Шәһри Казан

Үткәннәр сагындыра

Адәм баласы, олыгайгач, күңеленнән гел үткәннәрне барлап яши икән. Шуларны уйлап юанасың, сөенәсең, кайчакларда уфтанасың да. Их, шул чакларга кире кайтып булса, дисең. Хәтердә күбрәк бәхетле мизгелләр яңара. Якташым Әнвәр Гыйльметдинов та шундый нечкә күңелле кешеләрнең берсе. Ул Апас районының Чүри-Бураш авылында туган. Урта мәктәпне тәмамлагач, машина-трактор станциясендә (МТС) машинист...

Реклама

Адәм баласы, олыгайгач, күңеленнән гел үткәннәрне барлап яши икән. Шуларны уйлап юанасың, сөенәсең, кайчакларда уфтанасың да. Их, шул чакларга кире кайтып булса, дисең. Хәтердә күбрәк бәхетле мизгелләр яңара. Якташым Әнвәр Гыйльметдинов та шундый нечкә күңелле кешеләрнең берсе.
Ул Апас районының Чүри-Бураш авылында туган. Урта мәктәпне тәмамлагач, машина-трактор станциясендә (МТС) машинист булып эшли. Кәүсәрия исемле чибәр, тырыш кыз белән гаилә корып җибәрә. Әнвәр 26 яшендә Чукоткага шахтага барып эшкә урнаша. Гаиләсен сыендырырлык почмагы булгач, хатынын, улын да үзе янына алдыра. Шулай итеп, чит җирләрдә 20 ел гомер узып та китә. Ә күңел дигәнең гел туган якларга - Татарстанга ашкына. Шул җирсү хисен җиңә алмаганга, Әлмәткә кайтып урнашалар да. Әнвәр кайда да югалып кала торган егет түгел, төзелеш оешмасына слесарьлар бригадиры булып эшкә урнаша. Анда 25 ел хезмәт куеп, лаеклы ялга чыга. Гаиләдә бер малай һәм бер кыз үсә, аларның икесенә дә югары белем бирәләр.
Аның гаилә архивын карап утырабыз. Чукоткада чыга торган җирле «Шахтер Чукотки» газетасында һәр эшкә бик җаваплы караган, булдыклы Әнвәр турында байтак мәкаләләр, фоторәсемнәр басылып чыккан. Үзенең язмаларын да еш бастырган ул анда. Татарстанның нефть башкаласында яшәгәндә исә «Әлмәт таңнары» газетасының актив хәбәрчесенә әйләнә. Әнвәр, гаилә альбомын күрсәтеп, үткәндәге кадерле мизгелләрне берәм-берәм искә төшерергә ярата. Ә үзенең күзләрендә чиксез сагыш. Чөнки ничәмә-ничә еллар кулга-кул тотынышып, яратышып яшәгән хатыны Кәүсәрия вакытсыз гүр иясе булды. Якын кешеңне югалткач, күбрәк үткәндәге хатирәләрне уйлап юанырга гына кала икән. Тормышта бер генә нәрсәгә дә битараф булмаган, милли җанлы, өенә күп итеп газета-журналлар алдыручы, көндәлек матбугатны соңгы ноктасына кадәр укып баручы олпат зат ул якташым. Әнвәр - кешеләргә ихтирамлы, ачык күңелле, гади һәм беркайчан да яшьлек дәртен җуймаучы оптимист шәхес тә әле. Янәшәбездә аның шикелле фидакарьләр күбрәк булсын иде.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1153
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    543
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    401
    0
    0
Ночной режим