Шәһри Казан

Рөстәм Миңнеханов: «Болай булмаска тиеш!»

Питрәч районы - эшләү һәм яшәү өчен дә иң уңайлы районнарның берсе. Табигать тә аны кимсетмәгән, су дисәң, суы бар, туфрак та уңдырышлы. Районның иң отышлы якларының берсе - әлбәттә инде, аның Казанга якын урнашуы. Каланың азык-төлек базары иркен, нәрсә генә җитештереп сатсаң да, рәхәтләнеп табыш алырга була.

Реклама

Әлеге потенциал тулысынча кулланыламы соң? Татарстан Президенты Рөстәм Миңнеханов катнашында узган Питрәч муниципаль районының 2016 елгы эш нәтиҗәләре һәм 2017 елга куелган бурычларга багышланган район советы утырышында сүз нәкъ әнә шул хакта барды. Беренче карашка, районның икътисади хәле алай начар түгел кебек. Тик һәр тармакны анализлап караганда, районның башлыча «Ак Барс холдинг» хисабына гына яшәгәнлеге күренә. Рөстәм Миңнеханов, үзенең чыгышында районның икътисади хәленә анализ ясап, утырышта катнашучыларга су астында яткан барлык ташларны «табып», кимчелекләрен ачып бирде.

Азык-төлек базары

Агросәнәгать комплексы буенча рейтингта Питрәч - 25енче урында. Кече хуҗалык формалары буенча республика күләмендә - 33нче урында. 2015 елда 20нче урында булганнар. Районда 14 гаилә фермасы бар, 2016 елда нибары дүрт мини ферма төзелгән. Республика буенча 1205 гаилә фермасы эшли, 107се төзелү стадиясендә, 3 мең эш урыны булдырылган. Ике ел эчендә 824 шәхси ярдәмчел хуҗалык мини-фермаларга субсидия алган.

- Кукмараны алсак, анда - 43, Мамадышта - 107. Сез бу мәсьә­ләләрдә калышасыз, димәк, эшләп бетермисез. Бу авыл җирлекләре башлыкларына да кагыла. Авыл җирлекләре белән эшчәнлекне җанландырырга кирәк. Продукция булмаса, авылның киләчәге юк. Тәүлек саен 51 тонна сөт җитештерәсез. Әтнә районын алсак, 178 тонна, район кечерәк булса да, өч тапкыр күбрәк сөт бирә. Сабада - 141 тонна, Кукмарада - 200 тонна. Сез Казан янәшәсендә генә, базарыгыз шунда. Мин Питрәчнең күп кенә районнар өчен бу мәсьәләдә үрнәк булганын, сезгә өйрәнергә килгәннәрен хәтерлим. Бу мәсьәләгә игътибар кирәк, - дип, Рөстәм Миңнеханов, башка районнар мисалында, Питрәчнең бүгенге көндә тоткан урынын күрсәтте.

«Сезнең төп хәзинәгез - җирләр»

Районның 789 гектар авыл хуҗалыгы җире сәнәгать төзелеше өчен бирелгән һәм ул тиешенчә кулланылмый.
- Авыл хуҗалыгы җирләрен башка формаларга күчерүгә, ниндидер производстволарга мин каршы түгел, әмма сездә күп кенә җирләр күчерелгән, ә файдасы юк. Алар йә авыл хуҗалыгы, йә торак төзелеше, йә сәнәгатьтә файдалану өчен эшкә җигелми. Җирне акылсыз таратырга ярамый, ул беркайчан артмаячак. Әгәр бу җир тиешенчә файдаланылмый икән, кире авыл хуҗалыгына тапшырырга кирәк. Производство булмаган өстенә акылсыз рәвештә торак төзүнең дә кирәге юк, - дип үз фикерен белдерде Президент.

Район торак йортлар төзү өчен шактый зур чыгымнар тота. Анда яшәүчеләрнең күбесе Казанга йөреп эшли.

- Бу кешеләр көн саен килеп-­китеп йөрсәләр, алар керемгә салым түләмәячәк, ә сез балалар бакчалары, мәктәпләр, аларның сәламәтлеге өчен җавап бирәчәксез. Монда яшәп эшләсеннәр. Әгәр эш булмаса, торак кына төзесәгез, сез кире нәтиҗә алачаксыз, - дип, Рөстәм Миңнеханов бу мәсьәләләргә игътибарлы булырга һәм балансны сакларга кирәклеген искәртте. Аның фикеренчә, торак төзегән җирдә сәнәгать мәйданчыклары булырга тиеш.
Кызганыч, кече бизнес буенча да район бары тик 37нче урында гына. Географик яктан бик уңайлы урнашкан булса да, районда зур сәнәгать тә юк. Сәнәгать мәйданчыгында да бары тик ике генә резидент.

