Шәһри Казан

Йокы килә, баш авырта... тизрәк каһвә бирегез

Күзләр әкрен-әкрен генә йомыла, бөтен гәүдәне хәлсезлек биләп ала, өстәвенә үтереп баш авырта, шул вакытта алар тизрәк каһвә яки каты чәй эчәргә ашыга. Аңлагансыздыр, сүз гипотониклар, ягъни түбән кан басымыннан интегүчеләр турында бара.


Гипотония - рәсми медицинада түбән кан басымы белән бәйле авырулар җыелмасының атамасы. Табиблар әле бүген дә аны аерым бер авыру итеп караргамы, әллә ул башка авыруларның катлауланып китү очрагымы икәнен ачыклый алмый. Түбән кан басымыннан җәфаланучылар гипертония белән авыручыларга караганда азрак булса да, гипотония кешеләргә күбрәк мәшәкать тудыра. Түбән кан басымының иң куркыныч ягы - кеше хәтта аңын югалтып егылырга да мөмкин, ди табиблар. Гипотониянең төп билгеләре исә түбәндәгеләр:
- хәлсезлек һәм арыганлык;
- тиз кызып китүчәнлек;
- эссегә һәм салкынга бик сизгер булу;
- куллар һәм аяклар туңу;
- баш авырту, баш әйләнү һ.б.
Иң кыены шул - традицион медицина югары кан басымын төшерә белсә дә, кан басымын күтәрү, ай-һай, җиңел түгел. Кайбер вакытта дару да, каһвә дә эчеп карыйсың, ләкин нәтиҗәсе генә булмый.

Кан басымы ник төшә?
Гипотониянең барлыкка килү сәбәпләре күптөрле булырга мөмкин. Беренчедән, югары кан басымын төшергәндә артык нык тырышып җибәрү нәтиҗәсендә, кан басымының бөтенләй түбәнәюе бар. Бу очракта кан басымын төшерә торган даруларны эчүне туктатырга гына кирәк, аннан соң барысы да үз хәленә кайтачак. Гипотониянең башка сәбәпләре дигәндә, йөрәк-кан тамырлары системасы эшчәнлеге, кан әйләнеше бозылуын, нерв киеренкелеген, аритмия, аллергия һәм кан авыруларын билгеләп үтәргә кирәк.

Иң яхшы дәва - сәламәт йокы
Ничек кенә сәер тоелмасын, әмма түбән кан басымыннан иң яхшы дәва - сәламәт йокы. Гипотониклар бары йоклап кына савыга ала. Икенче яхшы дәва - тынычлык. Шуңа күрә түбән кан басымыннан интегүче берәр танышыгыз булса, аны юк-барга борчып йөрмәвегез хәерле. Гипотоникларга ялга да зур игътибар бирергә кирәк. Алар, гадәттә, һава торышына да бик сизгер була. Башкалар өчен сизелерлек булмаган үзгәрешне дә мондый кешеләр бик авыр кичерә.
Шулай да кан басымы төшеп китсә, ярдәмгә килә торган беренче әйбер ул - каһвә. Гипотониклар тормышларын аннан башка күз алдына китерә дә алмый. Ләкин, кызганычка, аның тәэсире бик азга гына җитә, аннары, аны күп куллану нәтиҗәсендә, башка авыруларның килеп чыгуы да бар бит әле.
Кан басымын күтәрү өчен табиблар менә нинди киңәшләр бирә:
1. Көнгә ким дигәндә 4 тапкыр ашарга кирәк. Икенчедән, рационга тозлы һәм баллы ризыкларны кертегез. Иртән, мәсәлән, 1 чынаяк каһвә эчкәнче, май белән батон ашап куйсагыз, күпкә файдалырак.
2. Гипотониядән үләннәр дә ярдәм итә, мәсәлән, сары мәтрүшкә. Ләкин алар белән дә бик сак булу, белгеч белән киңәшләшеп куллану зарур. Аннан соң чөгендер суының файдасы зур. Аны көнгә ике тапкыр 100 мл чамасы эчсәгез яхшы.
3. Контраст душ керү дә кан басымын күтәрә, ул кан тамырларын тонуста тоту өчен менә дигән чара, димәк, кан басымын нормада тоту өчен дә.
4. Күрәгә, кипкән алма, әстерхан чикләвеге, кара җимешне ваклап, бал белән болгатып куеп, көн саен ашар алдыннан капкалап йөрсәгез, ул шулай ук кан басымын нормада тотарга ярдәм итәр. Теләгән кеше лимон суын да куша ала.
5. Кан басымын нормада тоту өчен начар гадәтләрнең булмавын әйтеп торасы да юк инде.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1160
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    552
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    408
    0
    0
Ночной режим