Шәһри Казан

Инглиз телен «су кебек эчә»ләр

Казан федераль университетының Филология һәм сәнгать институтында өстәмә һөнәри белем бирү курсларын тәмамлаучыларга дипломнар тапшырылды. Әлеге укулар 3 ел дәвамында алып барыла һәм анда Казанның төрле югары уку йортларында белем алучылар инглиз теле буенча тирәнтен белем эсти.

КФУның Филология һәм сәнгать институты директоры профессор Рәдиф Җамалетдинов диплом тапшыру тантанасында искәртеп узганча, соңгы елларда республикада, ике дәүләт теле белән беррәттән, чит телне өйрәнергә теләүчеләр дә артканнан-арта бара. «Алар мәктәп укучылары, студентлар гына түгел, ә төрле тармакта эшләүчеләр дә. Әйтик, быел Татарстан Министрлар Кабинеты ярдәмендә оештырылган татар телен өйрәнү курсларында 1 меңнән артык кеше белем алды. Башка телләр буенча да шундый эзлекле эш алып барыла», - ди институт директоры. Федераль университет җитәкчелеге, шушы максаттан, Филология һәм сәнгать институты каршында Казан халыкара лингвистика үзәген оештыру карарын кабул итте һәм бу проект республика җитәкчелеге тарафыннан да хуплау таба. Үзәктә алга таба инглиз, немец, француз, испан, шулай ук көнчыгыш һәм башка телләрне өйрәнү буенча укулар да алып барылачак. Өстәмә һөнәри белем алу турындагы дипломга ия булган Инесса Васильева КФУ магистратурасында белем ала. «Мин мәктәптә инглиз телен өйрәнгән идем инде, финанс-икътисад институтында исә немец телен үзләштердем. Шушы курслар оештырылу турында ишеткәч тә барып гариза бирдем һәм монда алган белем ярдәмендә хәзер мин инглиз телендә иркен аралаша алам. Безнең белән өч ел дәвамында ныклы эш алып барган мөгаллимнәргә зур рәхмәт», - дип фикерен уртаклаша Инесса. Алмаз Гайсин исә элеккеге Казан авиация институтын тәмамлаган һәм хәзер шушы уку йортында аспирантурадан соң кандидатлык диссертациясе яклаган. «Инглиз телен инде мин моңарчы да өйрәнгән идем. Тик эш барышында ул белемнәрнең генә җитенкерәмәвен аңладым һәм, бик теләп, әлеге курсларга килдем. 3 ел сизелми үтеп тә китте. Монда укуыма һәм диплом алуыма бик горурланам. Алдагы эшчәнлегемдә ул миңа нык ярдәм итәчәк һәм башкаларга да шушындый югары дәрәҗәдәге курсларда белем эстәргә киңәш итәр идем», - ди Алмаз Гайсин.
КФУның Филология һәм сәнгать институты оештырган инглиз теле буенча өстәмә һөнәри белем бирү курсларын 56 кеше тәмамлады һәм мондый укулар алга таба да дәвам иттереләчәк, дип хәбәр итә вузның матбугат хезмәте.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
Ночной режим