Шәһри Казан

Гомеремне инвалидка багышлыйсым килми. Чыгып та китә алмыйм...

Нишләргә дә белмим. Минем дә бала тудырып, бәхетле хатын булып яшисем килә. Аңлыйм, мондый хәлдә кем дә калырга мөмкин, әмма күңелемдә аңа булган битарафлык, ачу көннән-көн арта...

Яшь хатынның үзәк өзгеч хатын сезгә дә тәкъдим итәбез.

"Миңа 28 яшь. Өч ел элек яраткан кешемә кияүгә чыктым. Үзебезнең фатир булмаганлыктан, бәби алып кайтуны кичектереп торырга булдык. Ирем белән икәүләп эшләп, фатирга акча тупладык. Һәм менә, ниһаять, үз өебезне булдырдык. Инде гаилә тормышының рәхәтен татып кына яшәргә иде дә бит...

Ирем авариягә тарыды. Берничә ай дәваханәдә ятарга туры килде аңа. Умыртка сөяге җәрәхәтләнгән. Табиблар, чын мәгънәсендә, аны "теге дөнья"дан тартып алды. Яшь кеше бит, йөрәге сәламәт булу да ярдәм итте, диделәр. Бүген ул инвалидлар коляскасында гына хәрәкәт итә ала. Ярый әле әти-әнисе аны тәрбияләргә ярдәм итә. Мин эштә чакта алар безгә килеп тора.

Тәүге вакытта аягына басачагына бик нык ышанса, хәзер инде өмете өзелә башлады. Күнекмәләр ясар өчен дә бик озак үгетләргә кирәк. Шул ук вакытта, ул миннән дә читләшә. Элекке кебек сөйләшкән дә юк безнең хәзер. Ул һәрвакыт ачулы, миңа начар сүзләр әйтергә дә кыенсынмый. Бик арыдым. Табиблар да төгәл генә берни дә әйтә алмый. Ирем көннән-көн минем өчен ят кешегә әверелә. Нишләргә дә белмим. Минем дә бала тудырып, бәхетле хатын булып яшисем килә. Аңлыйм, мондый хәлдә кем дә калырга мөмкин, әмма күңелемдә аңа булган битарафлык, ачу көннән-көн арта...

Реклама

Әти-әнисе белән мөнәсәбәтләр яхшы. Әнисенең ничек тә миңа ярарга тырышуын да аңлыйм. Мин улын ташлап чыгып китсәм, ул гомер буе ялгыз булачак бит. Нишлим? Гомеремне инвалидка да багышлыйсым килми, ташлап чыгып китсәм дә үз-үземне кичерә алмаячакмын", - дип язган социаль челтәрләрдә яшь хатын.

Чыгынак: Кызыл таң

Фото: https://pixabay.com/ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (3)
Осталось символов:
  • 1 июль 2022 - 16:29
    Без имени
    36 яшь иде ирем чирлэде, эледэ исэн 65 яшь Тула 8 ел ятып кына Тора, яратып чыктым, ике ул таптым, Хэзер алар узле этилэр, бэйлэгэн эт кебек яшим бер кая барып булмый,туганнары аена бер килеп китэлэр, Хэзер инде узем 60 та, чирле кешене карау авырая, узегез ныклап уйлагыз инде, яраттсагыз тузэсез инде, но дошманыма да не желаю мондый тормыш,исэн САУ булыгыз
  • 12 июнь 2022 - 10:03
    Без имени
    Яратасын икэн тор . Блогер Ростэмне генэ карагыз, яшим диеп Яши. Алар белэн аралашыгыз, бэлки файдасы булыр. Кеше эйткэнчэ тугел , уз йорэген кушканча эшлэ матурым. Яшь кеше бит ташлап чыгып китсэн ул юк булачак. Балагызда булыр аллахым боерса. Бу аллахы тэгалэ тарафыннан бирелгэн сынаудыр кызым. Ни булсада бэхетле бул . Тирэнтен уйла, тозэтэ алмаслык хаталар ясама. Сез икегездэ бэхеткэ лаек. Иренне анларга була ул узен артык дип самый , э син ана юл куйма, сойлэш , кинэшлэш анын белэн Миннэн сезгэ бер телэк , Бэхетле булыгыз
  • 23 октябрь 2021 - 06:26
    Без имени
    Яшь хатынга бу авыр хәлдә калуына аллаһтан гына хәерлесен сорарга кирәк икәнен киңәш итеп әйтә алам. Ә икенче яктан карагандаю, гарип ир-атларга менә дигән матур кызлар кияүгә чыгалар да менә дигән сау сәламәт балалар да тудыралар. Әгәр дә ирегез нык каршы икән бергө яшәвегезгә, ул вакыт та аллаһка тапшырып, тәвәккәллисез инде?! Аллаһ кодрәтеннән узмыш юк. Аңа гына сыенырга кирәк!