Шәһри Казан

Илдар Халиков: «Халыкны да, мине дә, Хөкүмәтне дә борчыган «Кем гаепле?» дигән сорауга хокук сакчылары гына җавап бирә алачак»

Дәүләт Советының бүгенге утырышында төп игътибар Татарстан премьер-министры Илдар Халиковка юнәлтелгән иде. Ул республика башкарма хакимиятенең 2016 елгы эшчәнлеге буенча хисап тотты. Депутатлар, һәрвакыттагыча, күптөрле сораулар яудырды, "Татфондбанк" темасы да игътибардан читтә калмады.

Узган ел икътисади яктан никадәр авыр булса да, Татарстан, барлык киртәләрне үтеп, яшәешнең күп кенә тармакларында югары күрсәткечләргә иреште. Әйтик, былтыр 55 853 нәни татарстанлы дөньяга аваз салган.

Халыкның яшәү шартларын яхшырту өчен, экология темасына да зур игътибар бирелә. Мисал өчен, 2016 елда 36 районда 43 парк тәртипкә китерелгән. Быелгы Экология елында да шәһәрләрдәге, район үзәкләрендәге сулыкларны чистартачаклар, торак һәм юл төзелеше өлкәсендә яшел стандартлар күбрәк кулланылачак.

Илдар Халиковның 40 минутлык чыгышыннан соң сүз депутатларга бирелде. "Коммунист" Артем Прокофьев "Татфондбанк"ның ни сәбәпле төпкә китүе белән кызыксынгач, премьер-министр:
- Сораулар үзебездә дә күп. Ни өчен Үзәк Банк, карарын соңгы мәлдә генә кабул итеп, безгә алданрак хәбәр итмәде. Ни өчен Ernst&Young халыкара аудиторлары ел саен банк эшчәнлеге буенча әзерләнгән хисапка уңай бәя бирде? Ни өчен халыкара рейтинг агентлыклары "Татфондбанк"ка югары рейтинг билгеләде? - дип үзенең дә күпсанлы сораулары барлыгын җиткерде.

Илдар Халиков әйтүенчә, бүгенге көндә иң мөһим мәсьәлә - кертемчеләргә акчаларын кайтарып бетерү.
- Халыкны да, мине дә, Хөкүмәтне дә борчыган "Кем гаепле?" дигән сорауга хокук сакчылары гына җавап бирә алачак. Әмма аңардан да әһәмиятлерәк мәсьәлә - мондый хәл киләчәктә кабатланмасын өчен, нинди чаралар күрергә? - дип кабат сорауларын тезде премьер-министр.

Билгеле булганча, Президент күрсәтмәсе нигезендә кыен хәлдә калган эшкуарларга ярдәм күрсәтелә. "Татфондбанк" белән "Интехбанк"та акчасы "бикләнеп" калып, ярык тагарак алдында калучыларга төрле шартларда бер миллиард сум чамасы акча бирелгән инде.



СӘЯСИ КӘЛИМӘ

Разил Вәлиев, Мәгариф, мәдәният, фән һәм милли мәсьәләләр комитеты рәисе:

- Унбер ел буе мәктәптә рус һәм татар телләрен тигез күләмдә өйрәнгән укучыларыбызның күбесе нәтиҗәдә өч сүзне кушып татарча җөмлә төзи алмый. Без еш кына "баланың теле гаиләдә ачылырга тиеш", дибез. Бик дөрес сүзләр. Әмма бүгенге гаиләләрдәге ата-аналарның яртысыннан күбрәге үзләре дә татар телен белми. Шулай булгач, алар ничек итеп балаларының телләрен татарча ача алсыннар, ди?
Татарстан Конституциясе буенча бары тик бер вазыйфаи зат - Президент кына ике телне белергә бурычлы. Президент белгәч, ә ни өчен Премьер-министрга, Дәүләт Советы Рәисенә, депутатларга, министрларга, хакимият башлыкларына, гомумән, дәүләт һәм муниципаль хезмәткәрләргә андый таләп куелмый? Дәүләт телен белмәгән дәүләт хезмәткәре дөньяның тагын кайсы илендә бар икән? Мәсәлән, Израильдә дәүләт телен өйрәнмәсәң, хәтта урам себерүче булып та эшкә урнаша алмыйсың.



Роза Җаббарова, ТР Дәүләт Советы хатын-кыз депутатларының "Мәрхәмәт" берләшмәсе:

Реклама

- Соңгы елларда икенче һәм өченче бала туу очраклары арта. Әмма демографик рекордлар хөкүмәт алдына яңа бурычлар куя - сабыйларга балалар бакчалары һәм мәктәпләр кирәк. Президент программасы нигезендә тормышка ашырыла торган бакчалар төзелеше программасы ярдәмендә өч яшькә җиткән балаларны бакчаларга урнаштыру мәсьәләсе хәл ителде, дияргә дә була. Әмма 1-3 яшьлекләрне балалар бакчалары белән тәэмин итү мәсьәләсе көн кадагыннан төшми. Хәзерге заманда барлык әниләр дә нарасыйлары белән 3 яшькә кадәр өйдә утыра алмый. Бер ише, яшәргә акчасы җитмәгәнлектән, эшкә иртәрәк чыгарга мәҗбүр, тик балаларын кая урнаштырырга белмиләр.


