Шәһри Казан

Ватсап «вәт шәп»

Хәзер кешене кәрәзле телефоннан башка күз алдына да китереп булмый. Элек аңардан сөйләшә генә идек. Бүген чын мәгънәсендә кесә компьютеры ул: көй дә тыңлата, фотога да төшерә, сәлам дә юллый.

Соңгы вакытта ватсап дигәннәре бик популярлашып китте. Дөньяның кай читенә генә барып чыксаң да, ара ерак дип тормый, җибәргән фотоңны да, видеоңны да күз ачып йомганчы тиешле кешесенә илтеп җиткерә. Туган көн, бәйрәмнәре белән котлап, матур җыр-көй җибәреп, таныш-белешләреңнең, дусларыңның күңелләрен дә күтәрә аласың. Язып торырга иренгәннәр өчен, сөйләгән сүзеңне түкми-чәчми, үз тавышыңны бозмый китереп җиткерә ала торган сыйфаты да бар. Юкка гына «вәт шәп» белән рифмалашмый инде.

Бер ай чамасы шундый фикердә булдым. Әллә кайчан мәктәпне тәмамлаган сыйныфташларның оныкларының фотосурәтләрен күреп тә, тормышларының көйле булуын белеп тә шактый сөендем. Аерым төркемнәргә берләшеп аралашу үзе бер җан рәхәте икән. Уй-ниятләр бер булгач, сөйләшер сүз дә күп, кызык та.

Реклама

Кайчак дуслардан яшәешнең мәгънәсе турында туктап уйланырга өндәгән видеолар да килә. Андый акыллы киңәшлеләрне тиз генә дус-танышларга юллыйм. Еллар үткән саен, алар да кими бара бит, бөтенләй югалтып бетерәсе килми. Тәмам ияләнеп беттем: ашаганда - табын янында, йоклаганда - мендәр астында телефоным. Ансыз яшәүне күз алдыма да китерә алмый башладым. Хәбәр килгәнен белгертеп, тавыш биргән саен, тиз генә ачып укыйм да тиз генә җавап юллыйм. Нинди генә хәбәр килми: таң ату белән, хәерле иртә телиләр. Бәйрәм җитсә, котлаулар быелгы яңгыр булып ява. Җомга көннең үз котлавы. Кичә дә шулай иде, бүген дә, иртәгә дә исән булсам, шулай булачак.

Юк, иртәгә азрак башка төрле булыр төслерәк. Чөнки теге изге күңелле дусларның акыллы киңәшләрен тотып, бүген кич йоклар алдыннан яшәү турында уйланып ятам менә. Телефон экранына карап бушка узган вакытым бик кызганыч тоелып китте. Уйларымны раслап, кабат укырмын дип теге атнада ук кибеттән сатып алган Мөхәммәт ага Мәһдиевнең «Бәхилләшү» китабы да киштәдән моңсу гына карап тора түгелме соң?!

Бүгеннән башлап ватсап киңлекләрендә сирәгрәк күренсәм, дус-танышлар үпкәләмәс, шәт. Вакытның кадерен белергә үзләре кушалар ич.

Нравится
Поделиться:
Реклама
Комментарии (0)
Реклама
  • 14 декабря 2017 в 12:30
    пресс конференция Владимира Путина
  • Балык, кап, яр буенда ялтырап ят!
  • Ратушада геройларны котладылар
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • Йөзү буенча Россия чемпионаты башланды
  • «Миркәй белән Айсылу» спектакленнән ФОТОРЕПОРТАЖ
  • 16 декабря 2017 в 07:33
    Ял көннәрендә көчле буран көтелә
    Бүген, 16 декабрьдә Татарстанда аязучан болытлы һава, урын белән кар, буран көтелә. Көньяктан искән җилнең тизлеге урыны белән секундына 18 метрга кадәр җитәчәк, дип хәбәр итә Татарстан Гидрометеорология һәм әйләнә-тирә мохитне күзәтү идарәсе матбугат хезмәте.
    3
    0
    0
  • 9 декабря 2017 в 09:15
    Ренат Ибраһимов: «Дин юлына баскач, бөтен дөньям яхшы якка үзгәрде» Күптән түгел Россиянең һәм Татарстанның халык артисты Ренат Ибраһимов үзенең 70 яшьлек юбилеен билгеләп узды. Шул уңайдан, баритон тавышлы җырчы күптән түгел генә туган шәһәрендә кунак булып китте. Әңгәмә вакытында сигез бала атасы үзенең намазга басуы, иҗаты һәм «Пусть говорят» тапшыруында катнашуы хакында сөйләде.
    314
    0
    0
  • 9 декабря 2017 в 15:11
    Әнкәйләр догасыннан ташламасын Җәннәт – әниләрнең табан астында, диләр. Әниләрдән дә кадерлерәк, игелеклерәк кеше юктыр. Намаз укыган ата-ананың баласы, елаганда да, мине тәрбияләгән әти-әнине җәннәтле итсәң иде дип тели, ди. Әни кешенең тугыз ай буе карынында йөрткән сабыен тулгак ачысын татып дөньяга тудыруы, аннары баласы өчен борчылып, янып-көеп яшәве турында сөйләп тормыйм. Әниләргә шагыйрьләр, язучылар дан җырлый.
    218
    0
    2
  • 9 декабря 2017 в 10:36
    Туган җиргә мәхәббәт кечкенәдән башлана Казанда «Иркенлек» («Простор») дигән туристлык һәм туган якны өйрәнү үзәге эшли, анда чаралар еш үткәрелеп тора. Балалар өчен иҗади түгәрәкләр оештырыла. Әлеге дәресләр, күнекмәләр балаларга булачак һөнәрен сайларга ярдәм итә, туган якны тирәнтен өйрәнүдә булыша.
    130
    0
    1