«Беркайда да андый нәрсә юк»

Рөстәм Миңнеханов үзара салымга да аерым тукталды. Питрәч буенча барлыгы 26 млн сум җыелган.
- Гражданнар җыйган 1 сумга 4 сум бирәбез, беркайда да андый нәрсә юк. Күп кенә районнар моннан яхшы файдалана. Кеше үзенең акчасын кертсә, ул аңа төзелгән юлга, зиратка һәм башкаларга икенче төрле карый. Мин шушы мәсьәләләргә игътибар сорыйм, - диде ул.

Сәламәтлек буенча - 37, мәгариф буенча - 33нче урында

Рөстәм Миңнеханов бу уңайдан да канәгатьсезлеген белдерде.
- Халык саны үсеше буенча күрсәткечләр ярыйсы, тик белмим, сәбәпләре нидәдер, әмма сәламәтлек саклау өлкәсендә сез 37нче позициядә. Эшкә сәләтле халыкның инфаркт миокардыннан, яман шештән һәм яңа туган балалар үлү күрсәткечләре югары. Аналар үлеменең дүрт очрагының берсе сездә, 37нче урын сезне бизәми дип уйлыйм, - дип белдерде Президент һәм республиканың сәламәтлек саклау министры Адел Вафинга район башлыгы белән тикше­рү үткәрергә йөкләмә бирде.
Рөстәм Миңнеханов электрон юл белән табибка язылучылар арасында канәгатьсезлек белдерүчеләр саны югары булуын да ассызыклап узды.

Мәгариф буенча да эшләр мактанырлык түгел.
- Район 33нче урында һәм сез үзегезнең чыгышыгызда бу турыда берни әйтмәдегез, - дип, район башлыгына мөрәҗәгать итте Президент. Аннан соң районның мәгариф бүлеге җитәкчесен дә бастыр­ды. Аның: «Икенче ел гына эшлим», - дигәненә, «Бу синең бәхетең», - дип тә әйтеп куйды. - Сезнең район мәктәпләрендә белем алган балалар мондый билгеләр белән Казанга барып бернинди дә уку йортларына керә алмаячак.
Район җитәкчелегенә карата бик күп шелтә сүзләре әйтелсә дә, утырыш бик тыныч мохиттә үтте.
- Кимчелекләрне бетерү өс­тендә эшләргә кирәк. Алла боерса, икенче елга килербез, нинди үзгәрешләр булуын карарбыз, - дип саубуллашты Рөстәм Миңнеханов.

