Шәһри Казан

Мәскәүдә тагын «шарт!»

Без инде ул шартлауларга, атышуларга күнегеп барабыз бугай. Мәгълүм бер әйтемдәгечә: «Минем өем кырыйда...» - миңа гына кагылмасын, ә калганы нигә шунда асты-өскә килми, янәсе. Дөрес, бу юлы бернинди теракт та, заказлы үтерү дә булмаган. 30 сентябрь көнне Мәскәүдә туй кортежыннан аларны узарга теләүче машиналарга атканнар. Моны күрүчеләр полиция чакырганнар,...

Реклама

Без инде ул шартлауларга, атышуларга күнегеп барабыз бугай. Мәгълүм бер әйтемдәгечә: «Минем өем кырыйда...» - миңа гына кагылмасын, ә калганы нигә шунда асты-өскә килми, янәсе.
Дөрес, бу юлы бернинди теракт та, заказлы үтерү дә булмаган. 30 сентябрь көнне Мәскәүдә туй кортежыннан аларны узарга теләүче машиналарга атканнар. Моны күрүчеләр полиция чакырганнар, ә тегеләр исә полиция хезмәткәрләрен дә «утка тотып» каршылаган. ОМОН килгәч кенә, кызмача туй кунакларын «тынычландыра» алганнар. Хәзер полиция шәһәр урамында булган атыш буенча мәгълүмат җыя, видеога төшерүчеләргә ярдәм сорап мөрәҗәгать итә. Дөрес, шул ук көнне бер туй кунагын 15 тәүлеккә ябып куйганнар, пистолет хуҗасына 2 мең штраф салганнар.
Кияү егетенең дусты исә бу хәлгә үзенчә ачыклык керткән: «Атышу булды. Ләкин Мәскәүдә түгел, ә шәһәр читендәге бер бистәдә. Без Фәридәне (кәләш) алырга килеп җитүгә, күршеләр урамга йөгереп чыкты, бии башладылар, шунда бер дустыбыз читкә китеп пистолеттан һавага атты». Кем ничек сөйли, кемгә ышанырга белмәссең, әмма утсыз төтен чыкмый инде ул.
Мәскәүдәге «Дагыстан» мәдәни үзәге президенты Арсен Гусейнов: «Туйда атышу Дагыстан халкында, гомумән, Кавказда булмаган хәл. Соңгы берничә дистә елда яшьләр шулай кылана башлады», - дип белдергән һәм якын арада яшьләр белән тәрбияви сөйләшүләр алып барылачагын хәбәр иткән. Ә В.Жириновский бу уңайдан Җинаять кодексына, совет чорындагыча, кәләшне сатып алу, күпхатынлылык, җирле гореф-гадәтләрне шәһәр җирендә куллануга каршы маддә өстәргә тәкъдим итә.
Арты пычрак сыер бөтен көтүне буйый, ди халык. Фәридәне күрү шатлыгыннан аткан бер-ике егет аркасында, хәзер бөтен Кавказ халкы исеменә тап төшәчәк. Таулы өлкәләрдән килеп эшләүчеләр Россиянең бөтен шәһәрләрендә дә бар. Алар турында уйлаучы булмагандыр шул, көньяк халкын бердәм диләр тагын.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 14 март 2018 - 14:51
    «Хәләл фермер» Ленар ЛАТЫЙПОВ: «Хатын сайлау берни түгел, сыер сайлап кара син!» Биектау районының Торнаяз авылында «хәләл фермер» белән танышып кайттык. Биш вакыт намазын калдырмаган, шәригать кануннары буенча яшәүче Ленар Латыйповлар гаиләсен күрше-тирәдә шулай атыйлар. Алар ун ел эчендә мөгезле эре терлек санын 250гә җиткергән. Республикада бу – иң күп мал асраучы гаилә фермасы.
    545
    0
    2
  • 14 март 2018 - 16:28
    Лаешта пычрак су «дефицит»ка әйләнәчәк Татарстанның Лаеш районы Чулман белән Идел елгалары кочагына урнашкан. Гаҗәеп матур җирләр.
    456
    0
    0
  • 14 март 2018 - 15:42
    «Гавайи» салаты ясау ЫСУЛЫ Бер порция өчен 40 гр айсберг яки пекин салаты (икесен бергә кушсагыз да була), 50 гр ысланган тавык, 40 гр консервланган ананас, кечкенә генә бер тырнак сарымсак һәм кыздырылган кара ипи кисәкләре кирәк.
    342
    0
    0
Ночной режим