Шәһри Казан

Стратегия әлегә чиле-пешле

«Барысы да татулык һәм аңлашу стратегиясенә корыла, әмма милли мәдәниятләр һәм тел үзенчәлеген саклау мәсьәләләре түбәндәрәк кала», - дип билгеләп узды Римма Ратникова, ТР Халыклар дуслыгы йортында фикер алышу объектына әйләнгән документның әлегә чиле-пешле булуын ассызыклап.

«РФ милли сәясәтенең дәүләт стратегиясе проекты» дип аталган документ 27 сентябрьдә РФ Президенты каршындагы эшче төркем Советы җыелышында төзелгән һәм гомумҗәмәгатьчелек белән киңәшеп, төзәтмәләр кертелсен өчен, Россиянең барлык өлкәләренә дә җибәрелгән булган.
ТР Премьер-министрының урынбасары Әсгать Сәфәров, ТР Дәүләт Советы Рәисенең урынбасары Римма Ратникова, ТР Президентының эчке сәясәт мәсьәләләре буенча идарәсе җитәкчесе Александр Терентьев, шулай ук ТР Дәүләт Советы депутатлары, министрлар, галимнәр, Татарстан халыклары Ассамблеясы вәкилләре, Бөтендөнья татар конгрессының башкарма комитеты, ТР муниципаль берәмлекләре вәкилләре катнашында узган бу киңәшмәгә җыелучыларның төп игътибары милли телләрнең дәүләт статусы мәсьәләсенә юнәлдерелде. Стратегиянең мәгариф блогы аеруча кискен тәнкыйтьләнде. Мәсәлән, рус әдәбиятын гына башка халыклар теленә тәрҗемә итәргә түгел, ә Россиянең башка халыклары әдәбиятын да рус телендә нәшер итәргә кирәк; мәгариф турындагы бүлекне аңлаешлырак итәргә; дәүләт теле берничә була алганын исәпкә алып, РФ телләренә карата «аралашу теле» дигән билгеләмә кулланмаска һ.б. мәсьәләләр күтәрелде.
ТР Дәүләт Советының икътисад, инвестицияләр һәм эшкуарлык буенча комитеты рәисе Марат Галеев исә: «Документ күпчелек белән түгел, ә килешү принцибы буенча төзелергә тиеш», - дип белдерде. Ә Александр Терентьев фикеренчә, бу стратегиядә халыкара дуслыкка, милләтләр үсешенә басым ясарга кирәк, позитив мизгелләр күбрәк булырга тиеш. Республикабызда соңгы елларда гамәлгә ашырылган иң уңышлы эшләр дә исәпкә алынса, әйбәт булыр иде.
22 октябрьдә Татарстанда әлеге проектка кертелгән өстәмәләр янә анализланачак һәм 25 октябрьдә Мәскәүгә җибәреләчәк. Ел азагына бу документ ахырына җиткереп әзерләнеп бетәр һәм 2025 ел азагына кадәр гамәлдә булыр дип көтелә.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 14 март 2018 - 14:51
    «Хәләл фермер» Ленар ЛАТЫЙПОВ: «Хатын сайлау берни түгел, сыер сайлап кара син!» Биектау районының Торнаяз авылында «хәләл фермер» белән танышып кайттык. Биш вакыт намазын калдырмаган, шәригать кануннары буенча яшәүче Ленар Латыйповлар гаиләсен күрше-тирәдә шулай атыйлар. Алар ун ел эчендә мөгезле эре терлек санын 250гә җиткергән. Республикада бу – иң күп мал асраучы гаилә фермасы.
    543
    0
    2
  • 14 март 2018 - 16:28
    Лаешта пычрак су «дефицит»ка әйләнәчәк Татарстанның Лаеш районы Чулман белән Идел елгалары кочагына урнашкан. Гаҗәеп матур җирләр.
    453
    0
    0
  • 14 март 2018 - 15:42
    «Гавайи» салаты ясау ЫСУЛЫ Бер порция өчен 40 гр айсберг яки пекин салаты (икесен бергә кушсагыз да була), 50 гр ысланган тавык, 40 гр консервланган ананас, кечкенә генә бер тырнак сарымсак һәм кыздырылган кара ипи кисәкләре кирәк.
    339
    0
    0
Ночной режим