Шәһри Казан

«Сабантуйга әйбәтрәк бүләк бирегез әле, ә?!»

Шушы көннәрдә интернетта бер татар авылында Сабан туе уңаеннан эленгән игъланның фотосы барлыкка килде. Анда «Соңгы елларда чүпрәк-ситсалар хуҗалыкта кулланылмау сәбәпле авылдашлардан бүләкләрне уенда катнашучыларны бүләкләрлек итеп» бирүләрен сораганнар.

Реклама

Мисалга хуҗалык товарларын китергәннәр. Әлеге игълан бик күпләрдә бәхәс тә уятты. Күбесе аны гореф-гадәтләр югала баруга юрады. Ә сез ничек уйлыйсыз?

Фәнзилә Җәүһәрова, Татарстанның традицион мәдәниятне үстерү дәүләт үзәге җитәкчесе:

- Мин моңа хәзерге җәмгыятьнең бер ихтыяҗы дип кенә карыйм. Анда бернинди дә проблема күрмим. Гореф-гадәтләр югала дип тә әйтә алмыйм. Элек Сабантуйларда бүләккә туку станокларында тукылган сөлгеләр биргәннәр. ХХ гасыр башларында ул бик затлы бүләк саналган. Хәзер дә бар андый сөлгеләр, алар, бердән, бик озак тукыла, икенчедән, чын табигый тукыма булганлыктан, кыйммәт тора. 50-60нчы елларда аның урынына метрлы тукымалар бирелә башлады. Элек бик тә яраган, ул вакытта киемнәрне тектереп кигәннәр. Хәзер тегүчеләре дә калмады инде. Акрынлап аларга да ихтыяҗ бетте, шуннан Сабан туйларына яулыклар бирә башладылар. Бала чагымда, хәтерлим, ялгыз карчыклар оеклар да бирә иде. Бер бүләкнең икенчесенә алыштырыла баруы - табигый күренеш. Мин үзем дә, авылга Сабан туена кайтканда, савыт-саба алып кайтам. Бәйрәм алдыннан туганнар үзара кемнең нәрсә алып кайтачагын сөйләшә. Берсе - диван җәймәсе, берсе - мендәр, берсе микродулкынлы мич алып кайта. Мондый бүләкләрне бирү дә, алу да күңелле. Әниебез дә бәйрәм ахырына кадәр мәйданда кала, безнең бүләкләрне кемгә бирделәр икән дип кызыксынып карап утыра. Сабан туйлары алдыннан без мәдәният хезмәткәрләре өчен семинар уздырабыз. Алар, халык сандык төбеннән үлемтеккә дип салып куйган нафталин исе килеп торган чүпрәк-чапрак, яулыкларын бирәләр, аларны бәйрәмдә таратып булмый, бүләккә биргәч тә, аларны кире безгә калдырып китәләр, дип зарланалар. Мин аларны, бер дә аптырамагыз, бу әйберләрне сез төрле чаралар уздырганда куллана аласыз, дип тынычландырам. Спектакль куйганда да, күргәзмәләр эшләгәндә дә, шул ук Сабан туена сөлге бәйли торган колга башына да бәйләп куеп була бит аларны. Кыскасы, чүпрәк-чапрак урынына башка бүләк сорауларына бер дә аптырарга кирәкми. Бүләге үзгәрсә үзгәрсен, эчтәлеге үзгәрмәсен. Иң мөһиме - чигелгән чын сөлге бүләк итү традициясе яшәсен иде.

Рәфилә Һадиева, Балтач, Арбор:

- Безнең авылда яулыкны күптән бирмиләр инде. Авыл халкы бик юмарт - бүләк итеп таратырга ирләр күлмәге, футболкалар, зур сөлгеләр бирәләр. Балаларга махсус уенчыклар әзерләп куялар. Әрәпә җыю бик күңелле үтә. Авылдашыбыз Әкълимә Хәбибуллина шул көнгә дип махсус компот кайната, коймаклар, тәмле ризыклар пешерә. Бүләк җыярга килүчеләрне капка төбендә сыйлый. Һәр капка төбендә диярлек балаларга конфет тараталар. Авыл эшмәкәрләре бәйрәмгә аерым зур бүләкләр әзерли. Төрле эш кораллары, көнкүреш техникасы алып куялар. Ул көнне кич белән балалар өчен Сабан туе уза. Төп бәйрәм көнне дә иртән балалар һәр йорт саен кереп йөри, аларга тәмле ризыклар бирәләр.

Вәсилә Галиева, Саба, Иләбәр:

- Чүпрәк-чапрак би­рү гадәте бездә әле дә сакланган. Сөлге җыйганда колга башына бәйләп кую өчен аларның кирәге чыга - буш колга белән йөреп булмый бит. Уеннарда җиңүчеләр өчен, әлбәттә, савыт-саба, көнкүреш техникасы бирү күңеллерәк. Кемдер - урын-җир кирәк-ярагын, кемдер чынаяклар бирә. Күрше авылларда акча белән дә бирәләр дип ишеттек. Анда һәр кеше диярлек акча биргән. Бүләкләре дә бик яхшы булган, дип сөйләделәр. Һәркемнең әйбәт бүләк аласы килә шул.

