбасары Айрат Зиннуров, ТР хезмәт, мәшгульлек һәм социаль яклау министры урынбасары Наталья Бутаева һәм башкалар катнашты. Андрей Кондратьев, республикада барлыгы 218 мең бала җәйге каникулга чыга һәм алар урамда тик йөрмәсеннәр өчен махсус җәйге лагерьлар оештырыла, дип белдерде. Каникулларга чыккан балаларның 48 меңенә вакытлыча эш табыла икән. Ундүрт яше тулган һәр яшүсмер Республиканың балалар ялын һәм мәшгульлеген оештыручы «Җәй» үзәгенә 231-50-24 телефоны буенча мөрәҗәгать иткән очракта, аңа эш урыны тәкъдим итәчәкләр. Әмма шулай да күпчелек яшүсмерләрнең ата-аналары балаларын ял иттерүгә, сәламәтләндерүгә өстенлек бирә. Моның өчен республикада шулай ук барлык шартлар да тудырылган, дип белдерделәр очрашуда катнашучылар. Барлыгы 121 лагерь сәламәтләндерү буенча эш алып бара, 1300 мәктәп яны лагере, 75 палаткалы лагерь бар һәм Кара диңгез буенда Татарстан Республикасы карамагындагы 7 лагерь эшли.
Татарстанда быел балалар ялын һәм мәшгульлеген оештыру эшенә 1 млрд 77 млн сум акча бүлеп бирелә. 2011 елның җәендә стационар лагерьдагы бер сменаның бәясе уртача 9486 сум, палаткалы лагерьда уртача 4200 сум, көндезге лагерь өчен түләү 1926 сум булачак. Ә шифаханәләрдә сәламәтләндерү курсы үткән өчен уртача 17780 сум, Кара диңгез буендагы лагерьларда ял итәр өчен 14630 сум акча чыгарырга кирәк. Бюджеттан бирелүче юллама бәясенең 15 проценттан да ким булмаган өлешен ата-аналарга түләргә туры киләчәк. Аз керемле гаиләләр өчен бушка гына бирелүче юлламалар да каралган.

Реклама
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 19 января 2018 в 14:32
    Балалар бакчасына түләү күпмегә арта?
    Быел 1 гыйнвардан балалар бакчасына түләү бәяләре артты. Былтыргы белән чагыштырганда (2017 елда түләүләр сигез процентка арткан иде) әллә ни күпкә түгел, дүрт процентка гына. Бу уртача 120 сум дигән сүз.
    35
    0
    0