Шәһри Казан

Кемгә – «ханә», ә кемгә – «хана»?

Әгәр берәр бинаның элмә тактасында «больница» сүзе янында «хастаханэ» яки «хастахана» дигән «имгәк» тәрҗемәле язу күрсәгез, белеп торыгыз, шул оешма җитәкчесенең үзенә «хана» булачак - аны җаваплылыкка тартып, штраф түләттерәчәкләр. Ниһаять, бу башбаштак­лыкка чик куя торган закон проектын Дәүләт Советы депутатлары сишәмбе көнне узган сессия­дә кабул иттеләр.

Реклама


Штраф күләме - шалкан бәясе

Татарстанның мәгариф һәм фән министры Энгель Фәттахов тәкъдим иткән закон проекты республиканың Административ кагыйдә бозулар турындагы кодексына төзәтмә кертүне күздә тота. Документ нигезендә, дәүләт органнары учреждениеләренең һәм башка төрле формадагы оешмаларның элмә такталары ике дәүләт телендә - татарча һәм русча язылырга тиеш.

Министр үз чыгышында билгеләп үткәнчә, 2016 елда республиканың Тарих институты хезмәткәрләре, Казан, Чаллы, Әлмәт, Буа, Алабуга, Яшел Үзән, Нурлат һәм Чистай шәһәрләрендә элмә такталарны тикшереп, шаккатыргыч нәтиҗәгә килгәннәр. Дәүләт органнары һәм бюджет оешмаларындагы 292 элмә тактаның 75 проценты фәкать русча һәм нибары 25 проценты ике дәүләт телендә язылган.

Закон проектына Татарстан Президенты кул куеп, ул үз көченә кергәч, җирле хакимият органнары, элмә такта ике телдә язылмаган очракта, оешма җитәкчесен штрафка тарта алачак. Министр әйтүенчә, мондый документлар Башкортстан, Саха-Якутия, Кабарда-Балкар, Бурятия республикаларында кабул ителеп, тулы көченә эшли икән инде.
Депутатлар арасында бу хәлгә иң сөенгәне, мөгаен, Разил Вәлиев булгандыр. Аңа да, ул җитәкләгән Мәгариф, мәдәният, фән һәм милли мәсьәләләр комитетына да «Телләр турында»гы законның тулаем гамәлгә ашмавы турында борчулы мөрәҗәгатьләр күп килә.

- Бу элмә такталарга һич кенә дә кечкенә нәрсә дип карарга ярамый. Һәр кеше, урамда йөргәндә, аңа дәреслеккә караган шикелле карый. Бөтен нәрсә бер кечкенә нәрсәдән башлана... Әмма минем бер соравым бар. Законда язылганча, «Телләр турында»гы закон бозылса, 500 сумнан 1000 сумга хәтле штраф каралган. Без ул законны 13 ел элек кабул иттек. Ул вакытта 500 сум акча иде. Бүген 500 сумны инде зур акча дип әйтеп булмый. Ничек уйлыйсыз, киләчәктә бу сумманы арттырырга кирәк түгелме икән? - дип, министрга мөрәҗәгать итте депутат.

Энгель Фәттахов фикеренчә, законны кабул итеп, башта аны сынап, күпмедер дәрәҗәдә тәҗрибә тупларга кирәк, аннан соң инде штраф күләмен арттыру мәсьәләсенә кайту нияте барлыгы турында да әйтте.
Коммунистлар фракциясеннән депутат Артем Прокофьев та чеметкеле соравын бирми калмады.

- Административ җаваплылык­тан кала, бу мәсьәләне башка юл белән хәл итеп булмый идеме соң? Республикада хакимият вертикаленең ничек эшләгәнен беләбез бит. Нилектән килеп чыкты бу проблема? - дип сорады ул.
Министр аңлатканча, бу мәсьәләне урында муниципаль хакимияттән дә яхшырак контрольдә тотучы булмаячак.

