Шәһри Казан

Болгар әкренләп серләрен ача

Болгар кайнап тора. Ял көннәрендә туристлар ташкыны тагын да арта. Кайлардан гына килмиләр. Болгар дәүләт музей-тыюлыгындагы бар нәрсә кызыксындыра аларны: тарихи корылмалар, кабер ташлары, казу эшләре вакытында археологлар тапкан экспонатлар...

Хәер, биредә казу эшләре бүгенге көндә дә алып барыла һәм әлеге әйләндереп алынган территория әллә каян игътибарны җәлеп итеп тора. Тарих төпкеленә төшеп, кулларына эләккән һәр нәрсәне иләп, юып, бөртеген-бөртеккә аера бара археологлар. Бу участокта казу эшләре инде 2013 елдан башлап уздырыла икән. Урта гасырга караган шәһәр корылмаларын тикшерәләр. Быелгы археологик казу эшләре гадәттәгедән соңгарак калып, июль аенда гына башланган. Моны, нигездә, һава шартлары, кәгазь эшләре белән бәйләп аңлаталар. Биредә Татарстан Фәннәр академиясенең Альфред Халиков исемендәге Археология институты хезмәткәрләре дә (Родион Степанов, Наталья Иранцева), Россия Фәннәр академиясе Археология институтының фәнни хезмәткәре дә бар. Эшчеләр исә, нигездә, Болгар шәһәре территориясендә яшәүчеләр. Аларның да күбесе казу эшләрендә берничә ел рәттән катнаша.

- Бу - Казан һәм Мәскәү археологларының уртак хезмәте. Шәхсән мин 2011 елдан бирле монда. Болгар - иң беренче чиратта, археологлар өчен яңа гыйлем туплау урыны. Болгар - ислам белән бәйле иң төньяк шәһәр. Ислам дине белән бәйле мәдәниятләрнең йогынтысы нык сизелә. Бу участокта әлегә без культуралы катламны казыйбыз, ул якынча бер метрдан метр ярымга кадәр. Аннан соң подвал, баз калдыкларын, хуҗалык чокырларын казыйсыбыз бар. Кайсыдыр бер җирдә без ул катламга төштек тә инде. Табышларга килгәндә, әлегә җылыту корылмалары - таштан, балчыктан салынган мич калдыклары чыга. Бөтен килеш чыккан әйберләр ХХ гасырга караган, чөнки ул вакытта биредә кешеләр яшәгән. «Заманча шәһәр» бу участокта зур түгел. Күп дигәндә, 20-40 сантиметр. Кызганыч, ХХ гасыр урталарына караган подваллар культуралы катламны бозалар. Бу участокта ниндидер монументаль әйбер юк, булыр дип исәп тә тотмадык, - ди Россия Фәннәр академиясе Археология институтының фәнни хезмәткәре Денис Бадеев.

Әлбәттә, бу очракта искитәрлек нәрсә булмагач, казу эшләре уздыруның ни хаҗәте, мәгънәсе бар дигән сорау туа. Җәмигъ мәчетләре, базар, мавзолейлар турында белү - бер әйбер, ә «рядовой» төзелешләрне казу - анысы бөтенләй икенче. Моның бөтен мәгънәсе - шәһәр үсешен күзәтүдә дип аңлата археологлар.

Реклама

Гади халыкны гадәттә археологлар тапкан хәзинәләр кызыксындыра. Денис Бадеев өчен, мәсәлән, 2013 ел аеруча хәзинәле ел булган. Дүрт хәзинә: көмеш коелма кисәкләре, ике көмеш беләзек, көмеш акчалар тапканнар.

- Бу әйберләрнең һәммәсе бер урында - 30 квадрат метрлы мәйданда чыкты. Көмеш коелма дүрт килограммнан артык иде. Алар биредә базар булганга кадәр чорга карый. 47ләп тәңкә чыкты. Базар территориясен казыганда, күчереп йөртә торган 100дән артык тимер баскычка юлыктык. Мөгаен, ул сату өчен җитештерелгән булгандыр. Белмим, базар территориясеннән алып китәргә өлгермәгәннәр, белмим, авыр йөк булып тоелган. Күрәсең, кыйммәтрәк товарларны коткарырга кирәк санаганнардыр, - ди Мәскәү археологы.

