Шәһри Казан

Президент өзелгән өметләрне ялгады

Анна Сабирова Казанда фатир алу өчен 2012 елда ук өлешле торак төзелешенә язылган булган. Фатиры гына юк та юк. Татарстан Президенты Рөстәм Миңнеханов мәсьәләне үз контроленә алгач, өлешле торак төзелешендә хәрәкәт кузгалды.

Анна Сабирова да, ниһаять, фатирлы булачак.

- Өметләремне өзгән идем инде, - диде ул «Молодежный» торак комплексындагы төзелеш эшләренең барышын карарга килгән мэр Илсур Метшинга.

- Шөкер, хәзер йортларда төзелеш эшләре бара, - дип, сөенече белән уртаклашты Анна.

«Молодежный» торак комплексында биш йорт төзү планлаштырылган булган. Биредә 4нче санлы йорт 2015 елда тапшырылган, ләкин калганнары «сакаллы» төзелеш булып туктап калган. Бүген 3нче санлы йорт та - тәмамлану алдында.

Казан мэры Илсур Метшин «Царицынский бугор» җаваплылыгы чикләнгән җәмгыять тарафыннан төзелеп килә торган йортларда да булды. Ул биредәге биш подъездлы йорт төзелешенең барышы белән кызыксынды. Шәһәр Башкарма комитеты җитәкчесенең беренче урынбасары Азат Нигъмәтҗанов таныштырганча, әлеге йорт файдалануга «блоклап», ягъни подъезд исәбендә биреләчәк. Башта 144 фатирлы өч подъезд тапшырылачак.

Реклама

Өлешле торак төзелешендә катнашучылар белән өстәмә килешү төзелгән. Өлешчеләр 550 мең сумга автоурын сатып алырга ризалашкан. Бу акча «сакаллы» төзелешне кузгатып җибәрергә ярдәм иткән. Беренче подъезд белән беррәттән 195 автоурын да булдырыла. Килешү нигезендә, 100 автоурын беренче өч подъезддагы фатирларда торачак кешеләргә бүленгән. Җир асты паркингы ике катлы булачак, аның өстенә балалар уен мәйданчыгы, спорт мәйданчыгы ясау ниятләнелә. Ишегалдына агачлар утыртылачак. Йортның өч подъездында да тәрәзәләр урнаштырылган, хәзер лифтлар көйләү бара.

Мэр Илсур Метшин әйткәнчә, инженерлык челтәре сузу мәсьәләсе хәл ителә. «Казан электр челтәре» йортка электр үткәрәчәк.

- Татарстан Президенты йортка җылылык челтәре үткәрү буенча күрсәтмә бирде, бу үтәлә. «Татэнерго» белән аңлашу бар, - диде мэр Илсур Метшин.

Өлешле торак төзелешендә катнашучы Галина Никифорова борчылып әйткәнчә, автоурын килешүен теркәүдә киртәләр килеп чыккан. Шәһәр башлыгы, регпалатага бәйле бу юридик мәсьәлә чишелеш табачак, дип ышандырды.

«ФОН» белән «Свей» җәмгыятьләрендәге төзелеш эшләре туктап калган йортларда эш кабат башланган. Мэр Илсур Метшин әйткәнчә, Казандагы проблемалы 25 йортның быел җидесе, төзеп бетерелеп, өлешчеләргә тапшырылачак.

Нравится
Поделиться:
Реклама
Комментарии (0)
Реклама
  • 17 май 2018 - 11:28
    Өй салуның ние бар? - 2
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
Соңгы комментарийлар
Интервью
  • 21 май 2018 - 17:00
    «Китапханә паркта» проекты старт ала Казанда узачак Футбол буенча дөнья чемпионаты көннәрендә Татарстан Республикасының Милли китапханәсендә узачак чаралар турында журналистларга китапханә директорының фәнни эшләр буенча урынбасары Ирек Һадиев сөйләде.
    20
    0
    0
  • 16 апрель 2018 - 10:23
    Корица белән бал кушылмасы яман шештән саклый Корица белән бал кушылмасы (бер өлеш корицага биш өлеш бал) ашказаны авыруларын җиңә, организмны вируслардан саклый, йөрәкне ныгыта.
    888
    0
    2
  • 16 апрель 2018 - 11:14
    «Нәни кулы белән бармагымны эләктереп алгач, җиңәчәгебезне аңладым» 2016 елда Татарстанда 110 мең бала вакытыннан алда туган. Бүген медицина алга киткән заманда, җитлекмичә дөньяга килгән сабыйларны тәрбияләү мөмкин эш. Республика клиник хастаханәсендә 460 граммлы булып туган баланың да гомерен саклап кала алганнар иде. Мондый үзенчәлекле сабыйларны тәрбияләү турында Республика балалар клиник хастаханәсенең патология белән туган сабыйлар һәм җитлекми туган балалар бүлеге җитәкчесе неонатолог Фатыйма КАЗАКОВА белән сөйләштек.
    714
    0
    1
  • 16 апрель 2018 - 12:09
    Гади ихлас балачак, кайда син? Оныгыма мәктәпкә макулатура алып килергә кушканнар. Өй бетереп, кирәкмәгән кәгазь эзлибез, ди кызым. Хәзер кытлык заманы түгел, бөтен әйберне дә табып була, мин әйтәм.
    496
    0
    3
Ночной режим