Ташка кадак каккан Миргалимов

Хәтерләсәгез, июнь азагында узган сессиядә Татарстанның мәҗбүри медицина иминиятләштерүе фонды җитәкчесе Алсу Мифтахова, КПРФ фракциясе җитәкчесе Хафиз Миргалимовның соравына җавап биргәндә, күпме кешенең офтальмология, ягъни күз белән бәйле медицина хезмәтенә мохтаҗ булуы турында төгәл мәгълүмат булмавы турында әйткән иде.

- Әгәр сез безгә шундый мәгълүмат җиткерсәгез, без аны 2017-2018 елгы бюджетны планлаштырганда исәпкә алыр идек, - дип мөрәҗәгать иткән иде Миргалимовка Мифтахова.
Иптәш Миргалимов мондый мәгълүматны табып, трибуна янына чыгып, депутатлар алдында чыгыш ясады. 2016 елда күз белән бәйле ­­7393­ операция, бу елның яртыеллыгында 4430 операция ясалган. Шул ук вакытта 33 456 кеше (!) чиратта тора икән.

- Мәҗбүри медицина иминиятләштерүе фонды вәкиле аңлатканча, бу вазгыять федераль үзәккә бәйле. Гомер озынлыгы, тормыш дәрәҗәсе белән бергә авырулар саны да арта. Киләсе елга бюджетны әзерләгәндә, бу мәсьәләне, һичшиксез, күз уңында тотарга кирәк. Дөрес, акча күп булмый, ул беркайчан да җитми. Үзебезнең фракция исеменнән Татарстан Президентына да мөрәҗәгать итәчәкбез. Пенсионерларыбызга ярдәм итәргә кирәк, аларның пенсия күләме уртача 12 мең сум, ә күзгә операция 25 мең сумнан башлана, - диде Хафиз әфәнде.

Дәүләт Советы рәисе Фәрит Мөхәммәтшин да, аны хуплап, күз белән бәйле авыруны вакытында дәваларга кирәк, диде.