2017 елның җәе археологларны ниләр белән сөендерер, әлегә әйтүе кыен, ни генә булмасын, казу эшләрен сентябрь урталарына кадәр алып барырга ниятли алар.


Сүзен-сүзгә

Фаяз ХУҖИН, Татарстан Республикасы Фәннәр академиясенең мөхбир-әгъзасы:
- Болгарда казу эшләре 2010 еллардан бирле бик актив рәвештә алып барыла. Без монда иң беренче чиратта, әлбәттә, Мәскәү белгечләрен чакырдык. Алар- югары квалификацияле археологлар. Казан Кремлендә эшләгәндә дә алардан башка әллә ни артыгын майтара алмадык. Аның фән ягы гына түгел, сәясәт ягы да бар. Биредә Түбән Новгородтан да, Ульяновскидан да, Самарадан да килеп эшләделәр. Хәзер инде казу эшләрен артык кабаланмый гына алып барабыз. Болгарны һаман өйрәнергә кирәк, чөнки аның казылмаган җирләре әле бик күп. Мәскәүлеләр базар урыны таптылар. Без моңа кадәр сәүдәнең ни рәвешле баруын күз- алдына китерә алмый идек. Монда алар сатучыларның лавкаларын, алар тирәсендә генә һөнәрчеләрнең остаханәләрен таптылар. Бу - искиткеч уникаль әйбер. Минем өчен Болгарның башка шәһәрләр арасында тоткан урынын билгеләү өчен, Х гасырда сугылган ике болгар акчасының бер-бер артлы табылуы (2013-14 еллар) бик әһәмиятле булды. Болгар җирендә Х гасырдан XVI гасырга кадәр биш катлам бар. Х гасырдан башлап гасыр саен үсә, киңәя баруын күрсәтә торган фактлар җитенкерәми иде. Бу казу эшләре нәкъ менә шуңа юнәлдерелгән. Быел да кызыклы табышлар булыр дип көтәм.


