Шәһри Казан

Анастасия Асанова: «Армиядә вакытта 3 тапкыр кияүгә чыга яздым»

Армиядә хезмәт итү хатын-кыз эше түгел дип кем әйтә? Узган елны гына да Татарстаннан контракт буенча 11 хатын-кыз армия­гә киткән. Минзәлә районыннан Анастасия Асанованың Көньяк Осетиядә хезмәт итүенә тиздән өч ел тула. Башта өч елга гына дип уйлаган булса, шушы көннәрдә ул контрактын биш елга кадәр озайткан.

Анастасия Асанова Цхинвал дигән хәрби шәһәрчектә урнашкан разведка батальонында санитар инструктор булып хезмәт итә. Армиягә бару теләге исә Минзәлә медицина училищесында укыганда барлык­ка килә.

- Сыйныф җитәкчебез безнең районнан ике кызның армиягә китүен әйткәч, минем дә барасым килде. Хәрби комиссариатка барып сорашып-белешеп тә кайттым. Документларны барып тапшырдым. Армиягә аласыларына ышанып та бетмәгән идем, әмма миңа шалтыраттылар. Баштарак чит җиргә, бер белмәгән кешеләр янына китү авыр­рак булды. Тиз ияләштем анысы, якташлар да табылды. Аннары миңа Осетиянең табигате бик ошый. Бирегә килгәнемә үкенмим, әле ярый килгәнмен, дим. Мондагы режим да, физик чыныгу да ошый, Һәр яктан тотрыклылык сизәм, хезмәт хакым да әйбәт, аена 43 мең сум акча алам. Продуктлар да бирәләр, бушка яшим. Бүлмәдәшләремнең берсе - Владикавказдан, икенчесе - Карелиядән. Юлга льготалар бар. Контрактны сузган очракта фатир, шифаханәгә юллама да бирәләр дип ишеттем.

- Армиядә романтикага урын бармы?
- Романтика җитәрлек! Өч тапкыр кияүгә чыга яздым. Әле иртәрәк дип, бу уйдан кире кайттым. Шәһәребез кечкенә, шуңа да эштән буш вакытта Владикавказга барып кайтабыз. Анда кино карыйбыз, клубларга барабыз. Китапханәгә дә, спорт залына да йөрибез. Тиздән бассейн да ачылачак.

Реклама

- Эшең авыр түгелме?
- Күнектем инде. Иртәнге сигездә сафка тезелеп басабыз, гимн җырлыйбыз. Аннары казармага барып, журналларны тикшерәм, авырулар булу-булмавы белән кызыксынам. Полигонга чыккан вакытлар да була. Госпитальдә дежур торам. Укулар оештырыла, ярты ел саен физик әзерлекне тикшерәләр, чыныгу курс­ларын (курсы выживания) үттем. Анысы бигрәк авыр булды, әмма күп нәрсәгә өйрәндем. Ахырга таба ошый да башлады. Командировкаларга да еш йөрибез.

- Ял бирәләрме соң?
- 45 көн ял һәм алты тәүлек юлга бирелә. Минзәләгә әти-­әнием янына кайтам. хезмәт иткән шәһәремне, дусларымны ялдан сагынып киләм.

Тырыш кешене кайда да күрәләр, өч ел эчендә Анастасия­нең рәхмәт хатлары шактый җыелган, хәтта өч медале дә бар.

«Шәһри Казан»га Telegramда язылыгыз
Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    336
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    706
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    354
    2
    2