Шәһри Казан

Җә, рәхәт!

Кая барабыз без?! Татар кешесе үзенең туган телен аңлый алмас хәлгә төштек.

Без үскәндә рус теле дәресләрендә дә рәхәтләндереп татарча җавап бирә идек. Шулай бервакыт дәрестә укытучыбыз, бер сүзнең тәрҗемәсен белер өчен, егетләребезне чеметкәләп аласы итте. «Борыныгызга кызлар исе кергән, шомырт төбендә кызлар кочып утырасыздыр әле, үзегез черемуханың татарчасын беләсезме икән?» - ди.
Үзеннән сораганын белгән сыйныфташым аркама шундый итеп төртте ки, каян башыма килгәндер: «кара чебен», - дидем мин аңа. Шул дәрестән соң ул егет «кара чебен»гә әйләнеп тә куйды. Тәрҗемә дигәннән, бүген кем ничек тели - шулай аңлый торган заман...
Әлмәндәр картның «Җырламас идем шырдыйны, тыңлаучысы шыр тиле», - дип такмаклавы гел искә төшә. Радионы ачсаң да, эстрада җырчылары күбәеп китте әле, дип уйлыйсың. Элек бармак белән санарлык кына булган икән артистлар. Аның каравы, һәрберсенең үз йөзе, үз моңы иде. Бүген Татарстанда коймак калынлыгы китап чыгарган һәркем язучы була алган кебек, матур күлмәк киеп сәхнәгә менеп җыр сузарга батырчылык иткән һәркем җырчы санала. Ел буе: «Эчтәлеге оригиналь җыр сайлаган Иркә», - дип тыңлаган бер җырның башкаручысы әллә кем булып чыкты тагын. Радиодан җыр авторын гына түгел, башкаручысы кем булуын да әйтеп тормагач, каян танып бетерәсең ди.
Кич утырырга кергән күршем мәзәк итеп үзләренең кыйммәтле билет алып «Пирамида»га барып кайтуларын сөйләде. Бер матур кыз: «Йөрәктә җәрәхәт...» - дип өзгәләнә икән. Күршемнең апасына шулкадәр ошаган бу, хәтта сүзләрен отып калып, концерттан кайтканда рульдә такмаклап бара башлаган.
Җәрәхәт дигән сүзне «җә, рәхәт, дип аңлаган икән ул. Миңа һәр сүзен тәрҗемә итеп, эчтәлеген төшендерергә туры килде. «Рана в сердце», - дим апага. «Рәхәт» дип җырлады кебек», - дип, үзенекен үз итә ул. Шулчак салонның арткы урындыгыннан: «Ә нигә йөрәктә иртә?» - дигән аптыраулы сорау ишеткәч, апам чүт бәрелми калды. Татар гимназиясендә укучы кызы «рана» сүзен үзенчә аңлаган булып чыкты.
Апаның һәм татар гимназиясендә укучы кызының шул бәягә билет алып, эчтәлегенә төшенмәгән концертны карап утыруы мантыйкка сыеп бетмәде. Тагын әле менә шул баланың тел белмичә татар гимназиясендә белем алуы да уйга салды мине.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 14 март 2018 - 14:51
    «Хәләл фермер» Ленар ЛАТЫЙПОВ: «Хатын сайлау берни түгел, сыер сайлап кара син!» Биектау районының Торнаяз авылында «хәләл фермер» белән танышып кайттык. Биш вакыт намазын калдырмаган, шәригать кануннары буенча яшәүче Ленар Латыйповлар гаиләсен күрше-тирәдә шулай атыйлар. Алар ун ел эчендә мөгезле эре терлек санын 250гә җиткергән. Республикада бу – иң күп мал асраучы гаилә фермасы.
    545
    0
    2
  • 14 март 2018 - 16:28
    Лаешта пычрак су «дефицит»ка әйләнәчәк Татарстанның Лаеш районы Чулман белән Идел елгалары кочагына урнашкан. Гаҗәеп матур җирләр.
    456
    0
    0
  • 14 март 2018 - 15:42
    «Гавайи» салаты ясау ЫСУЛЫ Бер порция өчен 40 гр айсберг яки пекин салаты (икесен бергә кушсагыз да була), 50 гр ысланган тавык, 40 гр консервланган ананас, кечкенә генә бер тырнак сарымсак һәм кыздырылган кара ипи кисәкләре кирәк.
    342
    0
    0
Ночной режим