Теги: 250
Нравится
Поделиться:
Реклама
Комментарии (0)
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    280
    0
    0
  • 23 май 2018 - 14:59
    Гөлназ АСАЕВА: «Булачак иремне ике әтиемә дә охшатып сайлыйм» Гөлназ АСАЕВА – моңлы тавышлы яшь җырчы. 16 яшеннән бирле ялгызы гына концертлар куя. Сәхнәдә ул тыйнаклыгы һәм бай репертуары белән аерылып тора.
    667
    0
    4
  • 23 май 2018 - 14:47
    Доктор Комаровский: «Картлыгыңда 20 оныгың булганчы, бер бабаең булсачы» Кичә Казанда танылган табиб Олег Комаровский булып китте. Ул ике көн дәвамында семинар уздырды, әти-әниләрне кызыксындырган сорауларга җавап бирде, балалар сәламәтлеге турында сөйләде. Доктор Комаровскийның киңәшләрен “ШК” сатында биреп барырбыз.
    208
    0
    1
  • 23 май 2018 - 14:33
    Нут ашы пешерү ЫСУЛЫ Аның өчен 4 литр суга 400 гр фарш, 1 стакан нут, 3 бәрәңге, 1 кишер, 1 суган, 3 тырнак сарымсак, 1 болгар борычы, 2 аш кашыгы томат пастасы, үсемлек мае, тоз, борыч кирәк.
    104
    0
    0
  • 23 май 2018 - 14:18
    Илфак Шиһаповның кызы Зәринә: «Мин – Сөембикәнең җанатары» Бу көннәрдә Саба районының Сатыш авылындагы фермада булырга туры килде. Шунда, очраклы гына дисәм дә була, бер абзый белән таныштым. Ул Юлбат авылының тарих укытучысы Илдар Сафин булып чыкты. Шул ферманың бер амбарында аның аты тора икән.
    198
    0
    2
  • 23 май 2018 - 13:44
    «Репетицияләргә йөри-йөри бер дә сөйләшми торган балабыз сөйләшә башлады» Хыялга юл. Камал театрының зур залында Баулының нәни артистлары күрсәткән сәхнә күренеше нәкъ менә шулай дип атала. Хыял чынбарлык булсын өчен күпме сабырлык, тырышлык, үҗәтлек кирәк.
    108
    0
    0
  • 23 май 2018 - 13:00
    Өйдә тортлар пешереп, аларны социаль челтәрләр аша саткан декреттагы әниләргә Президент ярдәм итәргә җыена Татарстан Президенты каршындагы Эшмәкәрлек советы республикадагы үзмәшгульлек белән кызыксына башлаган. Бу хакта Татарстанның бизнес-омбудсмены Тимур Ногманов үзенең Инстаграм битендә хәбәр итә.
    139
    0
    0
  • 23 май 2018 - 10:26
    «Тели белсәң – теләк, тели белмәсәң – имгәк» Бергә эшли торган иптәш хатыным: «Ялга чыксам эшләмим, оныкларымны гына сөеп ятам», – ди торган иде.
    304
    0
    0
  • 23 май 2018 - 10:21
    Габделбәр Илдарханов: «Урман сукмакларыннан гел узсаң да, адаштыра да, авырганда дәвалый да» Кызыл Яшьләр авылы бик матур урында, урман янында утыра. Авыл урамында нарат, агач исе... Биредә Лаеш урманчылыгының Питрәч участок урманчылыгы урнашкан.
    97
    0
    1
  • 22 май 2018 - 17:26
    «Һәр гаилә үз законнарын яза» Татарстан Дәүләт Советында узган матбугат конференциясендә парламент башлыгы урынбасары, «Мәрхәмәт» хатын-кыз депутатлар берләшмәсе җитәкчесе Татьяна Ларионова хәбәр иткәнчә, быелдан инвалид балаларны уллыкка алган гаиләләргә 200әр мең сум акча бирелә башлады. Әлеге вакытта бу ярдәмнән сигез гаилә файдаланган.
    207
    0
    0
  • 22 май 2018 - 15:57
    «Татар кызчыгы – 2018» бәйгесе җиңүчесе кем? «Алтыда нинди, алтмышта – шундый», – ди халык. Димәк, тәрбияне дә, белемне дә кечкенәдән бирергә, әдәп-әхлакка, йолаларга, гореф-гадәтләргә, милли моңнарга мәхәббәтне дә сабый чактан сеңдерергә кирәк. Быел гына яңадан оешып, гөрләтеп эшләп киткән Бөтендөнья татар хатын-кызлары «Ак калфак» иҗтимагый оешмасының Казан бүлеге активистлары да нәкъ шул максатны күздә тотып оештырдылар «Татар кызчыгы – 2018» бәйгесен. Беренче тапкыр гына үтсә дә, «коймак» төерле булмады.
    244
    0
    0
  • 22 май 2018 - 14:44
    Даниярга аякка басарга ярдәм итегез! 28 апрель – Мөхетдиновлар өчен авыр көн. Берничә ел элек шул көнне әбиләре вафат булган, 2016 елда Алсу бала тудыру йортына сабыен табарга киткәч, бабайлары бакыйлыкка күчкән.
    268
    0
    1
Реклама
  • 17 май 2018 - 11:28
    Өй салуның ние бар? - 2
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
Соңгы комментарийлар
Интервью
  • 23 май 2018 - 10:54
    Кәгазе яңача булса да, түләве искечә калачак
    Россия халкы 1 июньнән торак-коммуналь хезмәтләр өчен яңа квитанцияләр алачак. Әлеге яңа түләү кәгазьләре искесеннән нәрсә белән аерыла һәм анда төп игътибарны нәрсәгә юнәлтәчәкләр?
    125
    0
    1
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    280
    0
    0
Ночной режим