Шәһри Казан

Каным жәл түгел сиңа!

Болай дип язганга үзе үпкәләмәс, шәт. Фигаро кебек ул Әнвәр абый: кая барма, ул - шунда. Һәр нәрсәгә үзенең фикере булган, бернигә дә битараф кала белми торган Әнвәр ага Гыйниятуллин күптән түгел янә шаккатырды: 300 (!) тапкыр кан биреп, бик күп гомерләрне саклап калган игелекле җан да икән бит әле...

Реклама

Беренче тапкыр солдатта чагында, Әстерхан өлкәсе Капустин Яр космодромында хезмәт иткәндә донор булырга туры килгән аңа. Авыр яралы хезмәттәшенә кан бирергә бөтен рота теләк белдергәндә, билгеле инде, бер ул гына читтә кала алмый. Ләкин язмышның шаяруы буладырмы бу, әллә инде киләчәкне билгеләвеме - яралы солдатка нәкъ менә аның каны туры килә һәм берәр айдан ул аякка баса. Үз канының тагын кемнеңдер гомерен саклап кала алу мөмкинлеген тою Әнвәрнең күңелендә горурлык уята. Донорлыкның файдасы да тия - аны нәкъ менә шуның өчен туган авылы Питрәч районы Татар Тау Иленә кыска вакытлы ялга җибәрәләр.
Ватан алдындагы бурычын үтәп кайткач та, үзе эшләгән заводта донорлар көне булганда, ул ике дә уйлап тормый - кан бирә.

- Сәламәт кешегә бернинди авырлыгы да юк. Киресенчә, уңай тәэсир итә бу, биргән кан урынына яңасы ясала. Организм капиллярларыннан башлап чистара, яшәрә. - 40 елдан артык донор булган Әнвәр Гыйниятуллин фикере бу.
Баштарак кан, соңрак плазма да бирә башлый ул. Монысы тагын да файдалырак. Теләсә кайчан әзер кан дигән сүз. Аннары
канны ике айга бер тапкыр гына бирергә рөхсәт, ә плазманы аена икешәр бирергә ярый. Кайбер елларда 20шәр тапкыр донор булырга туры килә. Икенче группа уңай резуслы кан аңарда.
Донор булу өчен төп шарт - сәламәт булу. Ә моның өчен дөрес яшәргә кирәк. Әнвәр әфәнде бу хакыйкатьне тиз аңлап алган: тәмәкене ташлавына 20 ел икән инде, аракыны авызына алмавына да шактый булган. Кан басымы космонавтларныкы шикелле, ди. Әле күптән түгел генә, 35 яшьлек ир-атлар белән бертигез нәтиҗә күрсәтеп, ГТО нормалары тапшырып кайткан. 13 ел инде лаеклы ялда булса да (ул автокранчы булып эшләп, 50 яшьтән пенсиягә чыккан), әле бүген дә хезмәттә. Егетләр кебек төз гәүдәле, җиңел сөякле. 63 яшендә булуына карамастан, дельтопланда очар өчен, Бөгелмәгә Карабаш тавына махсус бара.

Беркөнне ул редакциягә шатлыгын уртаклашырга килде. Аңа «Россиянең мактаулы доноры» исемен һәм Россия Федераль медик-биологик агентлыкның «Донор хәрәкәтенә булышлык өчен» («За содействие донорскому движению») медале тапшырганнар. Әнвәр әфәнде әйтүенчә, бу медаль Татарстанда аңарда гына, Россиядә дә андыйлар 47 генә икән.
Хәләл каның белән беркайчан да күрмәгән-белмәгән бөтенләй чит кешенең гомерен саклап калу - фидакарьлек, батырлык, минемчә. Тик Әнвәр әфәнде үзен алай ук батырга санамый.
- Адәм баласы хәленнән килгән кадәр бер-берсенә ярдәм итеп яшәргә тиеш. Акча беләнме, якты йөз, тәмле сүз беләнме - ничек икәнне ул үзе хәл итә. Ә миңа Аллаһы Тәгалә каным белән ярдәм итәрлек исәнлек биргән. Шушы иң зур байлыгыма сөенеп, хатыным Зәйтүнә белән 36 ел аңлашып-санлашып яшибез. Донор булуыма ул да каршы килмәде, рәхмәт. Кызым белән улым да минем белән горурланалар, - ди ул.

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    438
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    311
    2
    2
  • 1 февраля 2018 в 12:13
    Руслан Айсин: «Төп проблема – намус булмавында һәм рухи гариплектә» Телне саклап калу юллары бармы? Татарның милли үзаңын уятыр өчен нинди юнәлештә хәрәкәт итәргә? Рухи яктан ярлы булып, курчак кыяфәтенә кермәс өчен безгә ниләр эшләргә – болар хакында сәясәт белгече Руслан АЙСИН белән сөйләшик.
    362
    1
    3
  • 17 февраля 2018 в 14:54
    Батырлыкта өлеше бар Совет сугышчыларының Сталинград янындагы батырлыгына 75 ел тулган көннәрдә бу хакта күп языла, күп сөйләнә.
    48
    0
    1