Шәһри Казан

Ходай сукбай хәленә калырга язмасын

Ил гражданнарының санаулы кадәр генә өлеше булса да урамда «эт типкесендә» җан асрый икән, бу дәүләтнең камиллектән әле шактый ерак торуын күрсәтә.

Базар мөнәсәбәтләренә корылган яшәешкә күчкәч, сөйләм телебезгә «бомж» - сукбай сүзе дә килеп керде. Тирән икътисади һәм сәяси кризис кичерелгән 1990 елларда зур предприятиеләр бөлгенлеккә төште. Эш урынсызлыктан, рухи төшенкелектән эчүчелеккә бирелү кайбер кешеләрне ахыр чиктә йорт-җирсез калдырды. Казанның Короленко урамында да инде берничә ел җәен-кышын бичара хәлдәге адәми затлар җан асрый. Алар шундагы «Океан» базарында хәер сорана, якын-тирәдәге йортларда яшәүче мәрхәмәтле кешеләр биргән ризыклар белән туклана. «Теркәлгән» урыннары - урамның бер өлешендә җир өстеннән сузылган җылылыкүткәргеч.
- Социаль яклау органнары булышалармы соң сезгә? - дип сорадым торбада бөкшәеп утырган хатын-кыздан.
- Булышалар, - диде бу.
- Нигә шундый хәлдә йөрисең? - дип кызыксынам.
- Фатир да, гаилә дә бар иде. Язмыш, - дип, башын чайкап җавап кайтарды да бу турыда башка сөйләшергә теләмәде.
- Фотосурәткә төшеримме үзеңне? - дидем, китәргә җыенганда. Күңелдән, тозлап-борычлап куалап җибәрә инде бу хәзер, дип уйлап куйдым. Ләкин әңгәмәдәшем: «Төшер-төшер», - дип бик җанланып ризалашты. Туганнарым мескен рәвешемне күрсеннәр, оялсыннар, дигән хис-тойгылары уянгандырмы, белмим.
Киров районының Милиция урамындагы 75 нче йортта шәһәрнең «Милосердие» үзәге эшли. Аның директоры Екатерина Мартьянова: «Йорт-җирсезләр бездә 3 айга кадәр яши, 60 урын да туп-тулы. Язмышлары һәркайсының да бик гыйбрәтле. Авыр хәлдә калган гражданнарның 50 проценттан артыгы, психологлар һәм социаль хезмәткәрләр үткәргән чаралардан соң, җәмгыятьтә кабат үз урынын таба. Мәшгульлек үзәкләре эш урыны табарга булыша», - диде.
«Милосердие» үзенең эшчәнлеген Татарстан Республикасы Министрлар Кабинетының 2006 елның 9 октябрендә кабул иткән «Тәгаен яшәү урыны һәм шөгыле булмаган затларны социаль җайлаштыру чаралары турында»гы 510 нчы карары нигезендә алып бара. Тормыш төпкеленә төшкән гражданнарны кабат җәмгыятькә кайтару буенча министрлыкларга, ведомстволарга, муниципаль берәмлекләргә тәгаен бурычлар йөкләгән үтә дә гуманлы карар ул. Әлеге документта киң җәмәгатьчелекне һәм халыкны сукбайлар мәсьәләсенә битараф булмаска чакырган җөмләләр дә бар хәтта.
Министрлар Кабинетының 510 нчы карары социаль үзәкләрдә попечительләр советы оештыруны рөхсәт итә. «Җәмәгатьчелек тормыш төпкеленә төшкән кешеләрне нормаль яшәешкә кайтаруда хәйрия ярдәме күрсәтергә теләсә, без каршы түгел», - ди «Милосердие» үзәге директоры Екатерина Мартьянова.
Дөрес: «Эчмәсеннәр, эшләсеннәр», - дип, кул селтәргә дә була анысы. Һәркемнең үз ихтыярында. Ләкин тормыш шулкадәр четерекле ки, үзеңнең дә мизгел эчендә урамда калуың ихтимал. Алла сакласын!

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 22 апрель 2018 - 09:15
    Үрнәк йорт нинди була? 
    Сезнең үрнәк йорт күргәнегез бармы? Аны нинди дип күз алдына китерәсез? Ул башкалардан нәрсәсе белән аерыла да, аңа гына хас нинди үзенчәлекләре бар? Без дә шушы сорауларыбызга җавап табарга дип, Казанның Ямашев урамындагы 74нче йортка юл алдык, чөнки әлеге йортны барып күрергә җитди сәбәп бар иде. Узган атнада аңа рәсми рәвештә «үрнәк йорт» (дом образцового содержания) статусы бирелде.
    41
    0
    0
  • 13 март 2018 - 14:23
    Интернетта Хәния Фәрхинең гаиләсендәге вакыйгага бәйле ВИДЕО пәйда булды 2016 елның җәендә Хәния Фәрхинең кызы Алсу 18 яшендә кияүгә чыккан иде.
    13286
    1
    33
  • 13 март 2018 - 13:11
    «Ни хакым бар минем яшәргә?!» «Ун ел гомеремне заяга уздырдым, - дип уфтанып башлады Айдар сүзен. - Тамагымнан ризык үтмәде, кулым эшкә бармады. Бер караганда гаебем дә юк кебек, әмма дүрт-биш айлык сабыйны көпә-көндез пуля белән тишкән адәмнең җирдә яшәргә ни хакы бар соң?!»
    1064
    0
    5
  • 13 март 2018 - 10:52
    Сайлау көнне рәхәтләнеп бәйрәм итәчәкбез Казанда 2018 елның 1 гыйнварына 906 мең 586 сайлаучы исәпләнә. Россия Федерациясе Президентын сайлаулар көнне, ягъни 18 мартта 450 сайлау участогы эшләячәк. «Эшлекле дүшәмбе»дә сайлау көнен ничек итеп бәйрәмгә әйләндерү турында сөйләштеләр.
    485
    0
    0
Ночной режим