Шәһри Казан

Казан кар көрәргә хәстәрләнә

Бу кышта бозлавыкта таеп егылучылар саны шактый кимергә охшаган. Казанга тротуарларны кардан чистартучы махсуслаштырылган 8 машина кайтартылачак.

Реклама

- Юлларны кышкы карау чоры 1 ноябрьдән рәсми рәвештә башлана, тәмамлану вакыты - 31 март, - диде мэриядә узган киңәшмәдә шәһәр башкарма комитетының тышкы төзекләндерү комитеты рәисе Игорь Куляжев. - Казанда кар 20 миллион квадрат метр территориядән җыештырыла. Узган ел шәһәрдән 1 миллион 100 мең тонна кар чыгарылган иде.
Кышкы чорда эшләү өчен 608 берәмлек махсуслаштырылган техника әзерлек хәленә китерелгән. Шуның 146сы узган ел кайтартылган яңа машиналар. 1 нче категориядәге юллар (шәһәрдәге юлларның 60 проценты) каты сыйфаттагы реагент белән эшкәртеләчәк. Хәзергә ул 4 мең тонна тупланган, гыйнварда тагын шуның кадәр сатып алыначак», - диде Игорь Куляжев.
Казанда 6 урында кар эретү камерасы файдалануга әзер тора. Алар тәүлегенә 7 мең тонна кар эретергә сәләтле. Моннан тыш, шәһәр үзәгендәге урамнарда 2 берәмлек махсуслаштырылган машина-мич карны урында ук эретәчәк.
Мэр Илсур Метшин: «Бездә бит, гадәттәгечә, яшен яшьнәми торып, мужик чукынмый. Автомобильләргә шиплы тәгәрмәчләрне куя башларга вакыт инде югыйсә. Беренче кар-бозлавыкта «калайчы» («жестянщик») көне булды һәм, кисәтүгә карамастан, булачак. Кайбер кешеләрнең шиплы тәгәрмәчләр алырга акчалары да җитмидер, бәлки. Шунлыктан подрядчы оешмалар, юлларда бозлавык сизелүгә үк, тиешле чаралар күрергә әзер торсын», - дип искәртте.
Базарлар һәм предприятиеләр үз территорияләрендәге карны туплау урыннарына үзләре илтергә тиешләр. «Урамга кар эттереп чыгарган предприятиеләргә штраф салынсын», - дип боерды мэр Илсур Метшин. Шәһәр эчке эшләр идарәсенең ЮХИДИ бүлеге җитәкчесе Рөстәм Ибраһимов рөхсәтсез урыннарда юл читендә калдырылган җиңел һәм йөк машиналарының штраф мәйданчыгына алып кителәчәген, көчле буранлы көннәрдә йөк машиналарының шәһәргә кертелмәячәген кисәтеп куйды.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1160
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    551
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    408
    0
    0
Ночной режим