Шәһри Казан

Казанда «убер» таксилар артты: бәяләре дә күңелгә якын – километры 4-8 сум

Татарстан Президенты Рөстәм Миңнеханов АКШның Сан-Франциско шәһәрендә Uber компаниясе хуҗалары белән үзара хезмәттәшлек турында сөйләшеп кайткач, Казанда "убыр" таксилар тагын да җанланды.

Калифорния штатында Убер (Uber) компаниясен 2009 елда Гаррет Кэмп белән Трэвис Каланик оештырган. Компания эшчәнлегенең асылы смартфонга урнаштырылган Uber кушымтасы ярдәмендә автомобиль-такси чакыртудан гыйбарәт. Бу сервис инде Россиянең дә Мәскәү, Санкт-Петербург, Воронеж, Екатеринбург, Краснодар, Пермь, Уфа, Чиләбе, Түбән Новгород, Красноярск, Новосибирск, Сочи, Ростов-на-Дону һәм Казан шәһәрләрендә гамәлдә.

- Хәзер инде без дөньяның 80 илендә 500 шәһәрне колачлыйбыз,- диде Убер компаниясенең сәясәт һәм коммуникация мәсьәләләре буенча директоры Кристофер Бургхардт "Татар-информ" агентлыгында узган матбугат конференциясендә.

Республика премьер-министры урынбасары-элемтә һәм мәгълүматлаштыру министры Роман Шәйхетдинов әйткәнчә, электрон технологияләрне үстерүдә Убер компаниясе тәҗрибәсе кулланылачак.
- Убер компаниясе халыкка транспорт хезмәте күрсәтүне автоһәвәскәрләргә һәм юридик затларга нигезләнеп оештыра, - диде Роман Шәйхетдинов.

Әгәр кем дә булса үзенең шәхси транспортында такси хезмәте күрсәтергә теләсә, ул моны социаль челтәрдә Uber компаниясендә теркәлү узып гамәлгә ашыра ала. Россия гражданлыгы, хөкем ителмәгәнлек, транспорт чарасын өч ел идарә итү стажы, автомобильнең 2012 елдан да иске булмавы зарур. Убер-такси хезмәтеннән файдалану өчен смартфонга шушы исемдәге кушымта урнаштырырга кирәк. Боларны башкару аңлатмалары Интернетта Убер Казан сайтында бирелгән. Убер-такси хезмәтендә исәп-хисап ясау электрон тәртиптә оештырылган. Түләү банк картасыннан алына.

Казанда Убер-таксида баруның бер километры 4-8 сум. Тариф тәүлекнең кайсы вакыты булуына карап үзгәрә. Билгеләнелгән бәяләр дә бар. Мәсәлән, Казаннан аэропортка - 450 сум, Яшел Үзәнгә, Питрәчкә - 600 сум, Юдино бистәсенә - 350 сум, Чаллы, Әлмәт, Түбән Камага 3000 сум.

Фото: mob-promo.ru

Шәһри Казанга Telegramда язылыгыз

Реклама
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    354
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    467
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    835
    0
    2