Шәһри Казан

Табиблар – агымга каршы йөзүче корабка тиң

Туганымның вафатыннан соң, аның авыру улы Илдус минем тәрбиядә калды. Исән чагымда аны тиешенчә карарга дип үз-үземә сүз бирдем. Үземә операция кичерергә туры килсә дә, Илдусны читкә тибәрмәдем. Ул инде җиткән ир-ат. Шуңа да карамастан, аны күтәрәм дә, ашатам да, кадерләп тәрбияләргә тырышам. Аның өчен нык борчылам да.

Вакыт-вакыт балам (минем өчен ул һәрчак бала булып кала) Бехтерев исемендәге Республика клиник психиатрия хастаханәсендә дәваланып чыга. Бу юлы ул хастаханәдә чакта, өянәге кузгалгач, реанимациягә күчергәннәр. Баламны шундый авыр хәлдә күреп, үзем бер кат үлеп терелгәндәй булдым. Илдус янында тагын берәү ята. Кул, аягы каралган, ябык кына гәүдәле бу кешенең авыр сулаганын күреп, куркып ук киттем. «Иртәгәдән калмый, үлә инде бу», - диючеләр дә булды. Хастаханәдән кайтып киткәч тә, күңелемнән китмәде ул: үлдеме икән? Туганы бармы? Исән калырга өмете юк идеме икәнни?..

Реклама

Берничә көннән Илдусны күрергә дип килгәч, ни күрим: бер төркем табиблар, медицина хезмәткәрләре теге үлем хәлендәге кеше тирәсендә бөтерелә. Кайсы ясалма сулыш бирә, кайсы укол кадый. Тырыша торгач, теге кешене коткарып калдылар. Табибларның эше ни дәрәҗәдә җаваплы, катлаулы икәнен шул чакта тагын бер кат аңладым. Мин ул авыруны белмәсәм дә, кеше гомерен саклап калулары өчен табибларга зур рәхмәтемне әйттем. Шул вакытта, хастаханәнең баш табиб урынбасары Фәнис Кашапов белән таныштык. Фәнис Алмаз улы бик итагатьле, акыллы, тәҗрибәле табиб булып чыкты. Минем хәлемә керде. Гозеремне игътибар белән тыңлады. Мин исә, теләсә кайсы әни кебек үк, Илдусымны терелтсеннәр, аңа карата битараф булмасыннар иде, дип үтендем. Хәер, монда авыруларны язмыш кочагына ташламыйлар. Тиешенчә дәвалыйлар. Илдус та, берничә көн дигәндә, кашыктан ашый башлады. Соңгы килүемдә хәтта аякка да басты. Хастаханәнең баш табибы Фәрит Җиһаншин җитәкчелегендәге персоналга: бүлек мөдире Надежда Усановага, табибларга, шәфкать туташларына һәм мине аңлаганы өчен, баш табиб урынбасары Фәнис Кашаповка чиксез рәхмәтемне белдерәм. Биредә эшләүчеләрне мин агымга каршы йөзүче корабка тиңлим. Бар каршылыкларны җиңеп, үлем белән көрәшәләр алар. Һәр инвалидка күрсәткән кадер-хөрмәтләре үзләренә игелек булып кайтсын.

Теги: 250
Нравится
Поделиться:
Реклама
Комментарии (0)
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    274
    0
    0
  • 23 май 2018 - 14:59
    Гөлназ АСАЕВА: «Булачак иремне ике әтиемә дә охшатып сайлыйм» Гөлназ АСАЕВА – моңлы тавышлы яшь җырчы. 16 яшеннән бирле ялгызы гына концертлар куя. Сәхнәдә ул тыйнаклыгы һәм бай репертуары белән аерылып тора.
    653
    0
    4
  • 23 май 2018 - 14:47
    Доктор Комаровский: «Картлыгыңда 20 оныгың булганчы, бер бабаең булсачы» Кичә Казанда танылган табиб Олег Комаровский булып китте. Ул ике көн дәвамында семинар уздырды, әти-әниләрне кызыксындырган сорауларга җавап бирде, балалар сәламәтлеге турында сөйләде. Доктор Комаровскийның киңәшләрен “ШК” сатында биреп барырбыз.
    202
    0
    1
  • 23 май 2018 - 14:33
    Нут ашы пешерү ЫСУЛЫ Аның өчен 4 литр суга 400 гр фарш, 1 стакан нут, 3 бәрәңге, 1 кишер, 1 суган, 3 тырнак сарымсак, 1 болгар борычы, 2 аш кашыгы томат пастасы, үсемлек мае, тоз, борыч кирәк.
    96
    0
    0
  • 23 май 2018 - 14:18
    Илфак Шиһаповның кызы Зәринә: «Мин – Сөембикәнең җанатары» Бу көннәрдә Саба районының Сатыш авылындагы фермада булырга туры килде. Шунда, очраклы гына дисәм дә була, бер абзый белән таныштым. Ул Юлбат авылының тарих укытучысы Илдар Сафин булып чыкты. Шул ферманың бер амбарында аның аты тора икән.
    191
    0
    2
  • 23 май 2018 - 13:44
    «Репетицияләргә йөри-йөри бер дә сөйләшми торган балабыз сөйләшә башлады» Хыялга юл. Камал театрының зур залында Баулының нәни артистлары күрсәткән сәхнә күренеше нәкъ менә шулай дип атала. Хыял чынбарлык булсын өчен күпме сабырлык, тырышлык, үҗәтлек кирәк.
    102
    0
    0
  • 23 май 2018 - 13:00
    Өйдә тортлар пешереп, аларны социаль челтәрләр аша саткан декреттагы әниләргә Президент ярдәм итәргә җыена Татарстан Президенты каршындагы Эшмәкәрлек советы республикадагы үзмәшгульлек белән кызыксына башлаган. Бу хакта Татарстанның бизнес-омбудсмены Тимур Ногманов үзенең Инстаграм битендә хәбәр итә.
    134
    0
    0
  • 23 май 2018 - 10:26
    «Тели белсәң – теләк, тели белмәсәң – имгәк» Бергә эшли торган иптәш хатыным: «Ялга чыксам эшләмим, оныкларымны гына сөеп ятам», – ди торган иде.
    297
    0
    0
  • 23 май 2018 - 10:21
    Габделбәр Илдарханов: «Урман сукмакларыннан гел узсаң да, адаштыра да, авырганда дәвалый да» Кызыл Яшьләр авылы бик матур урында, урман янында утыра. Авыл урамында нарат, агач исе... Биредә Лаеш урманчылыгының Питрәч участок урманчылыгы урнашкан.
    91
    0
    1
  • 22 май 2018 - 17:26
    «Һәр гаилә үз законнарын яза» Татарстан Дәүләт Советында узган матбугат конференциясендә парламент башлыгы урынбасары, «Мәрхәмәт» хатын-кыз депутатлар берләшмәсе җитәкчесе Татьяна Ларионова хәбәр иткәнчә, быелдан инвалид балаларны уллыкка алган гаиләләргә 200әр мең сум акча бирелә башлады. Әлеге вакытта бу ярдәмнән сигез гаилә файдаланган.
    200
    0
    0
  • 22 май 2018 - 15:57
    «Татар кызчыгы – 2018» бәйгесе җиңүчесе кем? «Алтыда нинди, алтмышта – шундый», – ди халык. Димәк, тәрбияне дә, белемне дә кечкенәдән бирергә, әдәп-әхлакка, йолаларга, гореф-гадәтләргә, милли моңнарга мәхәббәтне дә сабый чактан сеңдерергә кирәк. Быел гына яңадан оешып, гөрләтеп эшләп киткән Бөтендөнья татар хатын-кызлары «Ак калфак» иҗтимагый оешмасының Казан бүлеге активистлары да нәкъ шул максатны күздә тотып оештырдылар «Татар кызчыгы – 2018» бәйгесен. Беренче тапкыр гына үтсә дә, «коймак» төерле булмады.
    238
    0
    0
  • 22 май 2018 - 14:44
    Даниярга аякка басарга ярдәм итегез! 28 апрель – Мөхетдиновлар өчен авыр көн. Берничә ел элек шул көнне әбиләре вафат булган, 2016 елда Алсу бала тудыру йортына сабыен табарга киткәч, бабайлары бакыйлыкка күчкән.
    261
    0
    1
Реклама
  • 17 май 2018 - 11:28
    Өй салуның ние бар? - 2
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
Соңгы комментарийлар
Интервью
  • 23 май 2018 - 10:54
    Кәгазе яңача булса да, түләве искечә калачак
    Россия халкы 1 июньнән торак-коммуналь хезмәтләр өчен яңа квитанцияләр алачак. Әлеге яңа түләү кәгазьләре искесеннән нәрсә белән аерыла һәм анда төп игътибарны нәрсәгә юнәлтәчәкләр?
    119
    0
    1
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    274
    0
    0
Ночной режим