Шәһри Казан

Мәхәббәт яшькә карамый: «Соң булса да, уң булсын дип, бергә кушылып яшәргә карар кылдык»

Шушы көннәрдә интернетта беркемне дә битараф калдырмый торган видео «сәяхәт итә». Анда сүз 76 яшьлек Сәкинә әби белән 65 яшьлек Госман бабайның никахлары турында бара. Бу аларның икесенең дә беренче никахлары.

Видео геройлары белән танышасы килеп, без Югары Осланда урнашкан картлар йортына шалтыраттык. Сәкинә әби белән Госман бабай безнең белән бик теләп аралашты.

- Соң булса да, уң булсын дип, бергә кушылып яшәргә карар кылдык. Бу турыда интернат директорына әйткәч, ул хәзрәт табып, никах укыту хәстәрен күрде, - дип сөйли Госман Вәлиуллин.
Алар тормышындагы әлеге күңелле яңалык ике ел элек үк булган икән. Сәкинә әби белән Госман бабай Саба районының Лесхоз бистәсендәге интернатта танышкан.

Реклама


- Сәкинә үзенең ягымлылыгы, тәртипле булуы белән ошады. Нечкә күңелле, мөлаем кеше. Кайчан да булса өйләнермен дип гомердә дә уйламаган идем. Парлы тормыш турында хыялланган чакларым булды, әлбәттә, әмма мин тумыштан инвалид. Шуңа да кызларга күренергә дә оялдым, - дип искә ала ул яшь вакытын. - Питрәч районының Күн авылында гомер иттек. Без гаиләдә җиде ир малай үстек. Иң олысы мин идем. Әти-әни үлгәннән соң, туганым гаиләсендә яшәдем. Соңрак Питрәчнең инвалидлар өчен интернат-йортына барып, шунда алуларын сорадым. Ул ябылганнан соң, Сабага җибәрделәр. Шунда Сәкинә белән таныштым. Соңрак бергәләп монда килдек. Туганнарым белән аралашып торабыз, алар килгәләп йөри. Өйләнүемә алар да бик шатланды. Сәкинә аларга йон оекбашлар бәйләп бирә.
Картлар йортында тәрбияләнүчеләр Казанга спектакльләргә, концертларга йөри.

- Мәрхүмә Хәния Фәрхи концертына да барганыбыз булды, бу көннәрдә гел шуны сагынып искә алып утырабыз, - ди Госман бабай.
Сәкинә Кашапова Саба районының Урта Нырты авылыннан. Гаиләдә дүрт кыз үскәннәр. Әтиләре сугышта үлеп калган. Ике апасы авырудан һәм ачлыктан үлгән. Бер апасы Архангельскига киткән. Шуннан бирле аңардан бер хәбәр дә юк. Сәкинә әби авылда терлекче булып эшләгән, бер тапкыр да кияүгә чыкмаган, әнисе дә кызының кияүгә чыгып китүенә каршы булган. Әнисе үлгәч, ялгыз калган. Өе тузгач, авыл советы аны Сабадагы картлар йортына җибәргән.

- Язмыш кушуы буенчадыр инде, шушында Госманны очраттым, - дип бик оялчан гына әйтеп куйды Сәкинә әби.
Газетадан икәнебезне белгәч, Госман бабай үзенең үтенечен дә җиткерде.
- Сәкинә әбиегезнең хәбәрсез югалган апасын табарга булышмассызмы икән. Ул 1951 елны Архангельскига киткән. 52 елны авылга да кайтып киткән. Исеме - Мәрьямбану. 31 елда туган. Әтиләре - Кашаф, әниләре Камилә исемле. Саба районының Урта Нырты авылында туган. Кияүгә дә чыккан булган. Иренең исеме - Талип. Самолет очып үткән саен, Сәкинә тәрәзәдән карап, елап кала. Апасы турында еш сөйли, аның турында искә алмаган көнебез юк, - ди ул.


Мәрьямбану Кашапова турында берәр мәгълүмат белүче булса, газета укучыларыбыздан редакциягә мөрәҗәгать итүләрен сорыйбыз.

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    371
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    750
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    380
    2
    2