16+

Андрей Кондратьев: “Яшьләр көнендә җитди сөйләшүләр өчен заманча иҗтимагый киңлек ачылышы бер символикага ия”

28 июня 2025, 13:16
722
0
0
Уку өчен 2 минут

Бүген Казансу яр буенда, “Урам” экстрим-паркы янәшәсендә, 14 сентябрьдә булачак Татарстан Рәисе сайлаулары турында мәгълүмат бирү үзәге - «Сайлау ноктасы» павильоны ачылды.

Андрей Кондратьев: “Яшьләр көнендә җитди сөйләшүләр өчен заманча иҗтимагый киңлек ачылышы бер символикага ия”

Бүген Казансу яр буенда, “Урам” экстрим-паркы янәшәсендә, 14 сентябрьдә булачак Татарстан Рәисе сайлаулары турында мәгълүмат бирү үзәге - «Сайлау ноктасы» павильоны ачылды.

Татарстанның Үзәк сайлау комиссиясе рәисе Андрей Кондратьев билгеләп узганча, Яшьләр көнендә җитди сөйләшүләр өчен мондый заманча иҗтимагый киңлек ачылышы бер символикага ия. “Без сайлау кампаниясенә гел яңача карарга тырышабыз. Әлеге иҗтимагый киңлек яшьләр, гомумән сайлаучылар өчен файдалы булыр дип ышанам. Ачык кампания, ачык аралашу, ачык сөйләшү урыны бу”,  - дип белдерде ул мәгълүмат үзәге ачылышында.

Чарада катнашкан Татарстан яшьләр эшләре министры Ринат Садыйков ассызыклаганча, бу бер киңлек кенә түгел, ә яшьләр өчен файдалы проект та. “Һәм ул яшьләрнең хакимияткә ышанычы турында сөйли. Татарстанда 1 милионнан артык яшь кеше бар, шуларның 65 проценты сайлау хокукына ия. Бу җитди сан. Сайлау кампаниясе турында белергә теләгән һәр кеше монда мөрәҗәгать итә ала. Аларның теләсә кайсы сорауларына экспертлар, сәясәт эшлеклеләре җавап бирәчәк”, - дип тә өстәде ул.

“Сайлау ноктасы” җәй буе эшләячәк. Анда сайлау системасы белгечләре консультацияләр үткәрәчәк, ачык һавада заманча гаилә фильмнары һәм мультфильмнары күрсәтеләчәк, видеоподкастлар, мастер-класслар оештырылачак, экспертлар белән очрашулар һәм башка күңел ачу чаралары уздырылачак.

Кызыклы яңалыкларны күзәтеп бару өчен Вконтактега кушылыгыз. 

Язмага реакция белдерегез

0

0

0

0

1

Реакция язылган инде

Комментарийлар

Мөһим

loading