Шәһри Казан

Сервалга исем кирәк

Казанның зооботаника бакчасында үзенчәлекле «исем туе» үткәрергә җыеналар. Биредә дөньяга килгән сервал баласына исем кирәк. Ата сервалны Шәех, ә җәнлек баласының әнисен Таис дип йөртәләр биредә. Шуннан чыгып караганда, балага кушыласы исем дә «Ш» хәрефеннән башланырга тиеш икән. Әле исемнең уртасында «Т» хәрефе керергә тиешлеген дә онытырга ярамый. 25 июньдә...

Реклама

Казанның зооботаника бакчасында үзенчәлекле «исем туе» үткәрергә җыеналар. Биредә дөньяга килгән сервал баласына исем кирәк. Ата сервалны Шәех, ә җәнлек баласының әнисен Таис дип йөртәләр биредә. Шуннан чыгып караганда, балага кушыласы исем дә «Ш» хәрефеннән башланырга тиеш икән. Әле исемнең уртасында «Т» хәрефе керергә тиешлеген дә онытырга ярамый. 25 июньдә дөньяга килгән бу нәни сервал башта бик актив булган, күзләре дә 3-4 көн дигәндә ачылып беткән аның. Әмма тора-бара баланың хәле начарланып киткән. Әнисенең тынгысызланып аны бер урыннан икенчесенә күчергәләп йөрүен күргән хезмәткәрләр баланы тикшереп карарга кирәк дигән фикергә килгәннәр. Ярый тикшергәннәр әле... Баланың муенына чәйнәп ташланган баллы сагыз ябышкан икән. Аны әнисеннән көч-хәл белән аерып, сагызны алып ташлаганнар. Баласыннан әллә нинди химик әйбер исе килгәнен сизгән ана кеше аны ашатудан баш тарткан булган икән. Нәни сервал шуңа күрә хәлсезләнгән дә. «Ерткыч хайваннар» бүлеге хезмәткәрләренең аның тормышын саклап калу өчен көн-төн тырышканнары бушка китмәгән - җәнлек матур булып үсеп килә. Аны кешеләр күзенә күрсәтергә дә була хәзер. Исем сайларга да вакыт, димәк.
Сүз уңаеннан, зоопарк көзге эш режимына күчә. Ул хәзер бер сәгатькә алданрак ябылачак. 17 сентябрьдән 17 октябрьгә кадәр зоопарк 8.30 сәгатьтән 18.00 сәгатькә кадәр ачык булачак. Билетларны сату исә 17.00 сәгатьтә туктатыла. Хәзерге вакытта биредә кышка әзерлек эшләре бара: хайваннар өчен җылы вольерлар әзерләнә, суганчалы үсемлекләрне казып алып, саклауга куялар.

Теги: 250
Нравится
Поделиться:
Реклама
Комментарии (0)
Осталось символов: