Шәһри Казан

Файдалы Корбан

Соңгы араларда типсә тимер өзәрлек иренең сәламәтлеге какшап китте әле Зифа ханымның. Нинди генә ризык пешереп ашатса да, тәмен тапмый. Табын янында ашый үзе, аннары йә саруы кайный, йә ашказаны авырта башлый.

Реклама

Уң ягын да еш тоткалый соңгы вакытта. Монысы бавыр инде аның, организмның тузан суырткычы дип аталган иң мөһим әгъзасы. Зифа ханым, көн саен диярлек: «Табибларга барып күренеп кара», - дисә дә, колагына да элми. Яраткан иренең нигә болай сырхаулап китүенең сәбәбен яхшы белә Зифа ханым. Хәләл җефете өйләнгәннән бирле һаман шул бер гадәтен ташламый: кич саен табын янына ак башлы шешәсез утырмый. «Аппетит өчен» дигән булып, бер-ике чәркә салып куя. Сүз дә әйтә алмый хатын. Кеше ирләре әнә «лык» булып исереп, көчкә аягында кайта бит әле өйгә. Ә аның алла биргәне, культурный итеп, табын янына утырып эчә. Аш алдыннан тотып куюның файдасы күп, имеш. Ай-һай, бер дә булырга охшамаган. Тизрәк берәр чара күрмәсәң, яраткан ирең аракы корбаны булып куяр. Алла сакласын.

Алла, корбан дигәннән, Зифа ханымның башында бер бик әйбәт идея туып килә бит әле. Тиздән мөселманнарның олуг бәйрәме - Корбан гаете җитә. Шул изге көнгә аз гына вакыт калып барганда, Зифа ханым җайлап кына иренә сүз катты:

- Карале, әтисе, әйдә быел без дә корбан чалдырыйк әле, - диде ул, кайчандыр ире гашыйк булган серле зәңгәр күзләрен елмайтып. - Булган гөнаһларыбыздан да арынырбыз... Кеше ел саен белми чалдырмыйдыр. Файдасы күп, диләр бит...

Корбан итеп чаласы сарык та, аны аласы акча да шактый кызганыч тоелса да, ир ризалыгын бирде. Бәйрәм көнне иртә таңнан яңа киемнәр кидереп, улларын да, ирен дә мәчеткә намазга җибәргәч, күңелендә җиңү тантанасы сизде Зифа ханым. Озакламый уллары белән ире корбан чалып алып кайттылар. Тәкә бик симез, зур булган, күрәсең, тирә-күрше, туган-тумачага өләшкәч тә, өеп бер табак ите калды әле.

Икенче көнне иренең эштән кайтуына Зифа ханым ашны шул Корбан итеннән пешерде. Бүлмәгә тәмле шулпа исе чыккач, ире, гадәтенчә, суыткычтагы акбашлы шешәгә үрелгән иде, «Ярамый, акыллым. Корбан ашы. Бисмилла әйтеп ашый торган. Гөнаһ була», - дип, Зифа ханым суыткыч ишеген тиз генә ябып куйды. Әллә гөнаһыннан курыкты ире, ашны бисмилла әйтеп ашады. Икенче, өченче көнне дә аш шул Корбан итеннән пеште һәм акбашлы шешә суыткычта моңаеп утыруын дәвам итте. Пылау да пешерде аннан уңган хатын, ит тарткычтан чыгарып, пилмән дә бөкте, кәтлит тә әвәләде, хәтта бәлешкә дә шуны турады. Көн саен пешерә торгач, бер ай үтте дигәндә, Корбан ите бетте. Гөнаһтан курыккан ир дә бу вакыт арасында шешәгә якын да килмәде. «Әллә бөтенләй оныттымы икән бу?» - дип сөенгән иде дә Зифа ханым. Юк, иренең Корбан ите бетүен көтүе икән: «Аннары да вакыт бар бит әле», - дип юатты ир үз-үзен, суыткыч ягына ара-тирә моңсу караш ташлап.

Әллә бисмилла әйтеп ашаганга, аппетит ачар «даруы» булмаса да, ирнең тамагыннан Корбан итеннән әзерләнгән ризыклар бик шома үтте. Хәтта эч авырту, сару кайнау кебек җәфаланулары да башта кимеде, аннары тәмам бетте. Йөзләренә алсулык йөгерде, тәненә ит кунды, ләкин ирнең шешә белән дуслыгын алай тиз генә өзәсе килми иде шул.
- Кайчан бетә инде бу Корбан ите, кешечә ашап-эчеп тә булмый, ичмасам, - дип зарланды, хатыны өйрәткәнчә, савабы күбрәк булсын өчен, бисмилла әйтеп кайнар шулпа чөмерә-чөмерә. Ул шул Корбан итенең инде ун көн элек беткәнен, Зифа ханымның ашны базардан алып кайткан гади сарык итеннән пешергәнен белми иде. Каян белсен?! Ашаган белми, тураган белә.

Зифа ханым быел да Корбан чалдырырга әзерләнә. Тагын да зуррак, симезрәк тәкә сайларга исәбе. Күреп тора, файдасы бар бит.

Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    171
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    591
    0
    6
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    524
    0
    2
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    359
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    194
    0
    0
Ночной режим