Шәһри Казан

Дубайның татар кызлары

Гарәп Әмирлегенә сәяхәтебез турында газетабызның быелгы 11нче санында язган идем инде. Тик без Дубайга турист булып кына түгел, кунак булып та бардык. Әллә шуңа бу сәяхәтебез башкаларыннан үзгә, җылырак һәм тәэсирлерәк булып истә калды.

Зөлфия

Кодачабыз Зөлфия туйга Дубайдан кайткан иде. Аннары җәй көне Казанда очраштык. Нәкъ менә аның гаиләсе белән кайтып-китеп йөрүе Дубайның барып җитә алмаслык җир түгеллеген искәртте бугай безгә. «Барасыбыз килә», - дигәч тә, «Килегез!» - дип, хәер-фатихасын бирде Зөлфия. Ул үзе дә балалары белән Казаннан кайткан гына иде әле. Ләкин алар Баку аша, ә без турыдан очтык Дубайга. Кызык инде, чактан гына бер самолетка туры килмәгәнбез.

Кайту белән, безне өйләренә кунакка чакырды кодача. Урамда йөреп әлсерәгән идек, декабрь аенда 31 градус эсселеккә күнекмәгән ич без. Унҗиденче каттагы фатирның зур тәрәзәләреннән Фарсы култыгының шәһәргә кергән каналындагы бай абзыйларның кыйм­мәтле яхталарына карап, Казан, Татарстан яңалыкларын сөйләшеп, чәйләп утырдык. Ире чит илдә командировкада, улы белән кызы мәктәптә укуда иде. Алар Дубайның диңгез буена урнашкан Дубай Марина районында биек йортта яшиләр. Шуңа да аңа безне якындагы пляж­га озатып кую кыен булмады. Икенче тапкыр без Зөлфия белән (бу юлы ул кызын да алып килгән иде) кафеда сөйләшеп утырдык. Кызыннан мәктәп хәлләрен сораштым. Әңгәмәбезгә әнисе дә кушылды. Белем бирү системасы шулай ук бик үзенчәлекле икән биредә. Мәктәпкә нәниләр дүрт яшьтән керә. Баштарак дәресләр уен формасында үтә. Беренче сыйныфта укыткан укытучы икенче сыйныфта белем бирми инде. Ул шул беренчеләр буенча гына махсуслаша. Икенчеләрнеке дә шулай. укытучының яраткан һәм яратмаган укучылары булмасын өчен бу шулай эшләнә, диделәр. Укытучылар гына түгел, укучылар да бер елдан соң параллель сыйныфның башкасына күчерелә. Монысы сыйныфта төрле төркемнәр булмасын өчен уйлап табылган ысул булып чыкты. Йөздән артык милләт баласы укыган мәктәптә башкача булмыйдыр инде. Ә болай безнең башка бик сыеп бетми. Сыйныфташлар гомерлек дус була бит алар. Һәрхәлдә, элек бездә шулай иде. Балаларның белеме дә бездәге шикелле 5 балл белән генә түгел, ә 100 балл белән бәяләнә. Мәктәп укучылары ел саен имтихан тапшыралар, инглиз, гарәп, испан, француз телен өйрәнәләр. Онытылып бетмәсен дип, рус теленә дә, төрле түгәрәкләргә дә йөриләр. Иртән киткән балалар кичкә генә өйләренә кайтып җитә. Дубайда мәктәп автобусларын еш очратасың. Алар сары төстә һәм махсус юлдан баралар. Балаларның мәктәпләргә барып кайтуы шулай уңай хәл ителгән. Зөлфия әни булып кына эшли, хуҗабикә. Дубайга ирен озак вакытлы командировкага җибәргәч, күчеп килгәннәр. Аңарчы Себер якларында яшәгәннәр. Ире Әлмәттән, шунда Себердә танышканнар. Ике балалары бар: бер малай, бер кыз.

