Шәһри Казан

Сыер дуласа, атың бер кырыйда торсын!

АКШның Висконсин штатында яшәүче 22 яшьлек Шанайя Эджелл «Макдоналс»та теләгән ризыгын ала алмаган. Бойфренды - 40 яшьлек Даррелл Пейджның исә сөйгәненең бөтен капризын үтәп торасы килмәгән, ахры, ул кире барудан баш тарткан. Шанайя исә ир кеше дип тормаган, егетен тоткан да кыйный башлаган. Кызып киткән көчсез җенес вәкиле тегенең кулларына,...

Реклама

АКШның Висконсин штатында яшәүче 22 яшьлек Шанайя Эджелл «Макдоналс»та теләгән ризыгын ала алмаган. Бойфренды - 40 яшьлек Даррелл Пейджның исә сөйгәненең бөтен капризын үтәп торасы килмәгән, ахры, ул кире барудан баш тарткан. Шанайя исә ир кеше дип тормаган, егетен тоткан да кыйный башлаган. Кызып киткән көчсез җенес вәкиле тегенең кулларына, йөзенә сугып, ирнең күлмәген умырып ташлаган. Сыер дуласа, аттан яман, дигәннәре шулдыр.
Әллә нишләде бу хатын-кызлар, дип әйтәсе килә башлый кайчакта. Үз кадерләрен, үз урыннарын белмиләр. Хәзер кая карама, рульдә автоледилар. Дөрес, араларында оста йөртүчеләр дә бар. Әмма машинага бизәнмичә чыкмасыннар иде ичмасам. Беркөнне шулай машинам белән эшкә ашыгам. Өч полоса тулы машина. Мин светофор артында бишенчеме-алтынчымы булып торам. Берзаман көтеп алынган яшел ут кабынды. Күрше полосадагылар кузгала башлады. Мин дә үз чиратымны көтәм. Ярты минут чамасы торгач, машиналар беренче машинаны урап уза башладылар. Берәр авария-мазар булгандыр, мәйтәм, мин дә әйләнеп үтим. Яныннан үткәндә, игътибар беләнрәк карасам, йөртүче ханым көзгегә караган да бизәнеп-ясанып утыра. Кызылга туктаган арада бизәнеп өлгерегез инде, автоледилар!
Нигә бу хатын-кызлар көчсез җенес вәкиле булып кала белмиләр икән? Ә сәбәбе бик тирәндә - хатын-кызларны ирләр белән тигезләүдә бугай! Без хатын-кызлар белән ирләрнең тигезлеген бәйрәм иткән көн тегесенә дә, монысына да гаепле. Ә бит һәр җенеснең табигатьтән бирелгән үзенә генә хас сыйфаты бар.
Хәер, үз кадерен белер өчен хатын-кызга ныклы терәк кирәк. Юкка гына хатын-кызлар руль артына утырмый. Аларның әнә теге америкалы кыз кебек ирләрне кыйнап ташларга җыенган чаклары да еш буладыр. Ирләрнең эчүеннән, имансызлыгыннан, намуссызлыгыннан да күңелләре кайта...
Минем бер танышым әнә: «Ирем машинада йөртеп торганда, правага укып, машина йөртеп азапланаммы соң!» - дип кенә җибәрә. Шулай шул, ирләр ир булмаса, хатын-кызларга көчсез булудан туктарга туры килә. Ә аннары егетләрне тукмап ташларга да күп сорамыйлар.

Теги: 250
Нравится
Поделиться:
Реклама
Комментарии (0)
Осталось символов: