Шәһри Казан

Андый ирең булганчы...

Тора салып ирләр чәйнисез, димәгез тагын. Кайвакыт, ничарадан бичара, бер балык башын чәйнәргә туры килә. Хатын-кыз белән урам тутырып әрепләшеп торган ирләрне күргәч, минем бер генә сүз әйтәсе килә: ир түгел сез, ә «истеричка».

Туганым машина руле артында инде күптәннән йөри. Ике бала үстерүче ана буларак, көне бала көе көйләп үтә. Берсен мәктәпкә, икенчесен бакчага илтә. Җитмәсә, түгәрәкләргә өлгерергә кирәк, кичкә - бассейн, йоклар алдыннан - дәрес карау... Бер сүз белән әйткәндә, шәһәрдә дәү әниләрсез генә ике бала үстерүче кеше генә аңларлык аның хәле. Һәрвакытта кирәкле җиренә машина белән чыгып чаба. Бер көнне кич хәл-әхвәл белешергә дип шалтыраткач, кәефсез чагына туры килдем. «Яңа елап, шешенеп туктадым әле, - диде ул. - Юлда төп юнәлеш буенча мин барам, ишегалдыннан машинасында ир-ат чыгып килә. Ул бит инде мине уздырырга тиеш. Сигнал биреп, атылып чыкты бу машинасыннан. Син, дура, дип башлаган иде сүзен, калганын хәтта сортлап та тора алмыйм. Бөтенесе әшәке сүз. Имеш, мин аны уздырырга тиеш, бетте-китте. Өйгә кайткач әй рәхәтләнеп еладым шуның шакшы сүзләреннән».
Юлда ирләрнең тотнаксызлыгына беренче тапкыр гына юлыкмаганга тулгандыр инде күңеле, дидем мин. Юкса чын ир заты хатын-кызга шакшы сүзләр белән кычкырамыни инде?! Хәтта хатын-кыз чынлап торып гаепле булса да, йә юморга бора ул сүзне, йә «ташлама» бирә. Бер кибет янында мин дә тап булган идем андый «калай әтәч»кә. Янәсе, бу йортта ул яши, монда һәрвакытта машинасын куя икән. «Борчылмагыз, мин хәзер китәм», - диюемә тыныч кына, ярар, диген дә, кереп утыр бит инде машинаңа! Сатып алынган шәхси кишәрлеге түгел бит, кибет янындагы юл кырые. Ә юк, ир затында күкерт кабындымыни - әйтмәгән бер сүзе дә калмады. Югыйсә, мин тавыш күтәреп бер сүз дә әйтмәдем, цензурасыз сүз ычкындырмадым ләбаса. Кулларын болгый-болгый, хатын-кызларның иң мәгънәсез зат икәнен тамак киереп кычкырган адәми затка ни диясең...
Мин кузгалып китә башлагач исә, ник дәшмисең, чукрак мәллә син, дип, машина тәрәзәсенә иелгәч кенә телгә килдем. «Истеричка» дими ни диясең - хатын-кызга урам тутырып чәпчеп торган ир нинди ир инде ул?! Андый ирең булганчы, өрә торган этең булу мең өлеш артыктыр...

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 22 апрель 2018 - 09:15
    Үрнәк йорт нинди була? 
    Сезнең үрнәк йорт күргәнегез бармы? Аны нинди дип күз алдына китерәсез? Ул башкалардан нәрсәсе белән аерыла да, аңа гына хас нинди үзенчәлекләре бар? Без дә шушы сорауларыбызга җавап табарга дип, Казанның Ямашев урамындагы 74нче йортка юл алдык, чөнки әлеге йортны барып күрергә җитди сәбәп бар иде. Узган атнада аңа рәсми рәвештә «үрнәк йорт» (дом образцового содержания) статусы бирелде.
    49
    0
    0
  • 13 март 2018 - 14:23
    Интернетта Хәния Фәрхинең гаиләсендәге вакыйгага бәйле ВИДЕО пәйда булды 2016 елның җәендә Хәния Фәрхинең кызы Алсу 18 яшендә кияүгә чыккан иде.
    13287
    1
    33
  • 13 март 2018 - 13:11
    «Ни хакым бар минем яшәргә?!» «Ун ел гомеремне заяга уздырдым, - дип уфтанып башлады Айдар сүзен. - Тамагымнан ризык үтмәде, кулым эшкә бармады. Бер караганда гаебем дә юк кебек, әмма дүрт-биш айлык сабыйны көпә-көндез пуля белән тишкән адәмнең җирдә яшәргә ни хакы бар соң?!»
    1064
    0
    5
  • 13 март 2018 - 10:52
    Сайлау көнне рәхәтләнеп бәйрәм итәчәкбез Казанда 2018 елның 1 гыйнварына 906 мең 586 сайлаучы исәпләнә. Россия Федерациясе Президентын сайлаулар көнне, ягъни 18 мартта 450 сайлау участогы эшләячәк. «Эшлекле дүшәмбе»дә сайлау көнен ничек итеп бәйрәмгә әйләндерү турында сөйләштеләр.
    485
    0
    0
Ночной режим