Шәһри Казан

Кайда минем ике тавыгым?

Агропромпаркта ипигә чират торам. Хатын-кыз башта кием тикшерә бит инде ул, минем дә күзем алда басып торган ханымның яулыгына төште.

Реклама

Үзенә дә, пәлтәсенә дә бик килешеп торган яулык бәйләгән. Ипи алгач, ит сата торган рәтләргә киттем. Анда да очраттым теге хатынны. Яшелчәләр рәтендә дә күземә чалынды. Ул да түгел, җимешләр карап торганда, выж итеп янымнан үтеп китте бу. Үзе тегендә-монда карана, борчылуы йөзенә чыккан. Сатучылардан нәрсәдер сораган да була. Берәр нәрсәсен югалтканга охшаган, ярдәмем тимәсме дип, куып җитеп, эндәштем мин аңа.
- Әллә никадәр әйбер алдым, аларны арбага тутырып бардым. Ике тавык та алган идем, аларны таба алмыйм. Кайда гына калдырдым икән? - дип сөйләнә-сөйләнә китеп тә барды.
Тавык алганын мин дә күргән идем бит дип, озатып калдым. Тукта, беләгендәге зәңгәр төстәге пакет эчендә ике тавык ята түгелме соң?! Артыннан куып җитеп әйтим әле дип, мин дә чаптым. Аягына роликлар кигәнмени, куып җитеп булмый, икенче рәткә чыгасын белгәч, каршына бардым. Беләгегезгә асып куйгансыз бит ул тавык­ларыгызны дигәч, шаркылдап көлеп җибәрде.
- Чаба торгач, беләгемә асып куйган өч килограмм авырлыктагы тавык­ларны да сизми башлаганмын бит. Дөнья мине куа, мин аны куам, - дип китеп тә барды.

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 19 января 2018 в 14:32
    Балалар бакчасына түләү күпмегә арта?
    Быел 1 гыйнвардан балалар бакчасына түләү бәяләре артты. Былтыргы белән чагыштырганда (2017 елда түләүләр сигез процентка арткан иде) әллә ни күпкә түгел, дүрт процентка гына. Бу уртача 120 сум дигән сүз.
    35
    0
    0