Шәһри Казан

Быел кышын Казанда 18 урында шугалак, 8 урында чаңгы базасы эшләячәк

Ноябрь ае егерме-утыз ел элек, гадәттә, шыгырдап торган карлары һәм суыклары белән чып-чын кышкы чор була иде.

Реклама

Узган шимбәдә кыш үзен күрсәтеп алды-алуын: буран шәһәрләрне һәм авылларны карга тутырды. Ләкин, Аллаһы Тәгалә кодрәтендә сәгатьләр эчендә һаваның җылылыгы янә 6-9 градуска кадәр күтәрелде. Казанда ике көн дәвамында сибәләүче яңгыр карны тулысынча эретеп бетерде.

- Казанда бер-ике атна элек үк шугалакларга су сибеп, боз катырылган иде инде. Балаларның сөенешә-сөенешә беренче бозга керүләрен күрсәгез! Бозы гына эреп бетте. Әмма кыш барыбер үзенекен эшли ул, без кышкы спорт сезонына актив кереп китәргә тиешбез, - диде башкала мэры Илсур Метшин бүген "Эшлекле дүшәмбе" киңәшмәсендә.

Шәһәр башкарма комитетының физкультура һәм спорт комитеты рәисе вазифаларын башкаручы Рамил Хафизов әйтүенчә, Казанда унсигез урында шугалак оештырылачак. Аларда биш мең пар тимераяк прокатка әзерләп куелган. "Ракета" һәм "Хезмәт резервы" стадионнарында ясалма боз ареналары эшли. "Нәфис" компаниясе өченче ел рәттән "Казан-Арена" футбол стадионы янында ике гектарлы шугалак ясый.
Сигез урында чаңгы базасы эшләячәк, прокатка биреп тору өчен 1735 пар чаңгы булдырылган. Горький исемендәге парк, Бертуган Касыймовлар урамындагы урманлык, Нагорный бистәсендәге каенлык, шулай ук Юдино белән Чебокса бистәләрендәге чаңгы юллары - махсус яктыртылган трассалар.

Тимераяк һәм чаңгы прокаты 60-150 сум. Балаларга - 60 сум. Тимераякны үзең алып килсәң, стадионнарда шугалактан файдалану бәясе 60 сум. Чаңгы трассалары, әлбәттә, бушлай. Тимераяк һәм чаңгы базаларының эш сәгатьләре, спорт җиһазлары прокаты бәяләре турында мэриянең рәсми порталыннан да карарга була.

- Казан буенча 80 урында пластик тартмаларда шугалак ясалачак. Аларда мәктәп укучылары һәм үсмерләр клубларына йөрүчеләр күнегүләр үткәрәчәк. Күнегүләрдән соң, теләге булган һәр кеше пластик тартмалардагы шугалактан бушлай файдалана ала, - диде Рамил Хафизов.

Башкалада өч меңнән артык бала спорт мәктәпләренә йөри, шуларның 1368е-хоккейчылар. Чаңгычылар: Наталья Жукова, Нияз Нәбиев, Денис Исайкин һәм фигуралы шуучы Евгений Ильин Россия җыелма командасына кабул ителгәннәр.

Алда безне "Алтын алка", "Россиякүләм чаңгы узышы" спорт чаралары көтә. Узган ел әлеге массакүләм бәйгеләрдә 31 мең кеше катнашкан, быел 35 меңнән дә артып китәр, дип фаразланыла.

- Казанда спорт белән актив рәвештә шөгельләнү мөмкинлекләре җитәклек. Кышкы спорт чаралары да күп булачак, - дип фикерләре белән уртаклашты мэр Илсур Метшин, - гаилә белән чаңгыга чыгу дуслаштыра, кәефне күтәрә. Без дә гаиләбез белән Бертуган Касыймовлар урамындагы урманлыкка чаңгыда шуарга чыгабыз, - диде ул.

Фото: business-gazeta.ru

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
  • noname
    17 января 2018 в 12:51
    Миңә концерт бик оҡшаны ,ҙур рәхмәт барыһынала .
  • noname
    16 января 2018 в 21:03
    Прокомментировал запись: Тол хатыннан ачык ХАТ
    Эйтэлэр бит: булмаса- бирэ алмый, булса- курэ алмый дип.
  • noname
    16 января 2018 в 16:34
    Луиза Янсуарнын ижаты белэн тэуге кабат бик куптэн " Комеш кынгырау" газетасында басылган шигырьлэре аша танышкан идем. Шул вакыт гажэпкэ калган идем. Мэрхум Альберт абый Яхин белэн сойлэшкэндэ ул бер жомлэ белэн " заманыннан алда туган татарны танытучы, беркемне дэ кабатламый торган шагыйрэ булачак ул безнен " , дигэн иде. Хэзер дэ бик яратып укыйм. Яшереп тормыйм, эдэбиятчы булсам да, кайбер нэрсэлэр башка барып та житми. Анлаганчы укырга тырышам. Унышлар сезгэ!
  • noname
    13 января 2018 в 19:21
    Эйе шул,сусыз тилмерэ авыл халкы.хэзер бит су кермэгэн авыллар бик сирэк,хэзерге техника заманында бигрэк тэ....бик эйбэт булыр иде ,житэкчелэр сузлэрендэ торып,халыкны сулы итсэлэр.
  • noname
    13 января 2018 в 16:40
    Спорт ареналарын тутырып торырга омтелэбез!
Интервью