Реклама

Айсылу

Күз алдыбызда үскән үзе чибәр, үзе тырыш, ике мәктәпне дә (берсе музыка мәктәбе) «бишле» билгеләренә генә тәмамлаган күрше кызы Айсылу да гаиләсе белән Дубайда яши. Беренче тапкыр 2012 елда Президент Рөстәм Миңнеханов җитәкчелегендәге делегация составында барган Айсылу Әмирлеккә. Аннары «Сәләт» лагеренда танышкан беренче мәхәббәте Рамазанга кияүгә чык­кан. Хәләл җефете, мәктәпне тәмамлагач, университетта укырга әмирлеккә киткән булган. Ике йөрәкне бәйләүче мәхәббәт җеп­ләре нык булгач, диңгезләр, чүлләр аша да, еллар аша да өзелмәгән.

декрет ялына киткәнче, Айсылу Дубайда реклама агентлыгында эшләгән - инглиз телендә бит әле ул. Анысына гаҗәпләнерлек түгел инде: Казан дәүләт университетын тәмамлагач, «Алгарыш» программасы буенча инглиз телен Америкага барып өйрәнгән кыз бит ул! Шаккатарсың, татар кызлары беркайда да югалмыйлар: машина да йөртәләр, теттереп инглизчә һәм гарәпчә сөйләшәләр, чит илдә дип тормыйлар, балалар үстерәләр, аларга ана телебез - татар телен дә өйрәтәләр. Айсылуның Ибраһимына - яшь ярым. Кунакларның бик ерактан килгәнен сизенде бугай балакай, көне буе безнең белән машинада йөрсә дә, әнисенә комачаулап көйсезләнмәде.

Үзләре бик сиздермә­сәләр дә, туган илләрен сагынулары кызларның күз­ләрендә. Алар монда дөньяның җәннәт кебек илендә яшәп ятсалар да, күңелләре туган илгә тоташкан. Гарәп әмирлегендә 100 ел торсаң да, бу илнеке була алмыйсың. Илнең үз халкы файдалана торган ташламалар да, фатирлар да читтән килгәннәр өчен түгел монда. Кайчан да булса, бәлки тиздән туган якка кайтасыларын белеп, шуңа өметләнеп яшиләр алар. Ә туган ил мәрхәмәтле әни кебек: бер генә баласын да чит итми. Бигрәк тә Зөлфия, Айсылу кебек белемле кызларыбызны һәрчак кочак җәеп каршы алачак.

