Шәһри Казан

Татарстан нефтенә – 70 ел

«Татнефть» ААҖ Татарстан Республикасының профессиональ рәссамнары арасында Татарстан нефтенең 70 еллыгына багышланган бәйге игълан итә

Реклама

БӘЙГЕНЕҢ МАКСАТЛАРЫ:
- бу тармакка нигез салган беренче нефтьчеләрнең истәлекләрен мәңгеләштерү;
- нефть темасын беренче урынга куйган 50-60 нчы еллар рәссамнарының традицияләрен дәвам иттерү;
- бүгенге заман нефтьчесе образын чагылдыру;
- үсеп килүче буында нефтьче һөнәренә кызыксыну һәм хөрмәт тәрбияләү, Татарстанның профессиональ рәссамнарының нефть чыгару тарихын һәм «Татнефть» компаниясенең бүгенге көнен чагылдыруда иҗади уңышларын күрсәтү;
- классик рәсем сәнгатенең иң яхшы традицияләрендә эшләүче рәссамнарга ярдәм күрсәтү.
КАТНАШУ ШАРТЛАРЫ:
Бәйгегә җибәрелгән эшләр өч номинациядә кабул ителә:
- буяу кулланып ясалган рәсемнәр (нефть чыгару тарихы турында сөйләүче сюжетлы-тематик полотнолар, портрет, эпик пейзаж);
- графика (жанрлы, портрет);
- декоратив-гамәли сәнгать.
БӘЙГЕ ИКЕ ЭТАПТА УЗДЫРЫЛА:
1 нче этап - эшләрнең эскизлары электрон рәвештә 29 мартка кадәр кабул ителә. Җиңүчеләр икенче этапта катнашу мөмкинлегенә ия булалар, аларга бу хакта оештыру комитеты тарафыннан 5 апрельгә кадәр хәбәр ителә.
2 нче этап - тәмамланган эшләр 28 июньгә кадәр тапшырылып бетә.
Бәйгедә катнашучыларның эшләре махсус бастырылган каталогта һәм 2013 елның август-сентябрь айларында булачак күргәзмәдә урын алачак. Номинацияләрнең җиңүчеләре һәм призерлары акчалата бүләкләнәчәк. Бәйге нәтиҗәләре буенча «Татнефть» ДК предприятиеләре катнашучыларның эшләрен сатып алырга да мөмкин.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: