Шәһри Казан

Юныс Әхмәтҗанов: «Пешекче ул – артист та, табиб та, рәссам да» (ФОТОРЕПОРТАЖ)

«Казан» ипподромында, атаклы аш-су остасы Юныс Әхмәтҗановның 90 еллыгына багышлап, халыкара кулинария бәйгесе уза. Анда аш-су пешерүчеләр милли ризыкларны әзерләү буенча һөнәри осталыкта ярыша. Бәйгене Казан һәм Татарстанның рестораторлар һәм отельерлар ассоциациясе, Бөтендөнья татар конгрессы һәм Казан мэриясе оештырган.

Бәйге ачылышында Юныс Әхмәтҗановның кызы - мастер-кондитер Фәридә Давыдова да бар иде.
- Бик күп бәйгеләрне күргәнем, анда катнашканым бар. Әмма монысында үзем катнашмасам да, аеруча дулкынланам. Әтием белән бик горурланам. Ул мине үз һөнәренең дәвамчысы итеп күрергә теләде. Үзем дә, улым да аның эшен дәвам итәбез. Әтинең әнисе, дәү әниебез - Зәйнәп тә аш-суга бик оста булган. Әтиебез унбиш яшендә завод ашханәсендә эшли башлаган. Бөтен гомере аш-су тирәсендә узды. Өйдә бик сирәк булды, көне-төне эштә буды. Авылдан авылга йөреп, татар ашлары рецептларын җыйды. Оста пешерүчеләрне бик хөрмәт итте, алар белән күрешеп, рецептларын язып ала иде. Ул язган китап һәр өйдә булды, аны Казан урамында танып, килеп эндәшәләр иде. Татар халкы бик борынгыдан ук аш-суга оста булган, шөкер, традицияләр дәвам итә, - ди ул.

Татар милли аш-суның сыйфатын күтәрү, аларны популярлаштыру, әзерләү осталыгына караган идеяләрне киң җәмәгатьчелеккә таныту максатыннан оештырылган чарада Пензадан килгән татар диаспоралары вәкилләре дә көч сынаша.

Пенза өлкәсенең "Ак калфак" оешмасы җитәкчесе Эльмира Васильева сүзләренчә, Татарстаннан читтә яшәсәләр дә, алар татар халкының гореф-гадәтләрен, йолаларын сакларга тырыша.
- Татар ашлары бездә дә бик популяр. Аларны башка милләт вәкилләре дә яратып ашый. Бүген исә жюрига өй токмачы, кияү пилмәне, пәрәмәч, кабак бәлеше һәм торт пешереп күрсәтәбез. Бездә пилмәннең формасы аз гына башкачарак, ул тамчыга охшаган, - ди ул.

Бәйгедә һөнәри уку йортларында укучы яшьләр дә күп иде. В.Г.Тимирясов исемендәге Казан инновацион университеты ректоры Асия Тимирясова да туризмның үсеше кайбер һөнәрләрнең популярлашуына, шул исәптән пешекче булырга теләүчеләрнең саны артуын билгеләп үтте.
- Пешекче һөнәренә кимсетеп карарга кирәкми, бу бик җаваплы һөнәр. Юныс Әхмәтҗанов та бит: «Пешекче ул - артист та, табиб та, кеше сәламәтлеге аның осталыгыннан да тора», - дип әйтә торган булган, - ди ул.

Аның сүзләрен жюри рәисе - аш-су остасы Резеда Хөсәенова да аның сүзләрен җөпләде.
- Элек пешекче һөнәрен үзләштерергә икелегә-өчлегә укыган балалар килә иде, бүген исә башкача. Югары әзерлекле, чын пешекче булам дип килүче яшьләр күп. Берара - 90 нчы елларда татар ризыкларын тәкъдим итүче ресторан-кафелар да калмаган иде. Ә бүген татар өчпочмагын, чәкчәген таныту өстендә күпме эш бара. Моны күреп торган яшьләр дә һөнәри уку йортларына тартыла. Әлеге бәйгеләр нәкъ менә яшьләр өчен бер стимул булып тора, - ди ул.
Татарстанның рестораторлар һәм отельерлар ассоциациясе башкарма директоры Галина Шәрәфетдинова да әлеге чараны үстереп, киләчәктә аның билгеле бер көнен булдырып, вакыйга туризмы итеп күрсәтергәдер, бәлки, дигән фикердә тора.

***
Роберт Миңнуллин, Татарстанның халык шагыйре, «Татар гаиләсе» бөтенроссия иҗтимагый фонды рәисе:
- Халыктан күтәрелгән ике бөек кешене беләм мин, аның берсе Әсгать Галимҗанов, икенчесе - Юныс Әхмәтҗанов. Юныс абый генерал да, министр да, популяр җырчы да түгел, гап-гади бер аш-су остасы иде, шуның белән танылды да. Бөтен гомерен татар кухнясына багышлаган кеше ул. Үз өлкәсендә Юныс абыйны халык академигы дип тә әйтергә була. Татар ашларын тәртипкә китереп, китап итеп бастырып, аны халыкка җиткерде. 70-80 елларда ул Казанда иң билгеле кеше булды. Кайсы гына газетаны ачсаң да, аның турындагы мәкаләне күреп була иде. Казанга зур кунаклар килә калса, ризыкларны аш-су остасы йөзне кызартмаслык итеп әзерли белде. Ә үзе Татарстан Президенты Рөстәм Миңнехановның әнисе Вәсига апаның коймакларын ашарга яраткан. Юныс абый белән Нургали абый дуслар булган. Юныс абый аларда еш кунак булган. Ул алдан ук шалтыратып, сезгә кунакка киләм, дия торган булган, Вәсига апа коймак пешереп торган. Юныс абый һәрвакыт, мин бик күп тәмле әйберләр пешерә беләм, әмма синең коймагың кебекне пешерә алганым юк әле, дип әйтә торган булган. Кызганыч, 90 елларда без аның турында онытып тордык. Киләчәктә аның исемен берәр урамга биреп, бюстын да ясатып куярга иде. Без аны онытмаска тиешбез. Әлеге уңайдан мин ике телдә «Тәмле ашлар җырчысы: Юныс Әхмәтҗанов» дигән китап чыгардым.

Реклама

***
Пешекче - ул артист, кунагының күңелен табу өчен, аңа, нәкъ сәхнәдәгечә, сәнгать остасы булырга туры килә. Йөзеңдә һәрчак елмаю. Усалланып йөрүче кеше тәмле аш пешерә белми ул.
Пешекче - табиб. Аңа кешенең сәламәтлеге тапшырылган.
Пешекче - рәссам. Аның ашы тәмле генә түгел, бик матур да булырга тиеш. Пешекче философ та, педагог та, сәгатьләр буе утлы плитә янында торучы металлург та.

Юныс Әхмәтҗанов

Илдар Мөхәммәтҗанов фотолары


Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    348
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    729
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    361
    2
    2