«Шәһри Казан»га Telegramда язылыгыз
Теги: 250
Нравится
Поделиться:
Реклама
Комментарии (0)
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    69
    0
    0
  • 23 май 2018 - 14:59
    Гөлназ АСАЕВА: «Булачак иремне ике әтиемә дә охшатып сайлыйм» Гөлназ АСАЕВА – моңлы тавышлы яшь җырчы. 16 яшеннән бирле ялгызы гына концертлар куя. Сәхнәдә ул тыйнаклыгы һәм бай репертуары белән аерылып тора.
    343
    0
    2
  • 23 май 2018 - 14:47
    Доктор Комаровский: «Картлыгыңда 20 оныгың булганчы, бер бабаең булсачы» Кичә Казанда танылган табиб Олег Комаровский булып китте. Ул ике көн дәвамында семинар уздырды, әти-әниләрне кызыксындырган сорауларга җавап бирде, балалар сәламәтлеге турында сөйләде. Доктор Комаровскийның киңәшләрен “ШК” сатында биреп барырбыз.
    104
    0
    1
  • 23 май 2018 - 14:33
    Нут ашы пешерү ЫСУЛЫ Аның өчен 4 литр суга 400 гр фарш, 1 стакан нут, 3 бәрәңге, 1 кишер, 1 суган, 3 тырнак сарымсак, 1 болгар борычы, 2 аш кашыгы томат пастасы, үсемлек мае, тоз, борыч кирәк.
    45
    0
    0
  • 23 май 2018 - 14:18
    Илфак Шиһаповның кызы Зәринә: «Мин – Сөембикәнең җанатары» Бу көннәрдә Саба районының Сатыш авылындагы фермада булырга туры килде. Шунда, очраклы гына дисәм дә була, бер абзый белән таныштым. Ул Юлбат авылының тарих укытучысы Илдар Сафин булып чыкты. Шул ферманың бер амбарында аның аты тора икән.
    95
    0
    1
  • 23 май 2018 - 13:44
    «Репетицияләргә йөри-йөри бер дә сөйләшми торган балабыз сөйләшә башлады» Хыялга юл. Камал театрының зур залында Баулының нәни артистлары күрсәткән сәхнә күренеше нәкъ менә шулай дип атала. Хыял чынбарлык булсын өчен күпме сабырлык, тырышлык, үҗәтлек кирәк.
    59
    0
    0
  • 23 май 2018 - 13:00
    Өйдә тортлар пешереп, аларны социаль челтәрләр аша саткан декреттагы әниләргә Президент ярдәм итәргә җыена Татарстан Президенты каршындагы Эшмәкәрлек советы республикадагы үзмәшгульлек белән кызыксына башлаган. Бу хакта Татарстанның бизнес-омбудсмены Тимур Ногманов үзенең Инстаграм битендә хәбәр итә.
    88
    0
    0
  • 23 май 2018 - 10:26
    «Тели белсәң – теләк, тели белмәсәң – имгәк» Бергә эшли торган иптәш хатыным: «Ялга чыксам эшләмим, оныкларымны гына сөеп ятам», – ди торган иде.
    205
    0
    0
  • 23 май 2018 - 10:21
    Габделбәр Илдарханов: «Урман сукмакларыннан гел узсаң да, адаштыра да, авырганда дәвалый да» Кызыл Яшьләр авылы бик матур урында, урман янында утыра. Авыл урамында нарат, агач исе... Биредә Лаеш урманчылыгының Питрәч участок урманчылыгы урнашкан.
    56
    0
    1
  • 22 май 2018 - 17:26
    «Һәр гаилә үз законнарын яза» Татарстан Дәүләт Советында узган матбугат конференциясендә парламент башлыгы урынбасары, «Мәрхәмәт» хатын-кыз депутатлар берләшмәсе җитәкчесе Татьяна Ларионова хәбәр иткәнчә, быелдан инвалид балаларны уллыкка алган гаиләләргә 200әр мең сум акча бирелә башлады. Әлеге вакытта бу ярдәмнән сигез гаилә файдаланган.
    168
    0
    0
  • 22 май 2018 - 15:57
    «Татар кызчыгы – 2018» бәйгесе җиңүчесе кем? «Алтыда нинди, алтмышта – шундый», – ди халык. Димәк, тәрбияне дә, белемне дә кечкенәдән бирергә, әдәп-әхлакка, йолаларга, гореф-гадәтләргә, милли моңнарга мәхәббәтне дә сабый чактан сеңдерергә кирәк. Быел гына яңадан оешып, гөрләтеп эшләп киткән Бөтендөнья татар хатын-кызлары «Ак калфак» иҗтимагый оешмасының Казан бүлеге активистлары да нәкъ шул максатны күздә тотып оештырдылар «Татар кызчыгы – 2018» бәйгесен. Беренче тапкыр гына үтсә дә, «коймак» төерле булмады.
    209
    0
    0
  • 22 май 2018 - 14:44
    Даниярга аякка басарга ярдәм итегез! 28 апрель – Мөхетдиновлар өчен авыр көн. Берничә ел элек шул көнне әбиләре вафат булган, 2016 елда Алсу бала тудыру йортына сабыен табарга киткәч, бабайлары бакыйлыкка күчкән.
    226
    0
    1
Реклама
  • 17 май 2018 - 11:28
    Өй салуның ние бар? - 2
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
Соңгы комментарийлар
Интервью
  • 23 май 2018 - 10:54
    Кәгазе яңача булса да, түләве искечә калачак
    Россия халкы 1 июньнән торак-коммуналь хезмәтләр өчен яңа квитанцияләр алачак. Әлеге яңа түләү кәгазьләре искесеннән нәрсә белән аерыла һәм анда төп игътибарны нәрсәгә юнәлтәчәкләр?
    80
    0
    1
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    69
    0
    0
Ночной режим