Шәһри Казан

Рөстәм Миңнехановның күптәнге хыялы тормышка ашты (ФОТОЛАР)

Европаның иң зур авылы - Пенза өлкәсе Урта Әләзәндә VIII Бөтенроссия авыл Сабан туе булды. Авылның ике мең ярымнан артык хуҗалыгында ун меңгә якын кеше яши!

- Күптәнге хыялым чынга ашты, Урта Әләзән авылын килеп күрдем. Яңа мәктәпне, мәчетне карап чыгу насыйп булды. Сабан туе ул - безнең халыкның традициясе, горурлыгы, яраткан бәйрәме. Быел Россиянең 59 төбәгендә, дөньяның 32 илендә татарлар Сабан туйларын бәйрәм итә. Сабан туе бүген татарлар, башкортларның гына түгел, иң мөһиме: ул безнең халыкның үзенчәлекләрен күрсәтә, - диде Татарстан Президенты Рөстәм Миңнеханов бәйрәмне ачу тантанасында.



Сабан туе иң беренче чиратта татар халкын, аның йөзен, гореф-гадәтләрен башка халыкларга күрсәтә һәм таныта торган мәйдан булып тора. Урта Әләзән авылында Сабан туе борынгыдан ук килгән дип әйтеп булмый. Моннан 15-20 ел элек кенә дә әле Әләзән авылында Сабан туе бөтенләй үткәрелми торган булган.

Җирле эшмәкәрләр иң элек ат чабышлары оештыруны гадәткә керткәннәр. Аннан соң инде, башка уеннар да өстәлеп, тулы Сабан туе үткәрелә башлаган. Быел менә бөтен Пенза өлкәсе халкы бер булып, Бөтенроссия авыл Сабан туен да оештырдылар. Өлкәнең 13 районында татарлар күпләп яши, аларның һәркайсы аерым мәйданда үзләренең яшәү, көнкүреш үзенчәлекләрен күрсәттеләр. Татарстан башкалар өчен Кукмара районы мисалында ачылды.

Реклама

Татарстан Президенты Рөстәм Миңнеханов, Пенза өлкәсе губернаторы Иван Белозерцев, һәр ишегалдында кунак булып, күргәзмәләр белән танышып чыктылар.



Зур кунаклар буш кул белән килмәгән. Иван Белозерцев ат чабышында җиңүчегә «Нива» машинасы бирәчәген җиткерде.
Алгарак китеп әйтик, әлеге бүләккә Урта Әләзән фермеры - 17 елдан артык атлар асраучы Хафиз Янгуразов ия булды. Аның биш чабышкысы бар, Сабан туена шуларның икесе чыкты. Җайдак фермер Татарстанда, Сарытау, Түбән Новгородта уза торган ат чабышларында да даими катнаша икән. Моңарчы бу тиклем зур бүләк алганы булмаган. Алты заездда да беренче урыннар өчен 50 мең сумлык премия билгеләнгән иде.



Татарстан Президентының махсус бүләге - «Лада Гранта» автомобиле VIII Бөтенроссия авыл Сабан туеның абсолют батыры - Мари Эл егете, танылган көрәшче Муса Галләмовка тапшырылды. Рөстәм Миңнеханов шулай ук Пенза татарларына Ford микроавтобусы ачкычын да тапшырды.
Татарстанның халык артисты Зөһрә Сәхабиева, Рөстәм Закиров, Татарстанның атказанган артисты Рөстәм Асаев, «Казан» бию ансамбле чыгышлары да Татарстан сәламе булып яңгырады. Артистларны якыннан күрү, алар белән аралашу читтә яшәүче татарлар өчен үзе бер куаныч. Чит төбәкләрдән килүчеләр арасында да, кыска гына вакыт эчендә үз тамашачысын табып, мәйданның бизәгенә әйләнгән үзешчәннәр булды. Төмән өлкәсенең Муллаш авылыннан килгән «Пышны» җыр һәм бию ансамбле егетләре чыгышы һәммәбезне сокландырды.

- Әләзәндә булганыбыз юк иде. Әкәмәт төбәк икән. Без Федераль Сабан туйларында еш булабыз, концертларда катнашабыз. Казан үзе дә кайнап тора, бөтен дөньяны да «кайната», без дә аңардан калышмаска тырышабыз. Татарстан башкаласы - безнең мәркәзебез, без аңа таянабыз, - ди ансамбльнең җитәкчесе Җәгъфәр Касыймов.
Аның әтисе тумышы белән Удмуртиянең Глазово районы Кече Парҗы авылыннан.



- Әти Себергә эшкә киткән. Әнием - себер татары. Унбер бала үстек. Үземнең алты балам, биш оныгым бар. Гаиләбездә телне, гореф-гадәтләрне саклап яшибез. Әтием: «Үз милләтебез кешесе белән генә никахлашыгыз», - дип әйтә иде, шуңа күрәдер бездә башка милләтләр белән гаилә кору очраклары булмады. Өйдә дә гел татарча сөйләшү гадәтләнелде. Урта Әләзән авылында да мин татарларның үз милләтенә, гореф-гадәтләренә хөрмәт белән каравын күрдем, - ди ул.
Оештыручыларны, кунакларны табигать тә хөрмәтләде. Ходайның рәхмәтләре белән, яңгыр яумады. Быелгы ел өчен монысы да бик мөһим. Киләсе елда X Бөтенроссия авыл Сабан туе Курган өлкәсенең Әлмән районының Әлмән авылында узачак. Сабан туе билгесен урта әләзәнлеләр Курган өлкәсе вәкилләренә тапшырды.


Шамил Абдюшев һәм Зөлфия Хәлиуллина фотолары

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    336
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    706
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    354
    2
    2