Шәһри Казан

Буада бер казга 80 сум түлиләр

Буа районының Ташкичү авылы халкы күпләп каз үстерә.

Каз өмәсенә алар күрше Чувашстанның Батыр районы Кызыл Чишмә авылыннан каз йолкучы махсус бригаданы чакыра. Быел 150 баш каз үстергән Салих Әхмәдуллин хуҗалыгында оста кызлар казларны бик чиста-пөхтә чистартканнар, эшләп бетергәч, идәннәргә кадәр юып чыгып киткәннәр.
Казларны ул ел саен шулай күпләп үстерә икән.

- Авыл кешесе өчен каз үстереп сату бик керемле нәрсә. Казларны Казанга да, Мәскәү, Самара, Ульяновскига да озатабыз. Сатып алучыларыбыз күп, заказны ел башыннан ук биреп куялар, - ди Салих.
Уртача алганда, бер каз түш­кәсен - 1200 сумга, эчен-башын 200 сумга саталар. Мамыгын да алучылар бар.
- Чегәннәр килеп сорап йөри, әмма без аларга бирмибез. Биектау районыннан берәүгә тапшырабыз, аның тире эшкәртү цехы бар. Мамыкны киптереп, эшкәртеп, каядыр урнаштыра, - ди әңгәмәдәшем. - Дүрт каздан бер килограмм мамык чыга, бер килограммын 450-500 сумга озатабыз. Исәпләп кара инде, 150 баштан чыккан мамыкны сатып, никадәр акча эшләп булганын.

- Бер казны йолкыган өчен ничә сум бирәсез?
- 80 сум. Ике көндә казларны чистартып, эшен бетереп куйдылар. Үзебезнең авыл кешесен чакырып булмый, вакыт­лары юк, алар үзләре дә каз ас­рый. Кайберәүләр 1000 баш үстерә, - ди Салих.
Каз йолкучылар бригадасында йөргән Минниса апа Мәҗитова үзе дә быел илле баш каз үстергән.

Реклама

- Иң элек үзебезнең казларны суеп чистар­табыз. Аннары «гастрольгә» чыгып китәбез. Көннәр суыткач, чакыра баш­лыйлар, Яңа елга кадәр йө­рибез. Килеп алалар, китереп куя­лар, бер каз өчен 80 сум акча бирәләр. Бу эш белән биш ел элек үк ­шөгыльләнә башладык. Ел саен көтеп алалар, - ди ул.

- Минниса апа, кайбе­рәүләр казның өстен кайнар үтүк белән бастырып, икенчеләр кайнар суга манып алып чистарта. Сез ничек эшлисез?
- Үтүк белән бастырып. Алай иткәндә, эшең пөхтәрәк килеп чыга. Ан­нары кайнар суда казның эчәкләре дә пешеп китә бит.

- Бер казны чистарту өчен күпме вакыт кирәк?
- Ун минут җитә. Безнең бармаклар автомат кебек эшли хәзер.

Минниса апа белән телефоннан, ул каз йолкып утырганда сөйләштем. Эшсез килеп, эшленең эшен калдырыр, диләр. Мин дә тизрәк саубуллашып, телефонны куярга ашыктым.














Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 13 января 2018 в 10:30
    Кайтарыйк Будулайны! «Җырлап ачылмаган күңел мәңге ачылачак түгел», – дип җырлыйлар. Җырлап караган бар минем, көтү көткәндә, чыбыркыны микрофон урынына тотып. Көне буе нишләмәк кирәк ул көтүдә, төрлечә маймылланып карыйсың инде. Моң дәрьясына чума гына башлаганда, берәр азгыны уҗымга каера, «Аһ, инәң башмагы, борыл!» – дип, аның артыннан йөгерәсең, микрофон-чыбыркыны шартлатып. Ә кайберәүләр борылып килгәч тә җырлаганнар, ахры. Чыбыркыны чын микрофонга алмаштырып, хәзер әнә сәхнәдә балкыйлар.
    191
    0
    0
  • 13 января 2018 в 09:10
    «Шәһри Казан»ның тугры укучысы Кайсы гына гәҗит 27 ел буе бертуктамый алдыручы тугры укучылары белән мактана ала икән?! Ә менә сезнең «Шәһри Казан» гәҗите шундый укучыларының берсе белән һичшиксез мактана, горурлана ала. Ул – Казан шәһәренең Нагорный бистәсендә яшәүче 85 яшьлек Асия апа Ибраһимова.
    141
    0
    1
  • 13 января 2018 в 10:00
    Шагыйрь җиңүе Декабрь ахырында Казахстанның Төркестан шәһәрендә ХII Халыкара төрки шигърият фестивале үткәрелде. Ике елга бер тапкыр уздырыла торган әлеге фестиваль – төрки дөнья әдәби хәятендәге иң эзлекле, дәвамлы һәм нәтиҗәле чараларның берсе. Төркия Язучылар берлеге тарафыннан оештырыла торган фестиваль тәүге тапкыр 1992 елда Төркиянең Бурса шәһәрендә ачыла һәм Конья шәһәрендә төгәлләнә. 
    117
    0
    0