Теги: 250
Нравится
Поделиться:
Реклама
Комментарии (0)
  • 22 май 2018 - 17:26
    «Һәр гаилә үз законнарын яза» Татарстан Дәүләт Советында узган матбугат конференциясендә парламент башлыгы урынбасары, «Мәрхәмәт» хатын-кыз депутатлар берләшмәсе җитәкчесе Татьяна Ларионова хәбәр иткәнчә, быелдан инвалид балаларны уллыкка алган гаиләләргә 200әр мең сум акча бирелә башлады. Әлеге вакытта бу ярдәмнән сигез гаилә файдаланган.
    100
    0
    0
  • 22 май 2018 - 15:57
    «Татар кызчыгы – 2018» бәйгесе җиңүчесе кем? «Алтыда нинди, алтмышта – шундый», – ди халык. Димәк, тәрбияне дә, белемне дә кечкенәдән бирергә, әдәп-әхлакка, йолаларга, гореф-гадәтләргә, милли моңнарга мәхәббәтне дә сабый чактан сеңдерергә кирәк. Быел гына яңадан оешып, гөрләтеп эшләп киткән Бөтендөнья татар хатын-кызлары «Ак калфак» иҗтимагый оешмасының Казан бүлеге активистлары да нәкъ шул максатны күздә тотып оештырдылар «Татар кызчыгы – 2018» бәйгесен. Беренче тапкыр гына үтсә дә, «коймак» төерле булмады.
    146
    0
    0
  • 22 май 2018 - 14:44
    Даниярга аякка басарга ярдәм итегез! 28 апрель – Мөхетдиновлар өчен авыр көн. Берничә ел элек шул көнне әбиләре вафат булган, 2016 елда Алсу бала тудыру йортына сабыен табарга киткәч, бабайлары бакыйлыкка күчкән.
    164
    0
    1
  • 22 май 2018 - 14:38
    Җанатар паспорты белән Камал театрына билетларны ярты бәядән сатып алып булачак Футбол буенча дөнья чемпионаты вакытында Камал театрына билетларны ярты бәядән сатып алып булачак. Моның өчен җанатар паспорты – Fan-IDны күрсәтергә кирәк.
    91
    0
    0
  • 22 май 2018 - 14:28
    Тел өчен көрәш дәвам итә: фикердәшләр арта Милли телләрне укыту тирәсендә кабат шау-шу бара. Бу Россия Дәүләт Думасы депутатлары Алена Аршинова, Олег Николаев, Шамсаил Саралиев, Олег Смолин, Елена Строкова һәм Борис Чернышевның милли телләрне укыту балалар һәм ата-аналарның үз теләге белән генә булырга тиеш дигән закон проектын тәкъдим итүе белән бәйле.
    120
    0
    0
  • 22 май 2018 - 13:55
    Казанда күрмәүчеләр һәм начар күрүчеләр өчен тифлокомментарийлы спектакль күрсәтелде Кариев исемендәге Казан татар дәүләт яшь тамашачы театры тарихта беренче тапкыр күрмәүчеләр һәм начар күрүчеләр өчен тифлокомментарийлы спектакль күрсәтте. Күрмәүчеләр өчен бу сезонда барган «Куян Эдвардның гаҗәеп сәяхәте» (К.Дикамилло) әсәрен яраклаштыруга бер-ике айлап вакыт киткән.
    158
    0
    0
  • 22 май 2018 - 09:26
    Бәлки сездә салкын тию түгел, ә аллергиядер? (КИҢӘШЛӘР) Әгәр дә һәр яз саен күзләрегез кы­чыта, яшь ага, төчкерәсез һәм томаудан азапланасыз икән, димәк, сездә язга аллергия дигән сүз.
    176
    0
    0
  • 22 май 2018 - 07:21
    Казан марафоны: әбиләр дә, бәбиләр дә йөгерде 1974 елда башланган Казан марафоны инде өч ел рәттән яңартылган форматта үткәрелә. Узган ел әлеге марафоннан соң Казан Россиянең йөгерүче башкаласы исемен алды.
    66
    0
    0
  • 21 май 2018 - 16:43
    40 елдан артык тракторда эшләгән Вәсилә Шәмсетдинова: «Көлеп караучылар да булды» Тенеки авылында 40 елдан артык тракторда эшләгән Вәсилә Шәмсетдинова яши дигәч, аның белән танышырга теләп, өйләрен эзләп киттем. Әллә кайдан күренеп торган матур йортка күз төшүгә үк, тырыш, булдыклы кеше шушы йортта яшәргә тиеш дип, ишекләрен кактым.
    536
    0
    4
  • 21 май 2018 - 16:19
    «МИН» тапшыруында катнашучылар арасында битләрен бары тик сабын белән генә юучылар да бар» Быелның 8 мартында “Яңа Гасыр” телеканалында өр-яңа тапшыру – “Мин” эфирга чыга башлады.
    915
    1
    0
  • 21 май 2018 - 15:38
    Биш яшьлек Мишага ярдәм кирәк! Благотворительный фонд помощи детям World Vita объявил о начале сбора средств для помощи пятилетнему Мише. У ребенка порок сердца в критической стадии и операция требуется безотлагательно, говорится на странице Миши на портале фонда.
    317
    0
    0
  • 21 май 2018 - 15:07
    Əнвәр Нургалиев: «Яман чирне бергәләп җиңеп чыгачакбыз!» Узган атнаны Əнвәр Нургалиев яман чир белән авыручы кызга акча җыябыз, дигән хәбәр таратты. «Айсылу безнең гаилә өчен якын кеше, аңа чын күңелдән ярдәм итәсе килә», - дигән ул.
    4073
    0
    7
Реклама
  • 17 май 2018 - 11:28
    Өй салуның ние бар? - 2
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
Соңгы комментарийлар
Интервью
  • 22 май 2018 - 17:26
    «Һәр гаилә үз законнарын яза» Татарстан Дәүләт Советында узган матбугат конференциясендә парламент башлыгы урынбасары, «Мәрхәмәт» хатын-кыз депутатлар берләшмәсе җитәкчесе Татьяна Ларионова хәбәр иткәнчә, быелдан инвалид балаларны уллыкка алган гаиләләргә 200әр мең сум акча бирелә башлады. Әлеге вакытта бу ярдәмнән сигез гаилә файдаланган.
    100
    0
    0
Ночной режим