Шәһри Казан

Гүзәл Фазылова: «28 яшьтә 5 бала анасы булуыма күпләр шакката»

Фазыловлар гаиләсе өчен бу ел бигрәк тә үзенчәлекле. Ай ярым элек кенә аларның игезәк балалары Хәким белән Хания туды. Раил, Илназ һәм Ясминә берьюлы энеле дә, сеңелле дә булдылар.

Рамил белән Гүзәлнең парлы тарихлары 2007 елдан башланган. Гүзәл ул вакытта химия-технология техникумында, ә Рамил 137нче техник училищеда укый торган булган. Икесе дә спорт түгәрәгенә йөриләр, Гүзәл волейбол, Рамил баскетбол командасында уйный. Танышуларына өч айлап вакыт үткәч, Рамил армиягә китә. Ел ярымнан әйләнеп кайта да Казан вертолет заводына эшкә урнаша. Ике айдан Гүзәл дә шул ук заводка эшкә бара. 2009 елда алар өйләнешәләр. Язылышу таныклыгын алганда Гүзәлгә - 20, Рамилгә 21 яшь була. Бүген инде алар биш бала тәрбияли.

- 28 яшьтә биш бала анасы булуыма күпләр шакката. Ә мин горурланып елмаям. Ирем дә, үзем дә балаларны бик яратабыз. Өебез балалар тавышыннан гөр килеп тора. Олы улыбыз Раил инде беренче сыйныфта укый. Илназ­га - биш яшь. Ясминәбезгә ике тулды. Әни булу авырмы дип сорыйлар. Авыр түгел, ә менә игезәкләрне үстерү ансат түгел икән. Тагын бер пар кул кирәк. Әле ярый каенанам Тәнзилә булыша. Аңа бик зур рәхмәт. Дүшәмбе иртән килә, җомга кич китә. Атна буе безнең белән. Ял көннәрендә ирем өйдә, ул булыша, ике көн буена әни бездән ял итеп тора, - дип көлә Гүзәл.

Фазыловларның икенче уллары Илназ бик тере бала. Әнисе дә аның турында, ул иң беренче булып йокыдан тора, иң беренче булып утырып ашый. ризыкны сайланмый, барысын да яратып ашый, ди. Илназ яңа туган энесе белән сеңлесен дә карарга булыша. Уенчыклар да күрсәтә, урамга чыгарга җыенганда киемнәрен дә китереп бирә, бәбиләр тирәсендә дә гел ул кайнаша. Олы уллары Раил бик пөхтә, чис­талыкны ярата ди. Энесе белән сеңлесе ашарга сораса, күмәч кисеп, ак май сылап, кулларына тоттыра. Ясминә исә - әти кызы. Әтиләре эштән кайтуга ук, «әти», - дия-дия, артыннан бер дә калмый ияреп йөрде. Балаларның барысы да әтиләренә охшаган, хәтта каннары да барысының да 3 (+) нче төркем икән.

Реклама

Гүзәл тегәргә, бәйләр­гә ярата. Балаларның өс­ләрендә ул теккән, бәйләгән киемнәр. урын-җир кирәк-яракларын да, Яңа елга маскарад костюмнарын да үзе тегә. Шуның белән гаилә бюджетына күпмедер экономия ясала.

Фазыловлар йорт сатып алганнар. Ел саен кыш көне бакчаларында күп итеп кар өеп, тау ясап куялар. Айга бер тапкыр зур бәлеш пешереп, дәү әти һәм дәү әниләрен кунакка чакыру традициясе дә бар аларда.

- Балаларны яратыр­га кирәк. Гаиләдә балалар күбрәк булган саен, бердәмлек арта гына. Гаиләбезнең ныклыгы әти-әнидән килә. Алар безгә һәрьяктан үрнәк. Аларның тормышларына тиңләшеп яшибез, ныклы нигез булдырырга тырышабыз, - ди күп бала атасы Рамил.

«Шәһри Казан»га Telegramда язылыгыз

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    421
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    305
    2
    2
  • 1 февраля 2018 в 12:13
    Руслан Айсин: «Төп проблема – намус булмавында һәм рухи гариплектә» Телне саклап калу юллары бармы? Татарның милли үзаңын уятыр өчен нинди юнәлештә хәрәкәт итәргә? Рухи яктан ярлы булып, курчак кыяфәтенә кермәс өчен безгә ниләр эшләргә – болар хакында сәясәт белгече Руслан АЙСИН белән сөйләшик.
    353
    1
    3
  • 17 февраля 2018 в 14:54
    Батырлыкта өлеше бар Совет сугышчыларының Сталинград янындагы батырлыгына 75 ел тулган көннәрдә бу хакта күп языла, күп сөйләнә.
    28
    0
    1