Шәһри Казан

Татарстанда беренче тапкыр Мәүлид кичәсе зурлап уздырылды

Бу дүшәмбедә мөфтиебез Илдус хәзрәт Фәйз янә үзе эшләп киткән Кәрим Тинчурин исемендәге Татар дәүләт драма һәм комедия театры сәхнәсенә менде. Республикабызда ай дәвамында үткәрелгән Мәүлид кичәләрен, ягъни Мөхәммәд Пәйгамбәрнең (с.г.в.) туган көненә багышланган бәйрәмне шул рәвешле йомгаклады ул.

ТР Мөселманнары диния нәзарәте оештырган әлеге чараның мәртәбәле кунаклары арасында Президентыбыз Рөстәм Миңнеханов белән Россиянең Баш мөфтие, Үзәк Диния нәзарәте рәисе Тәлгать Таҗетдин да бар иде.
Мәүлид татар мәкаме белән Коръән аятьләре уку, Мөхәммәд Пәйгамбәр (с.г.в.) турында документаль фильм күрсәтү белән башланып китте. Әлеге чараны «Болгар» радиосының баш мөхәррире Илнур Фәйзрахманов алып барды. Илдус хәзрәт Фәйз: «Мәүлид укыган вакытта илдә бәрәкәт, иминлек хөкем сөрә. Рөстәм Нургали улының Мәүлидкә килүе бәйрәмебезне шәрифләде, ямьләде», - диде үз чыгышында.
Илдус хәзрәттән соң сәхнәгә Үзәк Диния нәзарәте рәисе Тәлгать Таҗетдин күтәрелде: «Кайберәүләр бу бәйрәмне бидгать, диндә яңалык дип санап ялгыша. Безнең монда килүебезнең сәбәбе - Мөхәммәд Пәйгамбәргә (с.г.в.) гыйбадәт кылу түгел, ә аңа мәхәббәтебезне белдерү. Безнең белән догада Президентыбызның да катнашуы халык белән дәүләт бер булуын аңлата», - диде ул.
Мәүлид кичәсендә шулай ук Татарстанның танылган имамнары, вәгазьчеләре чыгыш ясады. Тамашачылар каршында җырчы Зөһрә Сәхабиева, ИлСаф, Мәликә, «Зө-Ләй-Лә» триосы һ.б. яшь башкаручылар, ансамбльләр үзләренең дини җырларын, мөнәҗәтләрен тәкъдим итте.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1160
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    551
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    408
    0
    0
Ночной режим