Шәһри Казан

“Милләтара, конфессияара мөнәсәбәтләр өлкәсендә мәгълүмат чараларында яктыртуга лаеклы матур мисаллар бихисап”

Кичә Казанда Россия территориясендә яшәүче төрле милләтләрнең мәдәниятенә һәм гореф-гадәтләренә кызыксыну уяту максатыннан оештырыла торган "Күп төсмерле Россия" VIII Бөтенроссия журналистлар ачык конкурсына нәтиҗәләр ясалды.

Бәйге кысаларында журналистлар өчен "Конфессияара һәм милләтара мәсьәләләрне чагылдыруда массакүләм мәгълүмат чараларының роле" дигән темага семинар уздырылды. Этникара журналистика Гильдиясе президенты Маргарита Лянге сүзләренчә, бүген дөньяда барган катлаулы вазгыятьне киң катлам укучыларга дөрес итеп җиткерүдә, илдәге милләтара мөнәсәбәтләрне ныгытуда журналистларның роле зур.

- Бүгенге көндә халыкка кайда су баскан, кайда самолет шартлаган, кайда террорчылар бомба шартлаткан һәм башка шуның ише хәвеф-хәтәрләр кызыксындыра. Әйтерсең, без ниндидер куркыныч илдә яшибез. Бөтен матбугат негатив яңалыклар белән тулган. Ә бит без күпмилләтле ил. Һәр милләтнең үз гореф-гадәте, милли традицияләре бар. 193 төрле милләт, димәк, 193 төрле тәрбия, дөньяга караш, туклану, сәламәт, бәхетле булу рецепты - нишләп әле шулар турында язмаска, - дип, ул журналистларга игътибарны милләтләр темасына юнәлтергә чакырды.

Аның фикеренә, әлеге темага үзе теләп алынучы юк дәрәҗәсендә. Язганнары да коры саннарга гына таянып, мәгълүмат бирү белән генә чикләнә.

Реклама

- Югыйсә бит милләтара, конфессияара мөнәсәбәтләр өлкәсендә мәгълүмат чараларында яктыртуга лаеклы матур мисаллар бихисап. Аларны очрек жанрында, тәэсирле итеп язганда менә дигән укылышлы материал килеп чыга, - ди Маргарита Лянге.

Этникара журналистика Гильдиясе президенты семинарда тагын бер проблеманы күтәрде. Аныңча, журналистлар "кайнар кадр яки тема" артыннан куып, милләтләр арасында үзләре үк низаг китереп чыгарырга да күп сорап тормыйлар.

- Бу журналистларның белемсезлеге, тәҗрибәсезлеге, әзерлексезлеге, тизрәк таныласы килүе дип аңлыйм мин моны. Корбан бәйрәме алдыннан, гадәттә, халык арасында тагын мескен сарыкны чалалар инде дип сүз куерта башлыйлар. Ничәмә-ничә еллар шуның турында ишетәбез. Чынлыкта бит корбан чалу бер мөселманнарда гына түгел, осетиннар һәм башка христианнарда да бар ул. Корбан бәйрәме алдыннан без шулар турында мәгълүмат биреп, халыкны тынычландырабыз. Һәр халыкның гореф-гадәтен, йоласын хөрмәт итәргә чакырабыз. Бүген халыкка яңалыклар белән танышу чаралары бик күп. Сез исә халыкны уйландыра, күңелен күтәрә, кызыксындыра торган аналитик язмаларга өстенлек бирегез, - дип киңәшләрен бирде Маргарита Лянге журналистларга.

Фото: tatar-inform.ru

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 13 января 2018 в 10:30
    Кайтарыйк Будулайны! «Җырлап ачылмаган күңел мәңге ачылачак түгел», – дип җырлыйлар. Җырлап караган бар минем, көтү көткәндә, чыбыркыны микрофон урынына тотып. Көне буе нишләмәк кирәк ул көтүдә, төрлечә маймылланып карыйсың инде. Моң дәрьясына чума гына башлаганда, берәр азгыны уҗымга каера, «Аһ, инәң башмагы, борыл!» – дип, аның артыннан йөгерәсең, микрофон-чыбыркыны шартлатып. Ә кайберәүләр борылып килгәч тә җырлаганнар, ахры. Чыбыркыны чын микрофонга алмаштырып, хәзер әнә сәхнәдә балкыйлар.
    191
    0
    0
  • 13 января 2018 в 09:10
    «Шәһри Казан»ның тугры укучысы Кайсы гына гәҗит 27 ел буе бертуктамый алдыручы тугры укучылары белән мактана ала икән?! Ә менә сезнең «Шәһри Казан» гәҗите шундый укучыларының берсе белән һичшиксез мактана, горурлана ала. Ул – Казан шәһәренең Нагорный бистәсендә яшәүче 85 яшьлек Асия апа Ибраһимова.
    141
    0
    1
  • 13 января 2018 в 10:00
    Шагыйрь җиңүе Декабрь ахырында Казахстанның Төркестан шәһәрендә ХII Халыкара төрки шигърият фестивале үткәрелде. Ике елга бер тапкыр уздырыла торган әлеге фестиваль – төрки дөнья әдәби хәятендәге иң эзлекле, дәвамлы һәм нәтиҗәле чараларның берсе. Төркия Язучылар берлеге тарафыннан оештырыла торган фестиваль тәүге тапкыр 1992 елда Төркиянең Бурса шәһәрендә ачыла һәм Конья шәһәрендә төгәлләнә. 
    117
    0
    0