Хафиз Миргалимов, КПРФ фракциясе җитәкчесе:

- Республикада сәламәтлек саклау өлкәсен үстерү буенча зур эш башкарыла. Әмма белгечләр җитеп бетми. Тагын бер "авырткан җиребез" - түләүле хезмәтләр. Әгәр дәүләт югары технологияле медицина җиһазларын салым түләүчеләр акчасына ала икән, ни өчен шул ук кешеләр хезмәтләрне үткән өчен түләргә дә тиеш?

Белгеч эштән соң медицина җиһазында авыруны тикшерә икән, бу очракта табибның хезмәтенә генә түләнергә тиеш. Алай иткәндә, түләүле хезмәтләрнең бәяләре 2-3 мең сум түгел, күпкә арзанрак булыр иде. Җитмәсә, җылылылык, ут һәм коммуналь хезмәтләр өчен түләү медицина учреждениесенең бюджетында каралган.

Урта медицина персоналының хезмәт хакы 24 мең сумны тәшкил итә, шуның 10 меңе төнлә дежур тору өчен каралган. Медицина хезмәткәрләре шул акчага биш көн буе сигез сәгать чамасы эшләргә тиеш. Мондый шартларда гаиләне карау, балаларны тәрбияләү, башка төрле рухи ихтыяҗларны канәгатьләндерү өчен каян, ничек вакыт табарга?

ФОТОРЕПОРТАЖ

Нравится
Поделиться:
Реклама
Комментарии (0)
  • 20 май 2018 - 10:53
    Төпсез чиләкләр Шәһәрдә яшәгән бала авылга кунакка кайта икән, ул төп йорттагы эреле-ваклы проблемаларны хәл итәргә, анысын-монысын төзәтергә, кыскасы, ул монда нәрсәдер эшләргә тиеш. Шәһәрдә дә кеше кул кушырып утырмый. Эт булып арырга мөмкин. Арыгансың икән – авылга кайтма. Ял итеп, йокыңны туйдырып кайт, чөнки монда синең кайларда нишләп йөрүең беркемгә дә кирәк түгел. Йоклап ята алмыйсың. Язу-сызу белән өстәл башында утыру да – соңгы чиктә генә.
    274
    0
    3
  • 20 май 2018 - 10:43
    «Рәхмәт сиңа, «алтын куллы» әтием!» Мин сезне үземнең алтын куллы әтием – Сәләхов Рамил Җәмигънур улы белән таныштырмакчы булам.
    188
    0
    1
  • 20 май 2018 - 10:10
    86
    0
    0
  • 20 май 2018 - 09:38
    Бабайлар һәм әбиләр, бакчага чыгыгыз! Казанның Авиатөзелеш районындагы «Крылья Советов» паркында 26 майда 12.00-18.00 сәгатьләрдә «Тормыш сөючеләр көне» бәйрәме була.
    88
    0
    0
  • 19 май 2018 - 13:00
    Илсөя Бәдретдинова: «Ул мине хәзер алдына алып сөя» Соңгы арада Илсөя Бәдретдинованы Инстаграм аккаунтына романтик рух керде: ниндидер ир-ат белән төшкән фотолар, һәрчак чәчәк гөлләмәләре... Илсөябез үзе дә чәчәк кебек: көннән-көн матурлана.
    2461
    0
    14
  • 19 май 2018 - 12:40
    Афиша 21-27 май
    230
    0
    0
  • 19 май 2018 - 12:35
    139
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    325
    0
    5
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    247
    0
    0
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    220
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    124
    0
    0
  • 18 май 2018 - 20:01
    Быелгы «Бәллүр каләм» тапшыру тантанасында «Шәһри Казан»ның ике журналисты бүләкләнде Редакциябезнең талантлы һәм тәҗрибәле журналисты Дилбәр Гарифуллина күпьеллык фидакарь хезмәте өчен Дәүләт Советы рәисе Фәрит Мөхәммәтшинның рәхмәт хаты белән бүләкләнде.
    233
    0
    2
Реклама
  • 17 май 2018 - 11:28
    Өй салуның ние бар? - 2
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
Соңгы комментарийлар
Интервью
  • 16 апрель 2018 - 10:23
    Корица белән бал кушылмасы яман шештән саклый Корица белән бал кушылмасы (бер өлеш корицага биш өлеш бал) ашказаны авыруларын җиңә, организмны вируслардан саклый, йөрәкне ныгыта.
    855
    0
    2
  • 16 апрель 2018 - 11:14
    «Нәни кулы белән бармагымны эләктереп алгач, җиңәчәгебезне аңладым» 2016 елда Татарстанда 110 мең бала вакытыннан алда туган. Бүген медицина алга киткән заманда, җитлекмичә дөньяга килгән сабыйларны тәрбияләү мөмкин эш. Республика клиник хастаханәсендә 460 граммлы булып туган баланың да гомерен саклап кала алганнар иде. Мондый үзенчәлекле сабыйларны тәрбияләү турында Республика балалар клиник хастаханәсенең патология белән туган сабыйлар һәм җитлекми туган балалар бүлеге җитәкчесе неонатолог Фатыйма КАЗАКОВА белән сөйләштек.
    697
    0
    1
  • 16 апрель 2018 - 12:09
    Гади ихлас балачак, кайда син? Оныгыма мәктәпкә макулатура алып килергә кушканнар. Өй бетереп, кирәкмәгән кәгазь эзлибез, ди кызым. Хәзер кытлык заманы түгел, бөтен әйберне дә табып була, мин әйтәм.
    481
    0
    3
Ночной режим