Автор фотолары

Теги: 250
Нравится
Поделиться:
Реклама
Комментарии (0)
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    55
    0
    0
  • 23 май 2018 - 14:59
    Гөлназ АСАЕВА: «Булачак иремне ике әтиемә дә охшатып сайлыйм» Гөлназ АСАЕВА – моңлы тавышлы яшь җырчы. 16 яшеннән бирле ялгызы гына концертлар куя. Сәхнәдә ул тыйнаклыгы һәм бай репертуары белән аерылып тора.
    320
    0
    2
  • 23 май 2018 - 14:47
    Доктор Комаровский: «Картлыгыңда 20 оныгың булганчы, бер бабаең булсачы» Кичә Казанда танылган табиб Олег Комаровский булып китте. Ул ике көн дәвамында семинар уздырды, әти-әниләрне кызыксындырган сорауларга җавап бирде, балалар сәламәтлеге турында сөйләде. Доктор Комаровскийның киңәшләрен “ШК” сатында биреп барырбыз.
    98
    0
    1
  • 23 май 2018 - 14:33
    Нут ашы пешерү ЫСУЛЫ Аның өчен 4 литр суга 400 гр фарш, 1 стакан нут, 3 бәрәңге, 1 кишер, 1 суган, 3 тырнак сарымсак, 1 болгар борычы, 2 аш кашыгы томат пастасы, үсемлек мае, тоз, борыч кирәк.
    43
    0
    0
  • 23 май 2018 - 14:18
    Илфак Шиһаповның кызы Зәринә: «Мин – Сөембикәнең җанатары» Бу көннәрдә Саба районының Сатыш авылындагы фермада булырга туры килде. Шунда, очраклы гына дисәм дә була, бер абзый белән таныштым. Ул Юлбат авылының тарих укытучысы Илдар Сафин булып чыкты. Шул ферманың бер амбарында аның аты тора икән.
    86
    0
    1
  • 23 май 2018 - 13:44
    «Репетицияләргә йөри-йөри бер дә сөйләшми торган балабыз сөйләшә башлады» Хыялга юл. Камал театрының зур залында Баулының нәни артистлары күрсәткән сәхнә күренеше нәкъ менә шулай дип атала. Хыял чынбарлык булсын өчен күпме сабырлык, тырышлык, үҗәтлек кирәк.
    58
    0
    0
  • 23 май 2018 - 13:00
    Өйдә тортлар пешереп, аларны социаль челтәрләр аша саткан декреттагы әниләргә Президент ярдәм итәргә җыена Татарстан Президенты каршындагы Эшмәкәрлек советы республикадагы үзмәшгульлек белән кызыксына башлаган. Бу хакта Татарстанның бизнес-омбудсмены Тимур Ногманов үзенең Инстаграм битендә хәбәр итә.
    83
    0
    0
  • 23 май 2018 - 10:26
    «Тели белсәң – теләк, тели белмәсәң – имгәк» Бергә эшли торган иптәш хатыным: «Ялга чыксам эшләмим, оныкларымны гына сөеп ятам», – ди торган иде.
    198
    0
    0
  • 23 май 2018 - 10:21
    Габделбәр Илдарханов: «Урман сукмакларыннан гел узсаң да, адаштыра да, авырганда дәвалый да» Кызыл Яшьләр авылы бик матур урында, урман янында утыра. Авыл урамында нарат, агач исе... Биредә Лаеш урманчылыгының Питрәч участок урманчылыгы урнашкан.
    55
    0
    1
  • 22 май 2018 - 17:26
    «Һәр гаилә үз законнарын яза» Татарстан Дәүләт Советында узган матбугат конференциясендә парламент башлыгы урынбасары, «Мәрхәмәт» хатын-кыз депутатлар берләшмәсе җитәкчесе Татьяна Ларионова хәбәр иткәнчә, быелдан инвалид балаларны уллыкка алган гаиләләргә 200әр мең сум акча бирелә башлады. Әлеге вакытта бу ярдәмнән сигез гаилә файдаланган.
    167
    0
    0
  • 22 май 2018 - 15:57
    «Татар кызчыгы – 2018» бәйгесе җиңүчесе кем? «Алтыда нинди, алтмышта – шундый», – ди халык. Димәк, тәрбияне дә, белемне дә кечкенәдән бирергә, әдәп-әхлакка, йолаларга, гореф-гадәтләргә, милли моңнарга мәхәббәтне дә сабый чактан сеңдерергә кирәк. Быел гына яңадан оешып, гөрләтеп эшләп киткән Бөтендөнья татар хатын-кызлары «Ак калфак» иҗтимагый оешмасының Казан бүлеге активистлары да нәкъ шул максатны күздә тотып оештырдылар «Татар кызчыгы – 2018» бәйгесен. Беренче тапкыр гына үтсә дә, «коймак» төерле булмады.
    207
    0
    0
  • 22 май 2018 - 14:44
    Даниярга аякка басарга ярдәм итегез! 28 апрель – Мөхетдиновлар өчен авыр көн. Берничә ел элек шул көнне әбиләре вафат булган, 2016 елда Алсу бала тудыру йортына сабыен табарга киткәч, бабайлары бакыйлыкка күчкән.
    225
    0
    1
Реклама
  • 17 май 2018 - 11:28
    Өй салуның ние бар? - 2
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
Соңгы комментарийлар
Интервью
  • 23 май 2018 - 10:54
    Кәгазе яңача булса да, түләве искечә калачак
    Россия халкы 1 июньнән торак-коммуналь хезмәтләр өчен яңа квитанцияләр алачак. Әлеге яңа түләү кәгазьләре искесеннән нәрсә белән аерыла һәм анда төп игътибарны нәрсәгә юнәлтәчәкләр?
    79
    0
    1
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    55
    0
    0
Ночной режим