Шәһри Казан

Көттергән җәй

Ниһаять! Ниһаять, безгә дә җәй килде! Гадәттә без аны тугыз ай көтәбез, быел исә 11 ай диярлек көттерде. Көяз, нәзберек һәм бераз көйсез яшь ханымнар кебек бик зарыктырып, үз кадерен белеп кенә килде шул җылы көннәр безгә быел! Ләкин барыбер килде!

Яңгырларның бетүен барысыннан да бигрәк авыл халкы көтте. Явым-төшем туктаганның беренче ике-өч көнендә авыл җирләрендә, юл буйларында тракторларның, болын-басуларда халыкның ничек печән чабуын, печән җыюын күрсәгез сез!? Үзе шуның белән мәш килгән кеше, билгеле инде, күршесенең чалгы селтәвен карарга вакыты булмагандыр. Читтән караганда исә бу бик мавыктыргыч күренеш иде. Инде тәмам караңгы төшеп, ай яктысы гына күренсә дә, халык басудан кайтырга ашыкмады. Ике-өч ай буе яңгыр астында сусыл, озын булып үскән печәнне тизрәк чабып-киптереп алып кайтырга ашыкты. Яңгырлар тотынганчы чабучыларның «авызы пешкән» иде чөнки. Күпләр печәннәрен чабуын чапты, тик җыеп алырга өлгермәде. Рәт-рәт булып сузылган печән «пакус»лары яңгыр астында күгәреп череде...

Реклама

Ә җиләкнең күплеген белсәгез! Әй, быел берни булмый инде дип табигатьне сүгүчеләргә ачу итеп үскән диярсең! Үзе эре, үзе сусыл, баллы! Хәтта җиләк җыярга яратмаучы ялкауларны да җыйдырта торган быел җир җиләге. Аны эзләп азапланасы да юк. Үләннәр арасыннан кызыл битләрен калкытып, акрын искән җилдә иркәләнеп, тик утыралар. Узган ел да әллә ничә тапкыр барып җыйган идек. Быел да эштән соң ике-өч сәгатькә генә булса да барып, Казан тирәсеннән генә табигатьнең бу байлыгыннан авыз иттек. Сине күрү бәхетеннән шашынып ябырылган черкиләр дә, быел агулы елан күп икән дигән сүзләр дә авылда туып-үсеп, шәһәрдә торган, әмма барыбер авыл кызы булып калган безнең ише балаларны куркыта димени инде?! Эштәге тынчулыктан, шәһәр ыгы-зыгысыннан качып, басу һавасын сулау, чикерткәләр җырын, кошлар сайравын тыңлау, җыеп кайткан җиләкләрең, мәтрүшкәләрең белән чәй эчүгә ни тора?!

Дөрес булса, августта да, көз айларында да җылы була, диләр. Кыяр-помидорларны елдагыча чиләк-чиләк җыеп, тартмаларга тутырып карават асларына, өстәл асларына куярлык булмас инде булуын, әмма булганына шөкер итик!

Зөлфия Хәлиуллина фотосы

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    348
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    461
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    831
    0
    2