#Дин 14 апреля 2016, 07:58

Хәбәрсез югалган Сөләйман хәзрәтнең туганнары Путин белән туры элемтәгә чыгарга җыена

14 апреля 2016, 07:58

Бүген Россия Президенты халык белән "Туры элемтә" оештырачак. Югалган Сөләйман хәзрәт Зариповның якыннары Владимир Путинга ярдәм сорап видеосорау юлламакчы. Бу хакта Идел буе һәм Вахитов районнары мөхтәсибе Мансур хәзрәт Җәләлетдин белдергән. "Нурулла" мәчете имамының язмышы әлегәчә билгесез.

Скопировать ссылку

Хәбәрсез югалган Сөләйман хәзрәтнең туганнары Путин белән туры элемтәгә чыгарга җыена

Сөләйман хәзрәтнең туганнары 10 март көнне Владимир Путинга, Русия мөселманнарының Үзәк Диния нәзарәте рәисе Тәлгать Таҗетдин һәм Русия мөфтиләр шурасы рәисе Равил хәзрәт Гайнетдинга эзләү эшләрен үз контроленә алуны сорап хат юллаганнар иде, дип хәбәр итә "Бизнес Онлайн".

Россия Тикшерү комитетының ТР буенча тикшерү органнары тарафыннан Казанның Петровский бистәсе имам-хатыйбы, "Нурулла" мәчетенең II имамы 57 яшьлек Сөләйман хәзрәт Зарипов һәм Берләшкән Гарәп Әмирлекләренең 62 яшьлек гражданы югалуы очрагы буенча кузгатылган җинаять эшен (РФ Җинаять кодексының 105нче маддәсенең 2нче өлеше "Ике һәм аннан да күбрәк затларны үтерү") тикшерү дәвам итә.