Теги: 250
Нравится
Поделиться:
Реклама
Комментарии (0)
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    280
    0
    0
  • 23 май 2018 - 14:59
    Гөлназ АСАЕВА: «Булачак иремне ике әтиемә дә охшатып сайлыйм» Гөлназ АСАЕВА – моңлы тавышлы яшь җырчы. 16 яшеннән бирле ялгызы гына концертлар куя. Сәхнәдә ул тыйнаклыгы һәм бай репертуары белән аерылып тора.
    668
    0
    4
  • 23 май 2018 - 14:47
    Доктор Комаровский: «Картлыгыңда 20 оныгың булганчы, бер бабаең булсачы» Кичә Казанда танылган табиб Олег Комаровский булып китте. Ул ике көн дәвамында семинар уздырды, әти-әниләрне кызыксындырган сорауларга җавап бирде, балалар сәламәтлеге турында сөйләде. Доктор Комаровскийның киңәшләрен “ШК” сатында биреп барырбыз.
    208
    0
    1
  • 23 май 2018 - 14:33
    Нут ашы пешерү ЫСУЛЫ Аның өчен 4 литр суга 400 гр фарш, 1 стакан нут, 3 бәрәңге, 1 кишер, 1 суган, 3 тырнак сарымсак, 1 болгар борычы, 2 аш кашыгы томат пастасы, үсемлек мае, тоз, борыч кирәк.
    104
    0
    0
  • 23 май 2018 - 14:18
    Илфак Шиһаповның кызы Зәринә: «Мин – Сөембикәнең җанатары» Бу көннәрдә Саба районының Сатыш авылындагы фермада булырга туры килде. Шунда, очраклы гына дисәм дә була, бер абзый белән таныштым. Ул Юлбат авылының тарих укытучысы Илдар Сафин булып чыкты. Шул ферманың бер амбарында аның аты тора икән.
    198
    0
    2
  • 23 май 2018 - 13:44
    «Репетицияләргә йөри-йөри бер дә сөйләшми торган балабыз сөйләшә башлады» Хыялга юл. Камал театрының зур залында Баулының нәни артистлары күрсәткән сәхнә күренеше нәкъ менә шулай дип атала. Хыял чынбарлык булсын өчен күпме сабырлык, тырышлык, үҗәтлек кирәк.
    108
    0
    0
  • 23 май 2018 - 13:00
    Өйдә тортлар пешереп, аларны социаль челтәрләр аша саткан декреттагы әниләргә Президент ярдәм итәргә җыена Татарстан Президенты каршындагы Эшмәкәрлек советы республикадагы үзмәшгульлек белән кызыксына башлаган. Бу хакта Татарстанның бизнес-омбудсмены Тимур Ногманов үзенең Инстаграм битендә хәбәр итә.
    141
    0
    0
  • 23 май 2018 - 10:26
    «Тели белсәң – теләк, тели белмәсәң – имгәк» Бергә эшли торган иптәш хатыным: «Ялга чыксам эшләмим, оныкларымны гына сөеп ятам», – ди торган иде.
    304
    0
    0
  • 23 май 2018 - 10:21
    Габделбәр Илдарханов: «Урман сукмакларыннан гел узсаң да, адаштыра да, авырганда дәвалый да» Кызыл Яшьләр авылы бик матур урында, урман янында утыра. Авыл урамында нарат, агач исе... Биредә Лаеш урманчылыгының Питрәч участок урманчылыгы урнашкан.
    97
    0
    1
  • 22 май 2018 - 17:26
    «Һәр гаилә үз законнарын яза» Татарстан Дәүләт Советында узган матбугат конференциясендә парламент башлыгы урынбасары, «Мәрхәмәт» хатын-кыз депутатлар берләшмәсе җитәкчесе Татьяна Ларионова хәбәр иткәнчә, быелдан инвалид балаларны уллыкка алган гаиләләргә 200әр мең сум акча бирелә башлады. Әлеге вакытта бу ярдәмнән сигез гаилә файдаланган.
    207
    0
    0
  • 22 май 2018 - 15:57
    «Татар кызчыгы – 2018» бәйгесе җиңүчесе кем? «Алтыда нинди, алтмышта – шундый», – ди халык. Димәк, тәрбияне дә, белемне дә кечкенәдән бирергә, әдәп-әхлакка, йолаларга, гореф-гадәтләргә, милли моңнарга мәхәббәтне дә сабый чактан сеңдерергә кирәк. Быел гына яңадан оешып, гөрләтеп эшләп киткән Бөтендөнья татар хатын-кызлары «Ак калфак» иҗтимагый оешмасының Казан бүлеге активистлары да нәкъ шул максатны күздә тотып оештырдылар «Татар кызчыгы – 2018» бәйгесен. Беренче тапкыр гына үтсә дә, «коймак» төерле булмады.
    244
    0
    0
  • 22 май 2018 - 14:44
    Даниярга аякка басарга ярдәм итегез! 28 апрель – Мөхетдиновлар өчен авыр көн. Берничә ел элек шул көнне әбиләре вафат булган, 2016 елда Алсу бала тудыру йортына сабыен табарга киткәч, бабайлары бакыйлыкка күчкән.
    268
    0
    1
Реклама
  • 17 май 2018 - 11:28
    Өй салуның ние бар? - 2
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
Соңгы комментарийлар
Интервью
  • 23 май 2018 - 10:54
    Кәгазе яңача булса да, түләве искечә калачак
    Россия халкы 1 июньнән торак-коммуналь хезмәтләр өчен яңа квитанцияләр алачак. Әлеге яңа түләү кәгазьләре искесеннән нәрсә белән аерыла һәм анда төп игътибарны нәрсәгә юнәлтәчәкләр?
    125
    0
    1
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    280
    0
    0
Ночной режим