Шәһри Казан

Атна саен Татарстан халкы мошенникларга 30ар миллион сум акча күчерә

Мошенниклар россиялеләргә Роскомнадзор хезмәткәрләре исеменнән шалтыратып, шәхси мәгълүматларны җыя башлаган. Ведомствоның телеграм-каналында шул хакта хәбәр ителә.

Шул рәвешле мошенниклар әңгәмәдәшенә аның абонент номерын алыштырырга маташуларын әйтә, шуннан соң гариза рәсмиләштерергә һәм шәхси мәгълүматларның өченче затлар тарафыннан кулланылмавын тикшерергә тәкъдим итә икән. Шул ук вакытта «Бердәм дәүләт хезмәте порталы»нда кулланучының булу-булмавын ачыклый.

Аннары мошенниклар тикшерелүче номерга кредит рәсмиләштерүләрен, моны Үзәк Банк раслый алуын белдерә. Ышандыру өчен, кешене, янәсе, “кайнар линия” белән тоташтыралар һәм Үзәк банк бу сүзләрне “раслый”. Моннан тыш мессенджерга кулланучының үзенә төзелгән кредит килешүе күчермәсен җибәрергә тәкъдим итә. Ә ул ялган килешү чынга бик охшаган, ышандырырлык күренә икән. Шул рәвешле мошенниклар кешенең шәхси мәгълүматларына ия була да инде.

Роскомнадзор кисәтүенчә, ведомство “кайнар линия” операторларының “Дәүләт хезмәтләре порталы”ндагы шәхси сәхифәләргә, гражданнарның кредит тарихларына һәм профильләренә керү мөмкинлеге юк.

Бу көннәрдә Россия Эчке эшләр министрлыгы илдә телефон мошенникларының активлашуын кисәтте. Алар россиялеләрдән сыйфатсыз БАДлар сатып алган өчен компенсация түләргә тәкъдим итә. Компенсация алу өчен гражданнарга салым яки инкассация хезмәтләре өчен түләргә тәкъдим итәләр.

Реклама

Алдауның тагын бер юлы шәхси мәгълүматларны урлау нәтиҗәсендә гамәлгә ашырыла. Бу болайрак башкарыла. Кешенең банк картасына ярыйсы ук зур сумма күчерелә. Банкка мөрәҗәгать иткән очракта да, ул акчаның кайдан, кем тарафыннан җибәрелүе, реквизитар күренми икән. Күпмедер вакыттан соң кинәт баючыга микрофинанс оешмасыннан шалтыратып, әҗәтне кайчан кайтарасыз дип кызыксына башлыйлар.

Гәрчә кеше микрофинанс оешмасыннан акча алмаса да.
Мошенниклар сезнең исемгә кредит алып, зур процентлар һәм башка кеше әҗәтен түлисегез килми икән, шәхси мәгълүматларыгызны интернет сайтларда калдырмагыз. Кредитларны, займнарны да интернеттагы шикле ресурслар аша рәсмиләштермәү хәерле. Белгечләр фикеренчә, мошенниклар паспорт мәгълүматларын банк базаларыннан да урларга мөмкин. Шуңа да шәхси мәгълүмат белән сак булу кирәк.


Шулай да, картагызга “һавадан” акча килеп төшсә, нәрсә эшләргә соң? Финанс грамоталыгы үзәге эксперты Ольга Данейко иң элек ул акчаны туздырмаска киңәш итә.
Икенче эш итеп банкка мөрәҗәгать итәргә, ул акчаның кайдан килгәнен ачыкларга кирәк. Шулай ук акчаны кире кайтарырга теләгегез булганын белдерергә онытмагыз! Чөнки сезнең гаризадан башка банк акчаны үзе кире кайтара алмый.
Шуннан соң полиция бүлекчәсенә барып, мошенниклык хакында хәбәр итәргә, хокук саклау органнарыннан гаризагыз теркәлү хакында кәгазь (документ) алырга кирәк булачак.

Шулай ук кредит тарихыгызны тикшерү дә таләп ителә. Моны “Бердәм дәүләт порталы” аша да башкарырга була.
Микрофинанс оешмасына займ алу хакында килешүне тутктатуны сорап, хат юллагыз. Шәхси мәгълүматларыгызны тикшерү, куллануга рөхсәт бирмәгәнлегегезне искәртегез. Акчаның сезгә ялгыш күчерелүен, аларны кире кайтарырга әзер булуыгызны да әйтегез.
Микрофинанс оешмасыннан җавап булмаган очракта, судка мөрәҗәгать итәргә һәм Роскомнадзорга шәхси мәгълүматларыгызны законсыз куллануга сылтама белән микрофинанс эшчәнлегенә карата шикаять язарга кирәк.

Анна Арахамия фотолары

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: