Шәһри Казан

Яман шешкә каршы суган

Суган күз яшьләребезне түктерсә дә, теге яки бу ризыкны әзерләгәндә ул алыштыргысыз яшелчә. Шул ук вакытта, дөрес кулланган очракта, сәламәтлегебез өчен дә файдалы. Бигрәк тә кызыл суган дәвалау үзлекләренә ия. Аның составындагы дисульфидлар бактерияләрне үтерүгә сәләтле, кандагы шикәр белән холестеринны киметә, организмны яман шештән саклый. Кызыл сугандагы аллицин дигән матдә...

Реклама

Суган күз яшьләребезне түктерсә дә, теге яки бу ризыкны әзерләгәндә ул алыштыргысыз яшелчә. Шул ук вакытта, дөрес кулланган очракта, сәламәтлегебез өчен дә файдалы. Бигрәк тә кызыл суган дәвалау үзлекләренә ия. Аның составындагы дисульфидлар бактерияләрне үтерүгә сәләтле, кандагы шикәр белән холестеринны киметә, организмны яман шештән саклый. Кызыл сугандагы аллицин дигән матдә исә тромблар барлыкка килүне кисәтә, кан тамырлары тышчасының сыгылмалылыгын тәэмин итә. Әмма суганны пешергән вакытта аның файдалылыгы югала. Суган составында ялкынсынуга каршы торучы изоцианатлар да бар. Ул организмга инфекцияләргә каршы көрәшергә ярдәм итә.
Суган, белгәнебезчә, С һәм В витаминнарына да бай. Алар исә матдәләр алмашына һәм нерв системасы эшчәнлегенә уңай тәэсир итә. Болардан кала, суганда марганец белән хром да бар.
Атеросклерозны кисәтү максатыннан, шул ук суган белән бал катнашмасын ашагыз. Аны көненә өч тапкыр, ашаганнан соң кулланыгыз. Цинга вакытында авыз куышлыгына суган согы сөртү дә файда китерер. Гөмбәчек авыруыннан котылу өчен зыян күргән урынга угычта уылган суган белән бал катнашмасын сылагыз. Аш серкәсендә пешкән суганны исә сөялле урынга куеп торыгыз.
Суган чәчне ныгыту чарасы да булып тора. Башны юарга бер сәгать кала баш тиресенә берәр бал кашыгы суган согы, кастор, тигәнәк һәм үсемлек майлары, ике бал кашыгы шампунь һәм бер күкәй сарысыннан торган катнашма белән башыгызны чылатыгыз. Соңыннан чәчегезне кычыткан яки әрекмән төнәтмәсе белән чайкагыз. Моны бер-ике ай дәвамында атнага бер тапкыр кулланыгыз. Әлеге катнашманы язгы чорда куллану аеруча файдалы. Кавыктан котылырга теләсәгез, аның кабыгыннан «шулпа» ясап, башыгызны шуның белән юыгыз.
Суган җыерчыклардан котылырга да ярдәм итә. Моның өчен суган белән балдан ясалган катнашманы битегезгә сылагыз.

Теги: 250
Нравится
Поделиться:
Реклама
Комментарии (0)
Осталось символов: