Шәһри Казан

Рөстәм Миңнеханов инвесторларны Татарстанга чакыра

ТР Президенты дөньяда иң зурлардан саналган инвестиция форумында катнашучыларга видеомөрәҗәгать белән чыкты. Татарстан – Россиянең әйдәп баручы инновацион төбәкләреннән берсе, республикада инвесторлар өчен нәтиҗәле инфраструктура булдырылган.

Татарстан Республикасы Президенты Рөстәм Миңнеханов Дубай инвестиция форумында катнашучыларга юлланган видеокотлавында шулай дип белдерде.

«Республикабызда инвесторлар өчен махсус икътисади зоналар, өстенлекле социаль-икътисади үсеш территорияләре, технопарклар, сәнәгать парклары, бизнес-инкубаторлар, технополисларның ишекләре ачык. Салым, таможня һәм коммерция ташламалары булдырылган. Безнең инвесторлар кадрлар, куәтле чимал базасы һәм уңайлы инфраструктура белән тәэмин ителгән», - диде Миңнеханов.

ТР Президенты билгеләп үткәнчә, Дубай форумында катнашучылар Татарстанда үткәрелә торган «Россия – Ислам дөньясы: Kazan Summit» халыкара икътисади саммиты белән дә таныш. «Хөрмәтле ханымнар һәм әфәнделәр, безнең республика хезмәттәшлек өчен ачык. Безнең тәҗрибә һәм потенциал белән шәхсән танышу өчен сезне Татарстанга чакырам», - дип искәртте Миңнеханов.

Реклама

Республика Президенты билгеләп үткәнчә, Татарстан Дубай форумында аңа нигез салынганнан алып – 2011 елдан бирле катнаша. «Бу республиканың инвестицион мөмкинлекләрен тәкъдим итү, чит ил партнерлары белән үзара тәҗрибә алмашу, яңа элемтәләрне җайга салу өчен менә дигән мәйданчык», - дигән фикерләре белән уртаклашты ТР Президенты.

Бүген Дубайда традицион инвестицион форум ачылды. Ул быел коронавирус пандемиясе аркасында дистанцион форматта уза.

Чыганак: http://tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: