Шәһри Казан

10 ел элек улын үтерүчеләр турында Рәмзия ханым: «Вәхшиләрнең икесе иреккә дә чыккан. Исәннәр кайта, минем генә балам кире кайтмый»

Түбән Камада яшәүче сыйныфташым Рәмзиянең авырганын ишеткәч, хәлен белешергә дип шалтыраттым. Хәленең бик яхшы булмавы тавышыннан ук аңлашылды. Авырып урын өстендә ята икән. Узган ел йөрәгенә операция ясаткан.

Реклама

- Әй, бетерде бу бала хәсрәте мине. Шушы айда Рамилнең гүр иясе булуына - ун ел. Һаман исләремнән чыкмый бит, - диде ул, авыр сулап. - Ирем Илсур да әле берничә ай элек кенә операция кичерде. Икебез дә ярдәмгә мохтаҗ булып калдык хәзер. Теге вәхшиләр түләргә тиешле 300 мең сум акчаларын да ун ел буе түләмәделәр. Кабат суд юлларында йөрергә мөмкинлегебез дә юк.

...Әлеге күңелсез вакыйга кабат хәтердә яңарды. 2007 елның 11 февралендә уллары Рамил, сөйгән кызы Гөлназны алырга дип, Алабуга районына китә. Алабугага барып җитү белән, өйдәгеләргә шалтырата. Тик әйләнеп кайтмыйлар, телефоны да җавап бирми. Әти-әнисе борчыла башлый, аннары, Чаллыдагы туганнарына кереп кунганнардыр дип, үзләрен тынычландырыр­га тырышалар. Икенче көнне кич эштән кайтышына Рәмзияне милиция хезмәткәрләре каршы ала.
Әни кешене тиз генә юатырга мөмкин булмый ул мизгелләрдә. Шуңа күрә сорау­ларга җавапларны да, нигездә, кызлары Лилия бирә. Егет белән кызның юкка ­чыгуы турында хәбәр яшен тизлегендә бөтен тирә-юньгә таралып өлгерә.

Яшьләр, Алабуга борылышыннан олы юлга чыкканда машиналарын туктатып, бераз сөйләшеп утыралар. Шул чагында әзмәвердәй берничә ир заты килеп, аларга машинадан чыгарга куша. Рамил, бу билгесез бәндәләрнең явызлык кылырга маташуларын сизеп: «Егетләр, машинаны алыгыз. Зинһар, безгә генә тимәгез!» - дип ялвара. Бу сүзләр вәхшиләрнең колагына да керми. Алар егетне кыйнап, кулларын бәйләп, машина багажнигына салалар да, ун чакрым чамасы юл үткәч, урман эченә алып кереп үтерәләр һәм шунда ташлап калдыралар. Бу вакытта Гөлназ юл читендәге машинада сак астында була. Ул Рамилне исән калгандыр дип уйлый. Үзен исә башка якка алып китеп җәзалыйлар, алтын бизәнү әйберләрен салдыралар һәм күпердән ыргыталар. (Шул вәхшиләрнең берсе ул алкаларны алып кайтып кызының колак­ларына кидерә.) Үлүенә инану өчен, кызга өстән берничә мәртәбә аталар да әле, әмма тидерә алмыйлар.

Кабат янына төшеп, кулларын бәйләп, бозга таба төрткәләп җибәрәләр дә өстенә кар өеп китеп баралар. Әле дә ярый аңын җуймый кыз. Машина кузгалып китүгә, ничек кирәк алай аякка басып, үз авылын эзләп китә. Кышкы көндә бер кат күлмәктән, яланбаш килеш ун чакрым чамасы юл үтә ул. Кайтып җиткәндә, үз авылларын танымыйча, кире борыла. Икенче бер авылда аталы-уллы яшәп ятучыларга килеп кергәч, Гөлназга чәйләр эчертеп, җылы әйберләр бирәләр һәм әти-әнисенә хәбәр итәләр. Гөлназның аяклары өши. Аны ике ай буе хастаханәдә дәвалыйлар. Егетенең үлеме хакында да шунда ишетә. Милиция хезмәткәрләре аның сүзләре буенча мәетне табып алалар.

Күп җинаятьләр кылган бу вәхши затларның берсе 25 елга, икенчесе - 23, өченчесе - 17, калганнары азрак вакытка ирекләреннән мәхрүм ителә. «Инде икесе иреккә дә чыккан. Исәннәр кайта. Минем генә балам кире кайтмый», - ди Рәмзия, күз яшьләрен тыя алмыйча. Матди зыянны түләтү буенча Алабуга районының суд приставларына да мөрәҗәгать итеп караганнар. Әмма суд карары һаман үтәлми кала бирә.
Гөлназга килгәндә, ул әлеге гаи­лә белән һаман да элемтәләрен өзми. Рамил исемле егетне очратып, гаилә корып җибәргәннәр. Ике бала үстерәләр.

Теги: 250
Нравится
Поделиться:
Реклама
Комментарии (0)
  • 16 декабря 2017 в 12:00
    Татарстанда бер ел эчендә 6 яңа мәктәп төзелде В Татарстане за 2017 год построили пять новых школ на 4 тыс. 672 места, сообщил на пресс-конференции в ИА «Татар-информ» заместитель министра строительства, архитектуры и жилищно-коммунального хозяйства Республики Татарстан Ильшат Гимаев.
    15
    0
    0
Реклама
  • 14 декабря 2017 в 12:30
    пресс конференция Владимира Путина
  • Балык, кап, яр буенда ялтырап ят!
  • Ратушада геройларны котладылар
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • Йөзү буенча Россия чемпионаты башланды
  • «Миркәй белән Айсылу» спектакленнән ФОТОРЕПОРТАЖ
  • 16 декабря 2017 в 07:33
    Ял көннәрендә көчле буран көтелә
    Бүген, 16 декабрьдә Татарстанда аязучан болытлы һава, урын белән кар, буран көтелә. Көньяктан искән җилнең тизлеге урыны белән секундына 18 метрга кадәр җитәчәк, дип хәбәр итә Татарстан Гидрометеорология һәм әйләнә-тирә мохитне күзәтү идарәсе матбугат хезмәте.
    51
    0
    0
  • 9 декабря 2017 в 09:15
    Ренат Ибраһимов: «Дин юлына баскач, бөтен дөньям яхшы якка үзгәрде» Күптән түгел Россиянең һәм Татарстанның халык артисты Ренат Ибраһимов үзенең 70 яшьлек юбилеен билгеләп узды. Шул уңайдан, баритон тавышлы җырчы күптән түгел генә туган шәһәрендә кунак булып китте. Әңгәмә вакытында сигез бала атасы үзенең намазга басуы, иҗаты һәм «Пусть говорят» тапшыруында катнашуы хакында сөйләде.
    318
    0
    0
  • 9 декабря 2017 в 15:11
    Әнкәйләр догасыннан ташламасын Җәннәт – әниләрнең табан астында, диләр. Әниләрдән дә кадерлерәк, игелеклерәк кеше юктыр. Намаз укыган ата-ананың баласы, елаганда да, мине тәрбияләгән әти-әнине җәннәтле итсәң иде дип тели, ди. Әни кешенең тугыз ай буе карынында йөрткән сабыен тулгак ачысын татып дөньяга тудыруы, аннары баласы өчен борчылып, янып-көеп яшәве турында сөйләп тормыйм. Әниләргә шагыйрьләр, язучылар дан җырлый.
    220
    0
    2
  • 9 декабря 2017 в 10:36
    Туган җиргә мәхәббәт кечкенәдән башлана Казанда «Иркенлек» («Простор») дигән туристлык һәм туган якны өйрәнү үзәге эшли, анда чаралар еш үткәрелеп тора. Балалар өчен иҗади түгәрәкләр оештырыла. Әлеге дәресләр, күнекмәләр балаларга булачак һөнәрен сайларга ярдәм итә, туган якны тирәнтен өйрәнүдә булыша.
    130
    0
    1