Шәһри Казан

Матриархатмы бу?

Элек-электән хатын-кызлар үзләренең буйсынучанлыгы, гаилә хакын өстен куюы, нәзакәтлелеге белән аерылып торган. Өйдәге хуҗалык эшләренең бер өлешен алып барсалар да, ил белән идарә итмәгәннәр. Алар патша булган очракта да ире үлү яки башка варис булмау сәбәпле генә хакимияткә килгән. Хакимлек эшендә дә идарә итү эшләрендә аларга фаворит саналган ир-атлар булышкан....

Реклама

Элек-электән хатын-кызлар үзләренең буйсынучанлыгы, гаилә хакын өстен куюы, нәзакәтлелеге белән аерылып торган. Өйдәге хуҗалык эшләренең бер өлешен алып барсалар да, ил белән идарә итмәгәннәр. Алар патша булган очракта да ире үлү яки башка варис булмау сәбәпле генә хакимияткә килгән. Хакимлек эшендә дә идарә итү эшләрендә аларга фаворит саналган ир-атлар булышкан. Моңа мисал итеп Сөембикәне, Екатерина II, Елизавета Петровналарны китерергә була.
Тамырдан үзгәрешләр ХХ-ХХI гасырларда барлыкка килде бугай. Британия Премьер-министры Маргарет Тэтчер, Германия канцлеры Ангела Меркель, Аргентина Президенты Кристина Киршнер, Кыргызстан Президенты Роза Отунбаевалардан соң мондый нәрсә гадәти күренешкә әверелде. Әмма гомер-гомергә курку белмәс ир-егетләре, тыйнак хатын-кызлары белән дан тоткан Кавказ халкы да мондый хәлне үз башыннан кичерер дип кем уйлаган. Беренчеләрдән булып Россия белән Зимбабве таныган, АКШ һәм Европа илләре Грузия территориясе дип санаган Көньяк Осетия Республикасында Алла Джиоеваның президент булырга көрәшүе дә бераз сәер. Хәтерләсәгез, Көньяк Осетиядә Президент кәнәфие өчен кискен көрәш башланды һәм ул сайлаулардан соң да дәвам итә. 27 ноябрьдә үткән тавыш бирүнең икенче турында көрәш Көньяк Осетия Республикасының (КОР) гадәттән тыш хәлләр министры Анатолий Бибилов һәм оппозиция лидеры, экс-мәгариф министры Алла Джиоева арасында барды. КОРның Үзәк сайлау комиссиясе рәисе Белла Плиева мәгълүматы буенча, Алла Джиоевага 26149 сайлаучының 14828е (56,7%), Анатолий Бибиловка 10462 кеше (40%) тавыш биргән. Ләкин хәзерге Президент Эдуард Кокойты җитәкләгән «Единство» партиясенең шикаятен тикшергәннән соң, КОРның Югары Суды сайлауларда Алла Джиоева тарафдарлары закон бозган, шул сәбәпле сайлау нәтиҗәләре юкка чыгарыла, яңа сайлаулар 2012 елның 25 мартында үтәчәк, дигән карар чыгара. Ул сайлауларда инде Джиоева ханымның катнашырга хокукы булмаячак.
Әмма сайлауларда җиңгән ханбикәбез туктап калырга җыенмый. Халыкны урамга чыгарып, бөтен хакимият алдында үзен сайланган президент итеп игълан итте. КОРның Дәүләт куркынычсызлыгы хезмәте аның тарафдарларын куып таратмаячагын белдерде. Джиоева Россиядән дә үзен сайланган президент итеп тануын сорады.
Ничек булып бетәр, барысы да Аллаһ ихтыярында! Шулай да Джиоеваның авыр хәлдә калган ил белән идарә итәргә теләве сәер тоела. Әле Көньяк Осетиягә үз бәйсезлеген саклыйсы, яклыйсы бар. Кайда кайда, әмма горур тау халыкларында ил белән ир-ат идарә итәргә тиеш кебек.

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 12 март 2018 - 08:37
    Илсөя Бәдретдиновага роза чәчәге урынына Роза кушаматлы тавык бүләк иткәннәр (ВИДЕО) Илсөя Бәдретдинова бу көннәрдә гастрольләр белән Татарстан һәм Башкортстан буйлап сәяхәт кыла. Аның инстаграмына карасаң, билет сатып алып килгән тамашачы, күчтәнәчсез дә килми икән.
    726
    0
    1
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    571
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    422
    0
    0
Ночной режим