38 яшьлек ана балаларына даими күсе агуы ашатып торган

Табиблар аның агуланган сигез яшьлек улын көчкә коткарып калганнар. Моңа кадәр хатынның бер-бер артлы өч баласы үлгән инде. Алар дәвалап булмаслык авыру белән интеккән. Берсе дә өч яшенә кадәр яши алмаган. Балаларның гәүдәләрен казып алып экспертиза үткәргәннән соң, ананың аларны да күсе агуы белән агулаганы ачыкланган.

Сорау алу вакытында хатын: «Балаларны дәвалап туйдым, шуңа үтердем», – дип җавап биргән. Хатынны прокурор, Россия законнары кысаларында, мөмкин кадәр катгый җәзага – 20 елга ирегеннән мәхрүм итәргә сораган.