Шәһри Казан

Яхшылык эшлә дә...

Габдулла Тукай исемендәге Татар дәүләт филармониясе бакчасында филармония коллективларының хәйрия концертлары инде традициягә әйләнгән, аларның саны дистәгә җитә. Концертлар вакытында җыелган акчалар ел да адреслы һәм бернинди дә фондлар исәбенә түгел, ә мохтаҗларның үз кулларына тапшырыла.

Быел филармония паркында ике хәйрия концерты узды. 20 июньдә паркта Россиянең халык артисты, Габдулла Тукай исемендәге Дәүләт премиясе лауреаты Анатолий Шутиков җитәкчелегендәге халык уен кораллары оркестры чыгыш ясады. Программа төрле таләпле һәм зәвыклы тамашачылар күңеленә хуш килерлек иде: классик музыка да, рус һәм татар композиторларының популяр әсәрләре дә яңгырады. Концерт вакытында җыелган акча ДЦП авырулы 14 яшьлек Саша Мозаффаров гаиләсенә тапшырылды. Сашада - авыруның катлаулы формасы. Ул тулаем кеше ярдәменә мохтаҗ, мөстәкыйль рәвештә йөри дә, башка хаҗәтләрен дә үти алмый. Гаилә төрле-төрле хәйрия фондларында теркәлгән. Шунсыз, үз көче белән генә, гаилә һәрдаим кирәк ярдәмне баласына күрсәтә дә алмас иде. Сашага дәва да кирәк, коляскасы да күптән кечерәйгән.

Концертка Мозаффаровлар бөтен гаиләләре белән килделәр. Сәхнәдән үз исеме яңгыраганда, Сашаның куанулары, музыка тыңлап шатланулары... Музыканың үз дәва көче бар шул. Бу гаилә өчен ул кичне 35050 сум акча җыелды.

Реклама

27 июньдә бакча уртасында көйләнгән хәйрия сәхнәсенең хуҗалары - Татарстан Республикасы филармония джаз оркестры музыкантлары һәм танылган җырчылар булды. Бу кичтә татар, инглиз, рус телләрендә джаз хитлары яңгырады. Концерт вакытында җыелган акча ДЦП авырулы җиде яшьлек Әнисә Гариповага дип тәгаенләнде. Кызның әнисе Айгөл Әнисәне ялгызы үстерә, өстәвенә ипотека түли. Баланы реабилитация үзәгендә бер курс дәвалау өчен 35000 сумга якын акча кирәк икән, ә курслар бер елга дүрткә җитә. Әнисә - актив тормыш белән яши торган бала, быел мәктәпкә барырга җыена. Ат спорты белән шөгыльләнә икән.Әнисә өчен горур бахбайларның да дәва көче бардыр.

Оркестрның җитәкчесе, Россиянең атказанган, Татарстанның халык артисты Лидия Әхмәтованың активлыгы нәтиҗәсендә, Әнисә өчен акча алдан ук - концерт көне җиткәнче җыела башлаган. Гает көннәрендә кызның әнисе Айгөлнең исәп-хисап счетына 2800 сум акча килгән. Концерт вакытында оркестр музыкантларыннан, тамашачылардан, филармония хезмәткәрләреннән махсус тартмага салынган акчаны да кушкач, гаилә өчен барлыгы 36650 сум җыелды.

Филармония бакчасы ачык һавада концертлар уздырырга үзе үк чакырып тора ул. Элегрәк, без студент булып, әлеге паркта «татарча пятачок»лар оештырып йөргән заманнарда, биредә әле «Эстрада» дип аталган кечкенә генә стационар сәхнә дә бар иде. Биредә коляска этеп, балаларын җитәкләп яшь әниләр йөри, өлкән яшьтәге апалар һәм абыйлар ял итә, яшьләр дә күп. Лепер-лепер килеп юкәләр сөйләшә, яшь чыршылар күркәгә чәчәкләнгән, аллы-гөлле чәчәкләр күзне иркәли. Биредә яхшылык эшлисе килә. Тимер ишекләр, калын диварлы фатирлардан чык та яхшылык эшлә, мохтаҗларга ярдәм ит йә булмаса бары яхшылык кына уйлап йөр. Ихластан кылынган хәйрия, ихлас уйның кемгә дә булса барыбер ярдәме тия...

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    319
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    450
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    816
    0
    2
  • 24 февраля 2018 в 13:17
    «Алкаш ясыйсыз бит инде...»  Элегрәк булган бу хәл. Әле татарлар эчү белән хәзерге замандагы кебек бик нык мавыкмаган чакларда булган, диләр.
    12
    0
    0