Шәһри Казан

Башкортча тәбикмәк

Манный ярмасыннан әзерләнә торган бик тәмле, туклыклы тәбикмәк. Аны, гадәттә, Башкортстанның Илеш якларында пешерәләр.

Реклама

1 аш кашыгы чүпрәгә (корысы) 1 чәй кашыгы шикәр комы, 1 аш кашыгы он, 0,5 чынаяк җылы су салып кабартырга куярга. Ул арада 1 кг манный ярмасына 700-800 мл җылы сөт, 0,5-1 чәй кашыгы тоз салып, ипи камыры кебек катырак итеп камыр басарга. Чүпрә әзер булгач, аны да камырга кушып, яхшылап болгатып, җылы урынга куярга кирәк. Камыр 40-45 минутта кабарып менә. Кайнап торган 1 литр сөт салып, тиз генә болгатырга һәм алдан күпертелгән 7-8 йомырка кушып тугларга. Янә 1,5 сәгатькә кабарырга куярга. Аннан инде тәбикмәкне көнбагыш маенда пешерә башларга да була.

Теги: 250
Нравится
Поделиться:
Реклама
Комментарии (0)
Осталось символов: